مساء الخير حبيباتي شأخباركم انشالله بخيييير ، والبيبيات بعد ..
بغيت أسأل أنا الحين بالشهر السادس بس من دخلت السادس أحس بألم جهة اليسار (جهة القلب ) أعلى الكرشة خخخخ تحت الصدر بشوي بس .. مرات أحس نفس الحرقان جي حرارة ومرات نفس الابرة .. بس ع طول تحكني حتى بالليل .. وأنا راقدة ..
اللي تعرف تخبرني .. أول 8 كانت مراجعتي بس ما سألتها حتى أنا قلت حكة بطن عادي قريت انها تستوي بالبطن بس أشوفها صارت نفس الألم .. وبمكان واحد بس ..
دورت بالنت طلع انه الرحم يضغط ع الأمعاء ومرات أونه حموضة جي تسوي .. ما أدري حابة أتأكد والله ..
الله يسهل ع الجميع وانشالله ما بتقصرون بتخبرووووني أكيــد ..
حبوبه هذا شي طبيعي….. لا تخافين….. دوم كانت تيني الحرقه هذه…بس كانت تيني جهة اليمين…..واكثر الاوقات كانت تيني وانا راقدة فالليل
ولا تضايقين نفسج هذي الالام تسببها الحموضة+ الغازات
المشاركة الأصلية كتبت بواسطة reem hamad 
أنا تييني جهة القلب .. يالله الله كريم .. مشكورة أختي ع الرد .. تسلمين
المشاركة الأصلية كتبت بواسطة ملكة الاحاسيس تسلمين الغلا ع الرد ..
والله ماعرف
بس حبيت ارفع لج موضوع
الله يسهل عليج ولادتج يارب .. ويروح الالالم يارب
حبوبة انتي كنج قاعده ترمسين عن حالتي انا مثلج ضبط
تعبت والله نفسيا من الحمل
انا داخله التاسع اليوم و خلاااااص بموت من الالم بطني احس بمغص فضييييع
بس صااابرة لا مستشفى و لا غيره
الله يسهل علي ولاتي يا رب