السلام عليكم و رحمة الله و بركاته
مشكلتي أني أعاني من الثعلبة (مكان برأسي مافيه شعر ) من فتره طويله يمكن من 3 او 4 سنوات
فالبداية طنشت قلت يمكن من الدراسة و التوتر طلعت لي ثعلبه و مع الأيام راح ينمو الشعر مره ثانيه
بس مرت الأيام ما طلعت لي حبت شعره 
و رحت عند الدكتور عطاني قطرات احطها و قال لي استمر لانه يباله فتره طويله لينمو مره ثانيه و مرت فتره طويله ما شفت اي تقدم
و رحت عند دكتوره هي بعد عطتني قطره بس غير عن الدكتور و قالت لي استمري و استمريت بس ما شفت نتيجه
و رحت لعيادة خاصه عطوني أبره عالثعلبه ، أتوقع كانت إبرة فيتامين و قالو مع الأيام بيطلع بس هالأيام ما يت
و أتوقع أغلبكم يعرف حلاوت sugarbearhair قالو لي أوكيه و ينفع و من هالخرابيط قلت اجرب حظي طلبته و جربته لكن ماشي اي نتيجه بعد
أبي منكم حل ي خوات و عاد تعرفون يقولون جمال البنت من شعرها
و انا مو ماخذه هم الناس لانه الثعلبة ما تبين للناس لانه الشعر يغطي
بس هالشي لنفسي انا ، نفسيا انا مب مرتاحة لهالشي
و اكتفيت من الدكاتره و أدويتهم بعد كل هالسنين و
سألت وحده من ربيعاتي قالت الثوم أوكيه لو أفركه عالثعلبه كل يوم لكن فضلت أخذ رأي الاغلبيه و يمكن غيرها عندها حل انسب
افيدوني
تمت الموافقة
الكلمة الطيبة صـــدقة
الله يشفيج يارب
اولا اختي انا زوجي عنده ثعلبة من كمن سنه وما خلا علاج ما جربه. وراح اكثر عن 10 دكاترة ولين الحين اقدر اقولج انه مافي علاج اكيد للثعلبة.
لكن زوجي جرب ابر الكورتيزون وماشا الله الشعر طلع واستانسنا لكن مجرد ما يترك العلاج يرد الشعر يطيح.
هو لحيته كلها طاحت وشعر راسه كامل من ورا والحين شوي شوي شعر حواجبه
الله يشفي الجميع يارب.
يت عيال خواني اطفال وراحت فعلا الثوم كانو يستخدمونه بالاضافه الى علاج المستشفى اللي هو الابر
ولد خالتي كانت فيه الثعلبه ف راسه كله
وامه سوت المستحيل فجأه شفنه الولد بعد كم سنه كان مافيه شي
طبيعي اختفت الثعلبه وراسه انترس شعر
سالناها شو سويتي
تعرفون شو الحل
very easy
الصدقه
بس
كانت تقول لفت المستشفيات كلها عقب قررت انها كل ما تطلع من البيت تتصدق لو بدرهم واحد بنيه شفاء ولدها
والله شافه الحمدالله
هذي كانت اخر حلولها
جربي واتاكدي ان الله بيحل مشكلتج
ترا الثعلبه اذا طلعت فجأه تكون نفسيه ف شوفي لي مكدر خاطرج وبعدي عنه
وطبعا استغفري ربج دوم وتصدقي والثوم بعد سمعت انه زين جربيه
مرحبا الله يشفيكي في حل ان شاء الله بس بدك تتحملي بتجيبي ورق زجاج الي بنعموا فيه الزجاج من اي محلات البناء فيه وبتحفي مكان الثعلب لين يطلع الدم وحطي ثوم عليه بدك تتوجعي كتير بس حل سريع وفعال صديقتي اختها كانت بالثانوية وعلي الدراسه والنفسيه اجتها الثعلبه وامها استعملت طريقه هاي طريقة طب عربي… وان شاء الله بتشفي منها امين يارب