انا الصراحة الحين لو الموت ما افصل عند مواطنة أي كلام
سرت من فترة مع بنت خالي انفصل للعيد و سرنا محلين فالشارجه للمواطنات
أول محل موديلات من سنه يدي و القماش واااع و الاسعار 2024 و فوق
و المحل الثاني
ياريتني بس كنت محصله فص واحد اصلي عسب اقتنع ان هالعباية اللي يدامي تسوى 1800 و انا واقفه و اشوف امن الزيج مركب فالمضغ الحار
هاي ويين تبى
و الاغراض اللي عالعباية اتوقع الدرزن ب 10 و اذا خذت بالجمله يطلع لها الدرزن ب 7 او 6
صح انا ما عندي محل للعبي بس عندي خبره في هالسوالف
و الله حرام عليكن
في مواطنات اسعارهم عالية لكن شغلهم راقي
و دخلت دار الابداع و ما شاء الله ابداع* ابداع
و دار الوعد شي مميز و راقي
بس ما طاعو يسون لنا للعيد
و مها الخان اشوف عبيها بس بعدني ما سرت لها و اشوف ان عبيها راقيه
و لا الباقي مدري و الله شو اقول
ليش ترفعن الاسعار في شي ما يستاهل لا تقولن ان المحل له ايجار و له و له
ترى محلات الهنود بعد لهم ايجار و يبون يشترون اغراض بس ما يغلون جي
و الله
ولو في شغل راقي بنغض النظر لكن و الله ان العبي موديلاتها قدييييييييييييييييييييييييييييييمة وايد
صح ان في منهن رافعات اسعار العبي بس حبيبتي يعتمد علي المكان اللي اتسوينهن …لان في مواطنات يسوين شي غاوي وعندهم موديلات حلوه وخياطتهم نظيفه فاكيد بتلقين رواتب خياييطهم اعلي عن رواتب خياييط الهنود الي عبيهم مب هذا الزود ويغشونج في الفصوص والقطع والخياطه ..
اما اللي يبالغن ازياده عن المعقول مثل العبي 5000 و7000 و10000 وعادي تلقينهن بها السعر عبي بس للطلعات العاديه هاي صدق المفروض ما نسيرلها وانسوي عندها
انا اسوي عند المواطنات وفي منهن يسون الغاوي بسعر زين وفي منهن يسون الغالي .. عن ما يهمني سعر العباه كثر ما تهمني اتكون حلوه وراقيه .. عادي اسوي عباه غاليه طالما عايبتني ومرات اسوي عبي ارخاص ويستغربن ربيعاتي من سعرها لان يوم بتشوفينها بتعطينها سعر اغلى.. اذا تبين شي غاوي صدق سوي في مكانيين اما توشيه بس اسعارهم معروفه اشويه غاليه او عند ام ريم واسعارها معروفه معقوله ووايد اوكي .. وغير هالمكانيين نادر ما احصل شي يعيبني
اعرف وحدة والله يستر عليها
مسوية عباة حق ربيعتي
تخيلوا بكم .. 1800 ,, البعض بشوف هالمبلغ ولا شي وتااافه
بس تعرفون كيف الموديل
عباه سادة وقصة اليد العادية
بس الشغل موجود على الرقبة دور ما داير احجار مع فولك
انا حسبتها لو اشتريت الاحجار مع الفولك ما بكلفني 100 درهم
وخياطة العباة وما فيها قصه بالكثير 300
وشغل الريال 50 درهم
يعنى لو حسبتيها ما توصل اصلا 1000 درهم
استغرب ليش هم جيه
لا آجار محل ولا يدفعون حق البلدية أو غرفة التجارة
بس أنا ما أقول غير الله يهديهم
بس عسب ما أظلم .. أم ريم اسعارها وووايد مناسبة عن اسعار غيرها
يعنى عندها طقم فيه بــ 500 وطالع وصراحة الشغل منه وفيه
ممكن رقم ام ريم فديتكن؟؟؟
وابا بعد ارقام مواطنات عندهم ديزاينات غاويه واسعارهم بين 500 الى 2024 درهم
صدقتي الغاليه ..
المشاركة الأصلية كتبت بواسطة katcho 
انا ما تكلم عن سعر العباية الحمد لله انا بعد افصل عبي توصل لل3000 بس اكيد مو اي كلام
انا اقول ان في مواطنات مالهن خبرة في هالسوالف و فاتحات محلات كأسم بس