السلام عليكم و رحمة الله و بركاته
شحالكم بنات
بغيت استفسر عن السبب اللي ما يخلي الكيكات تكون عندي بقوام هش احسها بس تصغر حتى تتقلص بعد
للعلم انا لما اسوي كيك اول شي افتح الفرن من تحت و لما تنضج من تحت افتح لها من فوق
فهل طريقتي هاي صحيحه؟؟؟؟؟؟؟؟؟؟؟؟؟؟؟؟؟؟؟؟؟؟
طريقتك صح بالنسبة لتشغيل النار
ونصيحة لا تفتحين الفرن اول نص ساعة عالاقل وهذي نصيحة دوووم تنقال
وبالتوفيق
موووووووووفقه…
اولاد مقادير صحيح
وانا طرشت مقادير لعيناويه اختنا هني ونجحت بس طبقت كلام صح
بقولج المقادير وطريقه وان شاء الله تنجح
المقادير كيكه عاديه بس طعمها ررررررررروعه
3 بيض
نصف خاشوكه اكل فانيلا
فجان ونص زيت عادي وحليب سائل
2ونصف فنجان سكر
كوب طحين
1خاشوكه اكل بيكنك باودر
العمل
اخلطي البيض مع الفانيلا بخلاط حسبت تروح زفاره البيض
وبعدين اظيفي الزيت والسكر وحليب بخلاط
وحطي كوب طحين او 4 فناجين مع بيكنك باودر
اذا حسيتي العجينه مو قوامه محتاجه طحين خلي خاشوكه اكل طحين لحين مااتحلاظينها قوامها لاثخين ولاماء لان بتخسف الكيك اذا فيها سوائل اكثر يعني شبه كاسترد
واذا حابه تضيفيين شكولاته باودر خلي خاشوكتين متروسه مع خاشوكتين متروسه سكر
الفرن يفتح قبل 10 دقايق بدرجه حراره200 او 180
بالاول الفرن ناره مولع من تحت اخبزي كيك لمده 45 دقيقه وبعدها ولعي من فوق مع التحت حسبت تحميرين الوجه فقط مايحتاج اكثر من دقائق الاخيره من 45 دقيقه وان شاء الله تنجح وبشريني
ملوحظه اخيره اتاكدي الباب الفرن مسكر ولالالالالالايفتح اطلاقا الا بعد الانتهاء من خبز الكيك
ايوا يصير الغلط مني تدرون ليش
لاني كل ساع افتح باب الفرن و اطلع الكيك من خارج الفرن عشان اتأكد انها نضجت من تحتت
شكله هذا الغلط
الله يوفقكم و جزاكم الله خير
مايصير تفتحين الفرن لين نص ساعه ولو انتي خايفه عن تحترق حطيه على درجه 180