ولدي اليوم فيه جدري ساعدوني

الصبح قمنا كلنا نتريق على الساعة 7 الصبح،لما وديته الحمام اغسله، شفت جسمه مليان حبوب غريبة!! والله خفت من قلبي
ولما فتحت كف ايده نفس الحبوب لا اله الا الله!!!
خواتي الثنتين وخالتي : خبروني بعض المعلومات عنه،وبنت عمي بعد ،بس احس كل وحدة عيالها مختلف اعراض الجدري عندهم شوي!!
توني وديته المستشفى وأكد لي انه جدري:
قال لي توه يبتدي بولدج، قلت له عنده اخوان هناك بالبيت واحد سنة وكم شهر، والثاني 4 سنوات، قال لي اكيد بينعدون
عطاني دوا ادهن به جسمه
ودوا يخفف الحمى، لآنه محموم فديته وايد
تعتقدون لكم يوم يظل؟هل بيظل يبكي وايد؟
ما اعرف غامضني فديته،الحمد لله ان ريلي يمكن يوصل اليوم وبيشيل عني الحمل شوي، مع ان هالاسبوع كنا ناويين نطهر ولدي الصغير بس ربي ما كتب ان شاء الله المرة الياية

الجدري متعب جداا صراحه خاااصه ف اليهــال ،،

( الله لااا يبــلي فيه حد ان شاء الله ) ،،

واللي اعرفــه انه يوم يى حق اخوااني ،، تقريبا يتم اسبوعين !!

وعقب يودوونهم يسبحوونهم ف ماي البحر عشااااان يلتحم جسمهم شوي مكان الحبوب اللي اتم معلمه ف الجســم ،،

المشاركة الأصلية كتبت بواسطة عــروس

اختي ممكن اعرف كم عمره …

انا ولدي الحمدالله يوم كمل سنه عطيناه تطعيم الجدري ,, غريبه ,, ليش ما عطيتوه الابره …بس يقولج اييه وهو صغير ولا اييه وهو عود … الله يعافيه يا رب …يتم على حسب الغاليه كل جسم عن جسم يفرق .. هو الغاليه بقولج كيف يبتددي ..اصلا ولدج فيه الجرثومه من شهر واحينه فقصت الجرثومه وتنتشر على شكل حبوب واتم الجرثومه بعد شهر …صح الحبوب تخوز بس الجرثومه بعدها ..تعادي لمدة شهر … يعني 100% ,, في حد فيه احين الجرثومه … وعقب ما يخلص عنه بيعاديهم ,,, لانه فايح من الجو …اختي يتم اقل عن 15 يوم الحبوب ,, بس اهم شي حطي الدوا ولا تسبحينه لمدة 5 ايام على الاقل لانه كل ما تسبحينه يزييد ..خلي جسمه والحبوب تنشف لا تحطين ماي في جسمه ولا تغسلينه وتردين تحطين الدوا كله فوقه فوقه

ولدي عمره سنتين واعتقد 8 شهور
مشكورة على النصايح،نفس كلام خواتي ومرت حمي بعد..