منو جربت عمليه تنظيف الرحم اذا الجنين ميت في البطن في مستشفى الكورنيش اللي جربت تقولي شو رايها ……..
مرحبا الغاليه
أنا جربت عملية التنظيف
وأبدا ما ارتحت
لأن بعدها ب 3 أسابيع اكتشفت في عيارة خاصة اني أحتاج عملية تنظيف ثانية
وبشكل عام عندنا نرجع نسوي العمليه في مستشفى ثاني من نطلع من عندهم
هذي وجهة نظر شخصية
مرحبا الغالية… أنا ربيت في أول السادس بسبب نزول الماي…بس حرام الياهل كان يقاوم وكان حي لأني كنت اسمع نبضه بالجهاز..بس الله ما كتب انه يعيش.. الحمد الله على كل شي..على الأقل عصفور في الجنة…
المهم بعد الولادة أنا اتحسبت انهم سولي تنظيف..واليوم الثاني رخصوني عشان اسير البيت… طبعا انا ما عندي فكرة عن هذي المواضيع لأنه كان الحمل الأول.. واتت المفاجئة.. حسيت بألم شديد في صدري ما فهمت شو السالفة..سرت عيادة خاصة ويوم شافتني الدكتورة قالتلي ان صدرج فيه حليب ولازم ينشفط ولازم اسوي كمادات دافية…طبعا الكورنيش ولا قالولي شي ان هذا كله بيستوي.. المهم وكتبتلي حبوب عشان توقف الحليب…. ويوم كشفت على الرحم قالتلي انت متأكدة انج مسوية تنظيف ؟؟؟؟
قلتلها هيه اعتقد ان الكورنيش سولي تنظيف… وفاجأتني والله طلعت قطعة من المشيمة موجودة في الرحم وبعد كيس الجنين وأشياء وااااايدة…. وبعدين تمت اتسوي ضغط على الرحم عشان يتسكر..
اتخيلوووووو قالتلي تدرين ان رحمج لو ما تنظف زين…… جان استوالج أمراض ونزيف ويأخر الحمل عندج
سبحان الله أي ضمير عند هذيلا الناس..يتحرون ان الناس لعبه عندهم
مشكورين ع ردودكم
اوكيه عند امنو تنصحوني اسوي التنظيف؟
للرفع
أنا ما سويت تنظيف الرحم اذا الجنين ميت في البطن في مستشفى الكورنيش… لكن لما كنت مترقده عندهم مرت علي حالتين في الغرفة اللي أنا مرقده فيها وكان كل وحده من الحرمتين اللي ترقدوا معاي سووا لها عملية تنظيف للرحم لأن الجنين ميت… الحرمه الأولى ما رضوا يسوون لها العملية إلا بعد هواشه معاهم (مسكينه والله الجنين ميت في رحمها صار له اسبوعين وهم بعدهم يقولون لها انتظري بعد!)… أما الحرمه الثانية فمن جات خلوها ترتاح كم من ساعه وعلى طول عطوها تحاميل عشان ينفتح الرحم ويقدرون يسوون لها عملية التنظيف… يعني الحرمتين كلهم عطوهم التحاميل ورخصوهم في نفس اليوم (يعني طلعوهم في نفس اليوم من المستشفى).