السلام عليكم خواتي
انا اول ولاده عندي كانت قيصريه والحين انا حامل بالبيبي الثاني وبدخل التاسع عقب اسبوع تقريبا ….وابغي اربي طبيعي بس خايفه من انه يصير شي في الرحم من العمليه القبليه…
وابغي اعرف من اللي جربوا
كم كملتي من اول ولاده للثانيه؟
عطوج طلق صناعي في الولاده الثانيه ولا ياج الويع وانتي في البيت وسرتي المستشفى ؟
في اي اسبوع ولدتي في الحمل الثاني ؟
وقت الولاده الفعليه ما حسيتي بويع في مكان العمليه القبليه؟؟
ما صار لا سمح الله تمزق مكان اولاده القبليه؟
كم طولتي في الطلق لين ما ولدتي ؟
واذا عندج اي معلومه ثانيه اتفيد يا ليت اتحطينها…
واخيرا كل اللي تدخل الموضوع يا ليت تدعيلي انه تتسهل ولادتي و اربي طبيعي باذن الله ….
الله يسهل عليج وتربين طبيعي اشاء الله
أختي انا اول ولادتي كانت قيصريه وكانت عمليتين في نفس الوقت القيصريه كانت بتاطول ويا عملية الزايده في نفس اليوم كانت الزايده منفجره بس عملية الزايده من داخل والحمدلله حملت على بنتي وعمرها سنه وشهرين ووقت الولاده تلأخرت عن الموعد بيومين واول شي نزل الماي قبل والحمدلله صبروا علي بس عطوني ابره عشان الويع وربيت طبيعي الحمدلله ومكان العمليه عادي لان وقت الولاده اييج الم نفس المغص وحبيبتي الولاده نفسها مافيها ويع بس يباله قوه الالم كله وقت ماينفتح الرحم وبس الله يسهل عليج اي استفسار انا حاضره عالخاص لان عقب مااشيك عالمواضيع
الله يسهل عليج ام فطامي
المشاركة الأصلية كتبت بواسطة بنت الشويعر 
ويسهل على الجميع باذن الله
مشكورة حبيبتي على الدعوة
المشاركة الأصلية كتبت بواسطة روح الجنه حيااتي انتي مشكورة حبيبتي طمنتيني وان شاء اذا في سؤال في بالي باطرشلج على الخاص ما اتقصرين حبي ….عاد استحمليني
المشاركة الأصلية كتبت بواسطة البنفسج((1)) ويسهل عليج يا رب يا ام امون …..لج وحشه يا حلوة