.
السلام عليكم ورحمة الله وبركاته
اشحالكن بنات عساكم بخير
الغاليات حبيت أسألكم عن مراكز الدعم الاجتماعي ومؤسسة دبي للنساء والطفوله ؟
أنا سلمكم الله ربيعتي تمر بظروف صعبه مع ريلها وما عندها حد من بعد الله سبحانه وتعالى يعاونها
فـ حبيت أسألكم هالمراكز كيف يوفرون الدعم لها وبالذات أنها من بعد حماية رب العالمين
تطلب الحمايه ..!!
و هل يساعدونها مادياً بعد ..؟
يا ريت اللي عندها فكره تساعدنا أو أنها تدلنا على مركز من هالمراكز عشان يساعدنا
لأني جد أبي أقدم لها معروف
و لا تنسون من فرج كربة مسلم فرج الله له كربة من كرب يوم القيامة
والدال على الخير كفاعله ^^
فلا تبخلون علي بالمساعده ..
و السموحه جان طولت عليكم
.
.
دلع كــآنت هــــــنآ ^^
مااعرف حبيبتي بهالامور ان شاء الله البنات يفيدونج
الله ايسر امورها ويفرج كربتها ويوفقها يارب وتسترجع حقوقها
الله يسر امورهاا للخير ياارب
ربي يوفقج اختي 
جزاكم الله ألف خير
في إنتظآر البقيــــه ^.^
فـ حبيت أسألكم هالمراكز كيف يوفرون الدعم لها وبالذات أنها من بعد حماية رب العالمين
تطلب الحمايه ..!!
و هل يساعدونها مادياً بعد ..؟
اول شيء الله يعين ربيعتج ويفرج عليها يارب 
مركز الدعم الاجتماعي مايوفرون معوونه ماديه متأكده من هالشيء ،، اما المركز الثاني ماعرف
بس شو نوعية مشكلة ربيعتج يعني اي حمايه طالبه ؟؟ المركز الاجتماعي يوفرون اخصائيين نفسيين و مرشدين يساعدون اللي عندهم مشاكل
مثل استشارات لحل المشاكل وجي ،، وطبعا بخصوصية تامه والحمدلله وايد متعاونين وفيهم امانه ومسؤوليه اتجاه شغلهم ،، خل تجرب تروح لهم او تكلمهم تلفون بالأول
وفي حالة ماعندها مسكن ومأوى تروح له غير بيت ريلها ،، عندهم مسكن يوفرونه للحريم والياهال اللي عندهم مشاكل بس لمده قصيره يوم يومين لين مايحلون لهم مشاكلهم
المركز موجود في خليفه أ في بوظبي ،،، وموجود بعد في العين وفي الغربيه
الله يفرج عليها
نفس كلام بنت الشوامخ
والمركز موجود في دبي خليها تتصل على البداله وتاخذ رقمهم