الطريقة الفعالة في استخدام الشامبو

عساكن بخير وسهاله

حبيت أبحث أكثر عن موضوع استخدام الشامبو بالطريقة الصحيحة والفعالة وحصلت كذا مرجع في النت وترجمت اللي أروم عليه علشان الكل يستفيد، طبعا الشامبو فائدته بجانب الرائحه والنظافة هي إزالة الزيوت والدهون اللي في الشعر

هذه بعظ النقاط اللي لازم نتبعها عند غشل شعرنا بالشامبو

1. لا تنسين إنه شعرج متصل بفروة الرأس اللي هو الجلد أو منبت الشعر فإذا حطيتي وايد شامبو بيجففه واااااااااايد أو حتى بيتم الشامبو فشعرج إذا ما انغسل عدل فعسب هذا السبب حطي في بالج إنه فروة راسج مثل جلد الجسم تحتاج ترطيب والزيت اللي تنتجه فروة الرأس. (الخلاصة: اغسلي فروة شعرج بشوية شامبو قد حفنة ايدج وفركيه على الجلد ومب على الشعر لأنه الماي بيمرر الشامبو إلى الخصل)

2. أبدا أبد لا تستخدمين الشامبو واايد أو حتى مرتين في الإستحمام الواحد لأنه بيجفف شعرج من الزيوت وبيعطيه ملمس خشن (إذا شعرج طويل أو غليظ زيدي شوي من الشامبو بس مب وايد). الشامبو الموجود في الصالون يكون مركز أكثر من اللي في الجمعية أو المحلات الثانية، بما معناه إن الشامبو اللي تستعمليه مدته المفروض اتم أكثر من 3 مرات مدة الشامبوات اللي في الصالون. (الخلاصة: المبلاغة في استعمال الشامبو يجفف الشعر)

3. تأكدي من إنج تستخدمين الشامبو اللي يناسب شعرج. الشعر الناعم له شامبو خاص، والزيتي له بعد نوع خاص والملولو له أيضا شامبو خاص. هذا بيزيد من فعالية الشامبو اللي تستخدميه على راسج.

4. علشان تتأكدين من أن الشامبو توزع بالطريقة الصحيحه، ابدئي من أطراف راسج إلى الوسط علشان ما نركز الشامبو في مكان واحد (من ورا الإذن وطالع إلى الوسط).

5. يوم تغسلين شعرج لا تبدين من قمة راسج أو من أطراف شعرج، مثل ما وظحت تبدين من ورا اذنج عند منبت الشعر إلى الداخل. حركي وفركي الشامبو على فروة راسج لين ما تحسين إنه الدم يتحرك (مثل المساج) إذا بتستعميلين الكوندشنار، استعمليه بعد غسل شعرج من الشامبو والكوندشنر يعمل عكس الشامبو لأنه يرطب ويمد الشعر بالزيت فتبدين من أطراف الشعر عند استخدامه.

وكان الله غفورا رحيما ودعوة حلوه منكم تكفيني

أنا شخصيا قريت وترجمت الكلام اللي فهذا الموقع
http://www.articlesbase.com/health-a…oo-973249.html