عطوني نصايح من خبراتكم يا حوااامل
انا حامل وتوي فالثاني ادعولي ان الله يسهل علي ويثبت لي الجنين وعقبال كل المحروومات يارب…
شو هي عوارض الحمل فالشهر الثاني والثالث؟؟
انا الحين احس ظهري من تحت يعورني مع لووعه اول مره احس بهالالم وانا بالدوام
كله جالسه ع الكرسي وبالاسبوع الياي ان شاء الله بظهر من الشركه اجازه شهرين ان شاء الله
لين تعدي الامور ع خير…
هل ظهري يعورني من الجلسه ع الكرسي او عادي؟؟
وشو هي اعراض الشهر الثاني؟؟
اب اب اب
لوعة دوخة وممكن تتيج الالام فظهرج وببطنج لان الرحم يتوسع
والله يثبت حملج وتجوفين ضناج فحضنج
أمين يارب
عقبال البكاري
اب اب اب الله يوفقج
جوفي مب الكل نفس الشي
بس الاغلب من الثاني تبدا اللوعه والدوخه وآلام في الظهر واحيانا الرقبه بعد واسفل البطن
ها كله طبيعي
عليج بالراحه وما تشيلين اشيا ثقيله وحاولي يوم تيلسين اتحطين مخده صغيرة ورى ظهرج من تحت
بس لازم كل يوم جي عشر دقايق امشي مشي خفيف فالبيت وايد زين
ايه انا حاطه مخده وراء ظهري
وعاد البطن ماشاء الله يعورني بس خفيف
بس هل يصير اسهال ولا لا؟؟؟