السلام عليكم بنات ,,
اليوم كان عندي مقابله ف التربيه والتعليم 
,, وقطعوني وتوترت وايددد وايدد وخلاص فقدت الامل في الشغل
كنت وايد متحمسه اني بتوظف بحكم اني معلمه شاطره في التدريس وعندي امتياز الحمد لله لكن مادري مارتحت من بعد المقابله ابداا ,, السبب الرئيسي اني ابي اشتغل هو انه انا ما عندي شي اسويه ابدا ما عندي شغله مول
ريلي 24 ساعه دوام ,, اهلي من اماره ثانيه ,, اهل ريلي وايد طيبين مايخصهم فيني لكن انا طبعي هادي وما احتك وياهم وايد ,,
وايد تعبت والله من يلسه على لابتوب وارقاد لابتوب وارقاد اول سنه زواج كنت ادرس وماكنت حاسه بالوقت لكن هالسنه الثانيه احس بفراغ كبيرررر مب عارفه كيف اتصرف في وقتي شو اسوي ؟؟
طبعا انا فكرت في وايد اشيا مثلا اخذ شهاده اي سي دي ال او ادخل الجيم لكن صعب لاني ما اسوق وريلي مب فاضي بسبة الدوام
وفي شي بعد انا كسوله وايييييييييد ماحب اسوي شي يعني امل من المطبخ ومن التنظيف مالي خلق شي مع انه ما عندي شي ,, شو الحل يا بنات الملل يقضي علي حبه حبه ,, افكر ادور وظيفه ثانيه لكن انا معلمه وعندي شهاده تربيه وصعب احصل وظيفه ,, قلت لزوجي بقدم معلمه احتياط ماطاع
عطوني حلول اني اقضي على الملل القاتل ,, وادعولي انه الله يرزقني الذريه الصالحه والعمل الصالح ,,
والسموحه الموضوع ملخبط ا
ملاحظه : الحمدلله انا اقرأ قرأن كل يوم بس الاذكار اليوميه مرات انسى ,,
اختي ماشاء الله عليكي
بس من وين عرفتي انك مانجحتي في المقابله يمكن انتي تفكرين انك نوعا ما مرتبكه بس يمكن يقبلونك يشوفون البروفايل مالتك
ويحسون ان ممكن تاخذين فرصه ثانية
شو رايك تقدمين للمدارس الخاصة صح راتبها قليل بس خبره وتقضي وقت وفي مدارس مستواها قوي
خذي دورات كمبيوتر ولغات تتسلين على الاقل
الله يسهل أمورج أختي
الغالية بعيد النضر عن المقابلة او الوظيفة انتي اول شي عالجي نفسج من الكسل
لان الكسل مدمر الانسان ويقضي على اهدافه وطموحاته
حاولي تبدئين تطوع …. حتى لو شهر او مدرسة احتياط …. المهم تكتسبين خبره اكبر وقدمي عالوظيفة مره ومرتين ومليون مره لاتيأسين المدة اللي تقدمينها بهالوقت مب كافية
نحن بوقت الالحاح عالوظيفة ما يصير تترين الاتصال او وظيفة لين البيت اتعبي وحاولي وكررري وتمسكي بالامل بالله فقط في غيرج تعينوا بعد 10 سنين وفي غيرج لين اليوم مب محصلين حتى المقابلة
ماعليه اختى لا تيأسين حاولي وواصلي مسيرة البحث وحتى لو قاطعوج بالمقابلة ليش ترتبكين هم ماقطعوا راسج ولا يرومون يأذونج بشي عادي خليج طبيعيه وواثقة والله يوفقج يارب
ヽヽ、ヽ、、ヽヽ、ヽ｀、☁｀｀、｀ヽ｀、ヽヽヽ、 ヽ☁｀ヽ｀ ｀、ヽ ｀｀、☁ヽ｀、ヽ、ヽ｀☁ヽ、、ヽ｀、、ヽ｀、.｀ـ☁、ヽ｀、、ヽ｀｀☁、ヽ｀ヽ、 ヽ｀、☁｀｀、｀ヽ｀、ヽヽヽ、 ヽ☁｀ヽ｀｀、ヽ｀｀、☁ヽ｀、ヽ、ヽ｀☁ ヽ、、ヽ｀、、ヽ｀、.｀ـ☁、ヽ、、ヽ｀ヽヽ、ヽ、、ヽヽ、ヽ｀、☁｀｀、｀ヽ｀、｀｀｀、 ☁ヽ｀、ヽ、 ヽ｀☁ヽ、、ヽ｀、、ヽ｀、.｀ـ☁、ヽ｀、、ヽ｀｀☁、ヽ｀ヽ｀｀｀、☁ امطروا قلوبكم بالاستغفار أسْتَغْفِـــرّ الْلَّهِ الذي لا اله الا هو الحي القيوم واتوب اليه عدد خلقه ورضا نفسه وزنة عرشه ومداد كلماته ｀ヽ｀｀、ヽ｀｀、☁ヽ｀、ヽ、ヽ｀☁ ヽ、ヽ｀ 、、ヽ｀｀☁、ヽ｀ヽ、、ヽ｀ヽ ｀、ヽ、 ｀｀、ヽ｀、、｀｀、ヽ｀｀ ｀、｀｀｀、☁ヽ｀、ヽ、ヽ｀☁ヽ、、ヽ｀、、ヽ｀、.｀ـ☁、ヽ｀、、ヽ｀｀☁、ヽ｀ヽヽ｀ 、☁｀｀、｀ ヽ｀、ヽヽヽ、ヽ☁｀ヽ｀｀、ヽ｀｀、☁ヽ｀、ヽ、ヽ｀☁｀、ヽ、、ヽ、｀｀、ヽ、、ヽ、 ヽ、 、ヽ｀｀
طيب ليش ما تعطي دروس تقوية
قدمي في المدارس الخاصه عالاقل تكسبين خبره ومنها تتسلين وتتعرفين عالناس
ليييييين يتفيجون التربيه ويردون عليج , ذيج الساعه داومي في الحكومه