السلام عليكم ,,,
بنات و حريم انا اعاني من التكيس من كنت صغيرة و ما خليت علاج الا جربته حتى حبوب منع الحمل اللي اتمنى ان اللي مب معرسة ما تاخذها للتكيس لانها تسوي اثار جانبية منها تأخر الحمل لا سمح الله و الحمدلله انا يبت بيبي (بعلاج كلوميد و دفستون) و قلت خلاص بيروح التكيس و النزيف اللي كان يستويلي بسبته و لكن للأسف ردلي مرة ثانية و فعلا حسيت بالكآبة و ان تعبي بلا فايدة المهم احين ابا اسألكن كمن سؤال بسوي دراسة معني مب دكتورة يمكن تساعدني و تساعدكن في حل المشكلة اذا ما عليكن كلافة
1- من كم سنة فيج التكيس ؟
2- شو هيه الأعراض المرتبطة بالتكيس؟
3-كم لتر ماي تشربينه فاليوم تقريبا؟
4- هل تمارسين الرياضة ؟ كم دقيقة في الاسبوع؟
5- هل في علاج معين فادج في علاج المشكلة؟
الله يشفيج يارب, ماعندي خبرة
حبيت ارفع لج الموضوع
ما أعرف شو أقول الصراحة غير ربي يشفيج غناتي وان شاء الله خواتي بيساعدونج وما بقصرون وياج
يزاكن الله خير
اختي التكيس اذا كان تحليل الهرمونات طبيعي عادي ما بيخوف حتى الحمل يصير
انا حملتي عالتكيس بس كان تحليل الهرمونات طبيعي انا استوالي التكيس بعد ثاني طفل بسبب زياده الوزن وزني كان 58 ومره وحده 70 انا اشرب 3 ليتر ماي يوميا الرياضه للحين ما اسوي لاني مربيه جريب بقيصريه والحين حر وقبل ما احمل التكيس كان ملخبط لي الدوره مب منتظمه موليه
وقبل ما احمل الدكتوره عتني كلوفكاج بس ما قدرت استخدمه سوالي لوعه فضيعه وحملت مرتين ع التكيس عادي بس قبل اخر حمله نزلت وزني لين 60 كيلو وكنت ابى اجيك اذا التكيس موجود او لا وحملت وما سالت عنه
المشاركة الأصلية كتبت بواسطة Helah 
بنات و حريم انا اعاني من التكيس من كنت صغيرة و ما خليت علاج الا جربته حتى حبوب منع الحمل اللي اتمنى ان اللي مب معرسة ما تاخذها للتكيس لانها تسوي اثار جانبية منها تأخر الحمل لا سمح الله و الحمدلله انا يبت بيبي (بعلاج كلوميد و دفستون) و قلت خلاص بيروح التكيس و النزيف اللي كان يستويلي بسبته و لكن للأسف ردلي مرة ثانية و فعلا حسيت بالكآبة و ان تعبي بلا فايدة المهم احين ابا اسألكن كمن سؤال بسوي دراسة معني مب دكتورة يمكن تساعدني و تساعدكن في حل المشكلة اذا ما عليكن كلافة
1- من كم سنة فيج التكيس ؟
2- شو هيه الأعراض المرتبطة بالتكيس؟
3-كم لتر ماي تشربينه فاليوم تقريبا؟
4- هل تمارسين الرياضة ؟ كم دقيقة في الاسبوع؟
5- هل في علاج معين فادج في علاج المشكلة؟
السلام عليكم ورحمة الله
انا تقريبا من عمري 13 فيني تكيس او 14 .. واول مابلغت يتني الدورة مره وحده وعقبها 8 شهور مايتني وقالو شي طبيعي لأن توني بلغت و وياني تكيس بس الدورة مووول ماتيني الا بحبوب وانا الحين عمري 24 ولين الحين ماتيني الا اذا خذت حبوب والتكيس يسير ويرد اتعالج عند الدكتوره (اوراس) وتعطيني حبوب والتكيس يروح بس الدورة ماتيني (ابدااا) للاسف .. ومن الاعراض ان فيني انتفاخ في بطني ماخليت مكان حتا الي تمسح (تمسج) البطن سرت لها حرمه كبيره مسحتني بس مايتني الدورة وايد بنات نفس حالتي بس تيهم الدورة في 18_ 21 بس انا وايد تأخرت عليه الحين من 10 شهور مايتني وبكمل سنه وحتا قبلها يوم يتني خذت حبوب الدكتوره عطتني عشان تنزل ..
الله المستعان
ربي يشفينا ويعافينا من هالمرض ويرزقنا كلنا بالذرية الصالحه
– من كم سنة فيج التكيس ؟
قبل لما كنت ابنيه كنت شراتج فينا تكيس بس على خفيف وزيادة في الهرمونات الذكوريه ومره اتأخرت الدورة لمده 7 شهور وكنت قبلها اخذه كلوكوفاج ولما أتاخرت الدورة الدكتور كتبلي حبوب منع حمل يمكن لشهرين او ثلاث شهور وفعلا هالحبوب اتخربط الدنيا
2- شو هيه الأعراض المرتبطة بالتكيس؟
تأخر الدورة هالي لاحظته وعدم انتظامها
3-كم لتر ماي تشربينه فاليوم تقريبا؟
مب منتظمة بعدد محدد من لترات الماي بس اقل شي لتر
4- هل تمارسين الرياضة ؟ كم دقيقة في الاسبوع؟
الحين من بديت اجازتي الدراسيه وانا امشي تقريبا كل يومين ساعة وبصراحه اعتبر شغل البيت بروحه رياضة
5- هل في علاج معين فادج في علاج المشكلة؟
خذت الدافستون والدكتورة قالت لي راحت التكيس والشهر الي عقبه رد مره ثانيه او انه ما راح اصلا وبعدين رحت لدكتوره ثانيه وعطتني مانع حمل لمده شهر(ياسمين) وطلبت منه اتوقفه وكتب لي البرجلتون لمده 3 شهور اخذته شهرين ووقفته هالشهر