السلام عليكم
عندي سوال بنات عن عجينة العشر دقايق
امس سويت فطاير .. واليوم سويت سينابون بعجينة ال10 دقايق بس دايما تطلع لي يابسه
يوم سويت الفطاير كانت العيينه وايد حلوة وتتشكل وماتلزق بس يوم طلعتها من الفرن تقولين تاكلين بسكوت مب فطاير
وقلت يمكن ماعرفت اسويها عدل لان كانت اول مره اطبق هالعيينه
واليوم سويت سينابون بنفس المقادير والطريقه بس بعد نفس الشي يابسه يوم طلعتها من الفرن
علما اني اعينها وايد والمقادير من عند ام سعيد اعتقد فالموضوع المثبت و هي
2ك طحين
2 م حليب بودر
2م خميره
2ك ماي دافي
شوي ملح
فنيان سكر
المجموعه الثانيه
3ك طحين
نص ك زيت
فالسينابون حطيت 1ونص م خميرة ..
وحرارة الفرن يوم الفطاير داخل مب وايد مرتفعه .. سويتها بالهداوة
شفت حد يزيد كمية الحليب لانه يطري العيينه …. بس اغلب اللي سووها يقولون انها ضبطت وياهم محد قال عن الزياده فالحليب!!!
مادري وين علتي .. ياريت الخبيرات ينصحوني ^_^
وهاي لقطعه من فطاير الجبن بالنعناع
Uploaded with ImageShack.us
Uploaded with ImageShack.us
اختى الغاليه
لازم يكون الفرن جدا حامى فى خبز المعجنات وهذا ما يساعد على ارتفاعها ومن الافضل فى معجنات عجينه العشر دقائق ان ترفعيها شوى يعنى على الرف الاول ويكون الفرن جدا حامى
امل ان اكون افدتك دمتى بخير
الفرن حار .. فتحته قبل لا احط الفطاير ب5 دقايق تقريبا …
لازم يكون الفرن حاار
اختي اقري تقرير الاخت شوكولاتةuae عن العجائن ماااقصرت جزاها الله خير
وهذا الرابط
http://forum.uaewomen.net/showthread.php?t=482822
وان شا الله تضبط وياااج
الكوب المستخدم مب كبير صغير
بعد مادخلين العجينه الفرن خفي عليه وخليه بالرف اللي بالنص و بس شغلي اللي تحت من يخلص من تحت بنديه وارجعي شغلي الفوق
انا هالفتره اجرب هالعجينه قطن و روووعه مالت مرحباني
3 كاس صحين كويتي او طحين رقم 1 منخووول
يعني (1 جيله قياس قوطي سميد ""خبيص"" )
فنجان سكر
3 ملعقة حليب بودره مليانه
ذرة ملح
بيالة شاي زيت ( كوب الشاي)
كاس ماء
ملعقة طعام خميره فورية
اخلطي كل المقادير ماعدا الطحين بمشبك يدوي لين اذوب خميره و شكر ونيدو
وعقب ضيفي الطحين
اذا لصقت وياج ضيفي شوي زيت
انا خليتها تتخمر بس ربع ساعه
عليكم السلام وارحمه
أنــآ شراتـج
جربت العجينه بس طلعت يــآبسه
مــآدري ليش.,!!
والكــل استغرب لأن شكلهــآ كــآأآن غيييير وقت العجن والتشكيل
بس بعد مــآظهرت من الفرن اختلف الأمر .,