بنات بغيت أسأل في حد سافر يعالج في الخارج عشان الحمل؟
شو الإجراءات إذا بغيت أسافر على حساب الدولة ؟
في الحقيقه أنا ما سمعت أن الدولة ترسل ناس للعلاج برا إلا الشخص إذا عنده واسطه قويه و أنا فالحقيقه كنت مسافره لألملانيا للعلاج ولكن مشكلتي ولله الحمدكانت بسيطه و هي ارتفاع معدلات هرمون الحليب بمستويات غير طبيعيه وخوفوني فالبلاد لأن يوم شافوا هالخربطه الغريبه و من سنين قالوا لي احتمال يكون عندج ورم بالراس و الحمدلله رب العالمين سرت على حسابي الخاص و فحصت و طمنوني و خذت علاج لمدة 5 أشهر و حملت بتيسير من رب العالمين مع اني فالبلاد ما خليت لا بروفيسور زائر ولا أخصائي إلا و سرت له .. و كل شي بيد رب العالمين
أنا عن نفسي أعرف و حده ما حملت 10 سنين و سوت أطفال أنابيب بمستشفى راشد و حملت ما شاء الله ب توائم .. انتي استخيري بهالموضوع لأن ياما ناس سافرت برا ما لقت علاج و علاجها كان فالبلاد .. و ربي يناولج الي بخاطرج..
السلام عليكم
نصيييحه اذا تقدرين تسافرين على حساب الدوله رووووحي ولا تفوتين الفرصه وانصحج تروحين بلجيكا او لندن وبس هذيلا عندهم خبره في العقم وخاصة ((بلجيكا)) … لأني اعرف وايد ناس راحوا هناك و تقريبا من ال20 ماشاء الله يحملون 18 يعني الفرصه كبيره هناك لان مختبرهم يعتبر من احسن المختبرات في العالم لعلاج العقم …وهالشي واااايد يأثر يعني اهم شي المختبر يكون مستواه عالي عشان يصير الحمل…..
واذا تبين معلومات اكثر روحي منتدى العرب المسافرون قسم العلاج بالخارج وفي موضوع مثبت خاص لعلاج العقم في بلجيكا … وهناك بيفيدونج اكثر …وتلاقين اجابه لاستفساراتج ان شاء الله …
وبالتوفيق..
على فكره اذا عندج حد في الجيش روحي عن طريقه وقدمي اوراقج وتقاريرج انتي وريلج للمستشفى العسكري في بوظبي وهم بيحددون على حسب حالتكم اذا تسافرون او لا …بس غالبا لازم واسطه …او ممكن تقدمين اوراقج في الديوان اذا ما تعرفين حد في الجيش وهم بيودونها للجيش …او ممكن عن طريق الهيئه الصحيه….بس احسن طريقه هي عن طريق الجيش لانهم يدفعون لكم باليوم اذا سافرتوا زائد تكاليف العلاج…..اما الهيئه ما يدفعون غير تكاليف العلاج فقط والباقي كله عليكم …والمعيشه هناك غاليه وايد …
وبالتوفيق..
و الله حبيبتي قبل لا تسافرين سيري عند الدكتوره ميري جون اللي في الوصل ربيعتي كملت 13 سنه و ما حملت ما خلت مكان و الحمدلله سارت عندها و الله عطاها
يالله يااااااااااااااااااارب يرزقج ياااااارب ويرزق كل محروم
اذا ما بتقدرين تسيرين للعلاج على حساب الدوله سيرى مصر ارخص ودكاترتهم زينين والدليل ان انجح دكاتر بتوام مصرين واعرف دكتور هناك وايد زين عن تجربه وكثير سووا انابيب عنده وحملوا من اول مره عسى ربى يرزقج الغاليه