مرحبا يالغاليات
الاسبوع اللي طاف كنت في دبي
واستمتعت جدا بزيارتي للامارات العزيزه على قلبي
وبصراحه كان هدف زيارتي الاطلاع على سوق العبي عندكم لاني من المغرمات بالعبايه
وزرت
توشيه في ذا فيلج ومحل يمه اسمه شيك وعجبتني كم قطعه راقيه بس ما شريت
ولباسه جتني ليما الفندق وشريت منها عباتين
وفصلت عباتين عند محل اسمه الغاويه في دبي مول
وشفت محل راقي جدا جدا اسمه موزان
ورحت لسوق بوهيل شفت شغلات بس ما شريت لان زيارتي للمركز كانت على عجاله
وفصلت 3 عبي عند مصممه اماراتيه اسمها عبله بالجميرا
المهم يالغاليات
ابي طلب منكم ما عليكم امر
ابي رقم
كاليسدوني
و مصممه عبي اسمها ام عبدالله بالجميرا
و محل اسمه Kanzi
واذا تعرفون مواطنات يصممون عبي بس مو شك ابي قصات غريبه وتركيبات غريبه
ارسلولي رقمهم
واذا تعرفون مواطنات عندهم دخون وعطورات حلوه ياليت تعطوني ارقامهم
لان بصراحه دخونكم لا يعلا عليه انا لما كنت بلندن اعرف اذا الاصانصير او الممر مرت فيه امارتيه او لا
من الريحه الطيبه 
لاني بزور دبي بشهر 6 باذن الله وودي اشتري منهم
ومشكورين
اذا تبين دخون غاوي روحي لشمسه المهيري في جميرا ..
عندها عطور و دخون و عود + جلابيات و عبي
رقم كالسيدوني بدزه لج عالخاص ان شاء الله
في مصممة شغلها روعة بالعبي اسمها ميثاء العبار .. ديزايناتها حلوة و الفيلا في منطقة الطوار
بعد البخور و العطور بتلقينهم في محل اسمه احمد المغربي موجود في الغزال مول في شارع الضيافة و مركز بن سوقات
دريم بيوتي
مشكوره عالرفع الله يرفع قدرج عنده
مها جميرا
وصلني الرقم الف شكر بعد قلبي
بس ممكن اعرف شمسه المهيري اي صوب بالضبط بالجميرا؟
وينكم يالحلوات ؟؟
للرفع
ولي عوده بإذن الله
وحياج الله حبيبتي الدار دارج يا الغاليه
باااك
بالنسبه لمحل: kanzi
ترا اهو في مدينه الشارجه..قريب حيل من دبي
شارع المدينة الجامعية بجانب محطة بترول الامارات, مقابل معسكر الفلاح.
وعندج دار وعد رووووعه في نفس المنطه وهم دار المزري …عباياهم لا توصف وطبعا الأسعار تقريباّ من
1600 وطالع.
وبالنسبه للبخور والدخون جربي دخون محل موزان للعبايا .ترا عندهم عود بالعمبر وأم الإمارات روووعه وخلطات راااقيه جدا
وإذا تذكرت شي رح أطرشلج ع الخاص…وعندي رقم مصممتين في دبي رح أدور الأرقام وأطرشهم
وحياج