السلام عليكم ورحمة الله وبركاته 
أخواتي العزيزات..
أنا عضوة جديدة في المنتدى .gif "12 (42)")
(قارئة ومتابعة قديمة جدا) فاسمحوا لي أن أكون متواجدة دائما هنا في قسم علاج السمنه والنحافة…
أحب أن أتشارك معكم في النقاش بموضوع صار حديث الجميع في الدولة، وأصبح موضة اكتسحت الفتيات والسيدات الباحثات عن الرشاقة
وأنا طبعا ما بتكلم عنها بشكل عام,, وأعرف إن وايد ناس يخافون منها
أنا نفسي أعاني من رفض قاطع في البيت من الوالدين وإخواني الكبار رغم إن عيال أعمامي (4 بنات و شابين) كلهم سووا العمليات ولاقوا نتائج جميلة جدا ما شاء الله
وكل السبب من الخوف والكلام اللي يتناقله الناس .gif "12 (33)")
في عيادات مادية ومن عقب ما يستلمون البيزات يهملون المريض وهاللي يتسبب في عواقب عقب .gif "12 (85)")
بس أنا أتكلم عن العمليات اللي الشخص يكون مستخير فيها و يسير مستشفيات حكومية،، ويمر بكل الإجراءات المطلوبة مثل العيادة النفسية, وعيادة التغذية وغيرة لين تحديد وقت العملية..
وبالأخص هني أحب أذكر الدكتور اللي في مستشفى خليفة (د. عبدالرحمن النميري) وطبعا أنا أعرف إن مستشفى توام في العين يسوي نفس العمليات، وسمعت عن القاسمي بس ما عندي فكرة كبيرة عن باقي الإمارات..
والعمليات اللي نجحت وشفت نتايجها هن عمليتين السليف (او ما يعرف بقص أو تكميم المعدة وهو أخذ 80% من حجم المعدة) و العملية الثانية هي تغيير مسار المعدة والمتعارف عليها بإسم الباي باس (وهي إزالة المعدة وربط المريء بالأمعاء)
طبعا بتكلم لكم باسهاب عن العمليتين وعن النتائج اللي حصلوا عليها الأهل بس أتمنى من الجميع المشاركة حتى يستفيد الكل ونشوف رأي الأغلبية بهالخصوص
خاصة نحنا أصحاب الأوزان الثقيلة (وزني 100 حاليا ووزني المثالي بين 70-60) .gif "12 (1)")
ودمتم بحفظ الله .gif "12 (43)")
السلام عليكم
أنا بعد عضوة جديده وكلامج صحيح الكل يعترض على هذي العمليات حتى انتي نفستج تكونين مترددة وخايفه، أنا كنت نفس الشي بس موضوعي عن عملية شد البطن بعد خسارة الوزن ولزمني الموضوع اكثر من خمس سنين عشان أقرر وبالطبع تاجل الموضوع اكثر من مرة وأكيد اهم شيء كان اني استخرت والحمدلله عملت العملية وتمت بنجاح ما اخش عليكم اني كنت وايد خائفه بس الحمدلله نجحت وانا باسبوعي الثالث الحين والله يتمملي على خير انشالله،، طبعا المستشفيات الحكومة تطلع عينتج عشان تأخذي موعد ولما تأخذي موعد طبعا اذا كان دكتور من الصعب جداً الوصول اليه للحصول على اي استفسار،، فاخبرا قررت اني اعملها في مستشفى خاص ومركز معروف بالإمارات كوسموسيرج عند الدكتورة ماريا
الصراحة مافي احد هادي ورايق مثلها وتفهمك كل شي،، ما بطول عليكي اذا بغيتي اي شي خبريني وانا مساعده لأي معلومه. وشكرا
في بنآتت يمدحون الدآيت ما بعد التكميم
و فعلا مطبقيها ونقصووو عليها عشرين كلو تقريبا بشهر
من غير عملية …
و على العموم موفقه الغللا
ملاك السر خبرينا بالتفصيل عن عمليه شد البطن
السلام عليكم
كان هدفي الاساسي والله اني اقدر أساعد اي حد يبي معلومات لأني الصراحه تعبت وانا ادور على اي شي يساعدني او يشجعني،، على العموم أنا قررت من شهر فبراير انه اسوي العملية في مستشفى حكومي لانه ارخص او بالأحرى بدون بيزات free طبعا بالواسطه أخذت موعد شهر ابريل ولما وصلت جريب العملية قررت مرة ثانية اني ااجل العملية لين ما اوصل الوزن اللي اباه عشان تكون عملية الشد تمام،،، وبالفعل تأجلت العملية لشهر ٥ ،،،
ماشي الحين شو استوى ؟؟؟؟؟؟ جت العادم الشهرية بغير موعدها قبل العملية بيومين هههههههههه شو هالحظ الردي !!!!! ): بعد كلمت الدكتور طبعا عالسج لانه من الصعب الوصول اليه وقال : لا عملية وعليكي العاده فكانت المصيبة الكبرى،،، أنا وصلت الى مرحلة خلاص أبى اسوي العملية تعديت مرحلة الخوف والحمدلله من بعد ما صليت استخارة مرتين،، ولما حاولت اني أخذ واعطي مع الدكتور عشان نغير الموعد الصراحه كان غير متعاون وكأني أطر منه العمليه،،، فقررت او بالأحرى وصلتني فكرة انه لازم اعمل العملية عند دكتووووووووره،، تعرفون حرام تنكشف على رجال بس اوقات الواحد يجيسه العمى يوم يتحمس لشيء أكيد فاهمين قصدي …..
فكانت فائدة صلاة الاستخارة لانه ربنا ما يباني اسويها عند دكتور والصراحة هاي مش اول مرة هههههه بعدين اخبركم هذيتج القصة….
ولا ليش بعدين خلينا بالترتيب السنه اللي طافت تحديدا في رمضان بغيت اسوي العملية في مستشفى خاص … ما بطول عليكم اللي سار بعد الاتفاق والدخول للمستشفى
أسفة بنات بعد ما كتبت كل شي ما ادري شو استوى وراح الباقي على العموم أنا تعبت اليوم اكمل بكرة انشالله تصبحون على خير
نترياج باجر ابى اعرف كيف كانت العمليه وهل فالعين سويتها وجم خذت منج فلوس وين وجم يوم ترقدتى عندهم