مرحبا بنات……..
شحالكن إن شاء الله بخير..
اريد مساعدة منكن ولاتبخلن علي…
عيد ميلاد ريلي قريب واريد اسوي شي جديد وغريب وحلو في نفس الوقت…
شو أسوي حق الغرفة…
شو اقتراحاتكن اشتري هدية..
انتظر ردودكن…
هلا اختي هذي الفكره مش فكرتي ولكن فكره صديقه غاليه ..
كل مناسبه تمرها هيه وزوجها تخلي غرفتهم لون معين او ستايل معين..
يعني فراش السرير و تشتري شموع واو قطع تور او كل اللي يخطر ابالها بس كله نفس اللون
شو في انا قاعده اكتبلج ولديي يترياني اوديه المدرسه بس ما هان علي ما ارد عليج على السريع
شوفي حبيبتي طبعا سالفة الكفر اليديد لابد منه اختاري اللون الي يعجبج وروحي جهزي للحمام قصدي الصابون والشامبو وجل الشور والكريم مال الجسم كله بلون الكفر او تدرجاته وخذي سله صغيره وفوط لونين قصدي الصغار او ثلاث الوان تدجات اللون الي اخترتيه ورتبيهم بالسله انشاء الله بحاول انزلج صور بس مو الحين مستعيله
وخذي هذي الاحجار الملونه تلقينها عند محلات التخفيضات والقواقع المختلفة الاحجام والشموع بعد خذيها بلون يناسب الالوان الي اخترتيها
شوفي خليني اكملج بعدين ولدي يترياني اوصله المدرسه بااااااااااي
[10]مشكورة أختي ام خالد على الفكرة…[/10]
مشكورة اختي saasmo على التفاعل وعطيتيني افكار باجر إن شاء بروح اشتري حق المناسبة عسى الله يطولي في عمره ويخليه حقي ويرزقنا الذرية الصالحة.. قولو آآآآميييين
واترياج يالغلا
أحم أحم ,,,,,,,,,,وووو ما يخصني أتفلسف هنيه بس عادي بحاول أساعد ..
تذكري أن أنت أعز شيء عند زوجج وهو محتاجج بطريقة يحس فيها بوجودج معاه لحظة لحظة ,,
الهدية شيء أساسي خليها مشاعر وخليها أحاسيس ,,
شو يخطر في بالج وأنتي تفكرين بمعنى السعادة وانت زوجته جهزيه على الفور ,, كل شيء بيكون بشكل جميل
وكل المشاهد بتكون مقبولة ,, تذكري أن سر سعادتج موصوله بهذا الزوج أهديه حياتج روحج
*****************
تمنيات التوفيق ,,
اتذكري اذا ريلج كان خاطره في شي معين من زمان تقدرين اتيبيله اياه هديه..
او يلمحلج بشي مثلا لون لبس او ثوب معين و انتو في السوق مع بعض.. روحي بدون ما يدري اشتريه قبل لا يخلص!!
و غرفة النوم حطيه بلون يحبه مو انتي تحبينه لان جذه يعكس اهتمامج و تفكيرج الدايم بريلج مش بس بنفسج.. حتى لو يحب الاسود!! في افكار وايد حلوه تقدرين تسوينها ويا الدانتيل الاسود مع الشراشف البيضه او اي لون ثاني مثل الاحمر و الوردي..
و اتجمليله بشكل يديد مش مثل اي مناسبه ثانيه عشان ينتبه لج اكثر .. و الورد اهم شي الورد حطيه في فاز شفاف حلو و بطريقه كلاسيكيه على طاولة الاكل
و اذا عنكم حوض سباحه في البيت خلي العشا و الطاوله قريب منه يعني في الهواء الطلق و على ضوء الشموع
تعديل.. نسيت اقول شي
آميييييييييييين :1 (84):