مب عارفة أنزل صورة !!!!!!

الغاليه عندج مواقع تحميل تقدرين تحملين منها الصوره

يعني مثلا عندج موقع اوز 0zz0.com

تفتحين هالموقع وعقب تضغطين ع كلمه browse شي جذه بس ما اذكر السبلينج

وعقب تكتبين الارقام وتسوين تحميل

وعقب تنسخين الرابط

واتين حق المنتدى لو بتحطين موضوع يديد بتشوفين في القائمه اللى فوق شكل صوره جبل وفيها شمس لما تحطين الماوس احذالها بيكتب لج اضافه صوره

اضغطي عليه وعقب وحطي الرابط بس حطي في بالج انج تمسحين اللى كان موجود في البوكس اللي بيطلع لج عقب ما تضغطين ع الصوره

وإذا تبين ارويج بالصور فالج طيب

اول شئ تروحين الموقع

وعقب بيظهر لج نفس الصوره الموجوده

وعقب تضغطين ع كلمه Browse واتحددين الصوره اللى تبينها وتكتبين الرقم اللى حاطينه حقج

بس حطي في بالج شئ

في شكل فانوس تحت سكريه ولا ما بتقدرين تكتبين الارقام لأنه بيخرب عليج

وعقب تضغطين على كلمه رفع الصوره

انطري دقايق وعقبها بتفتح لج صفحه يديده نفس هذي

يا انج تختارين نسخ كود للمنتديات وتحطين الكود على طول في الموضوع

ولا يا انج تضغطين ع نسخ رابط الصوره

وعقب تروحين للمنتدى بتشوفين هالصوره

هذا في الرد السريع بس نفس الشئ اذا بتحطين موضوع يديد ولا رد على الموضوع بتظهر لج رمز الصوره

عقب من تضغطين عليها امسحي الـ //:http وحطي لصق وعقب اوكي

يعني مثل هالصوره

بس احسن لج سوي نسخ الكود للمنتديات اسهل بدال الخبصه اللى سويتها لج

اتمنى اكون افدتكن

واذا في سؤال ما يردكن إلا الكيبورد