السلام عليكم ورحمه الله وبركاته
اهلا أختي ومشكوره اولا عشان انج طرحتي هذا الموضوع لانه حاليا في بنات واييدين ما يوبون العرس والزواج لانه الي متقدم لهم لانه على قد حاله ما تدري هاذي الي بتأخذ فقير وعلى قد حالها انها ربي بيغنيها من عنده ,اهم شي الريال وبعد الريال وبعد الريال كان اخلاق وادب شو بحصل اكثر عن جي وبصبر عليه على الحلوه والمره وربي بيجازيج خير على صبرج معاه وانا اربيعاتي المتزوجات كلهم كانت امهورهم عاديه يعني مب مبالغ فيها وعني انا بعدني ما متزوجه والي ابغي بوعيالي اخلاقه وادبه وقبل كل شي ريال مصلي ويعرف ربه والسموحه اختي على الطاله
صح كلامج إختي
أنا يوم عرست الحمد الله ما طلبت من زوجي شيء وكل حد يقولي غيري الكوشه ولا حد يقول لي سوي حركه حلوه ومن ها القبيل وانا اسوي طاف والحمد الله لا ديون ولا غيره
نحن في عيلتنا المهور محددة وبعض العائلات مب ملتزمة فيه
بس المهر 5000 وتجهيزات العرس مانطلبها من الريال يحط اللي يقدر عليه والباقي الاهل يساعدون فيه
بسم الله الرحمن الرحيم
والله مابعد كلام الرسول صلى الله عليه وسلم
قال رسول الله صلى الله عليه وسلم:
أقلهن مهورا أكثرهن بركة
و قال أيضا صلى الله عليه وسلم:
يلبسها لو خاتم من حديد
فيه بعض الاهل يطلبون المهر القليل بس تعالي شوفي شو ورا هالمهر فلوس الزهبة وتجهيزات الحفلة
والله تبون الصراحه انا امنيتي والله اتزوج من غير مهر
بس والله ماشي حظ
ياريت تسوين اقتباس للكلام مره ثانيه..
المشاركة الأصلية كتبت بواسطة صمت الدمعه 
انا زوجي الله يحفظه ،ولدخالي ويوم تقدم لي طلبت مهر مصحف قراان وسورة الملك حفظ ..اهلي ماعارضو بالعكس استانسوا على هالشي ..
والفستان كان علي من بيزاتي مساعده له، لانه اهو ماكان لعااب شرات الشباب الباجين كان يولف بيزات من اول مااشتغل ويقول حق اهله انا ابا ازوج عمري بفلوس حلال مب من ورا ربا وسلفيات ومايحب الفشخره واللعبان تلفونات يديده وسيايير ماعنده هالخرابييط (اللهم لا حسد) 
والحمدلله حالنا مب انه تعبااان مره بس دوم اقوول كفايه انه هو ريلي
والحمدلله الله بيفرجها في يوم من الايام كل شي بدينه سبحانه…
بالنسبه للموضوع… المهر محدد من الدوله بس 20 الف مقدم وماخر 30 الف..
لكن اللي يكون ورا المهر من فلوس الزهبه والعرس وغيره وغيره
لازم الاقتصاد يكون في القاعه..الكوشه.. يعني ماطب كوشه ب20 او 30 الف وفيه كوشه ب4 و 5 الافف..
ولا اطلب غايه اجارها 100 الف وفيه قاعات ب40 و 50 الف..
ولا الزمه وافصل فستان ب60 الف … وانا اقدر استاجر ب7 الاف…
ما الزمه بفرقه غاليه ورقاصات وحلوياات من كل نوع وغيره وغيره وغيره
يعني الاقتصاد يكون بمصاريف العرس مب المهر..