شو رايكم فبشكارة اندونيسية مشتغلة في الاردن .محتارة

بنات انا يبت 9 فلبينيات و كلهم زفوت و دلع و وحدة منهم شردت..عاد لاعت جبدي وقلت بجرب اندونيسية و حصلت وحدة مشتغلة في الاردن شو تحسون اختارها و الا اختار وحدة مشتغلة في الخليج؟؟؟؟؟؟

والله مايخصه مشتغله في وين …لانه ماتدرين كل وحده وطبعها وخوفها من ربها وضميرها

الله يرزقج ويوفقج في البشكاره وان شاء الله تيج وحده خايفه ربها وضميرها حي

عليج بالاستخارة وتوكلي على الله واللي فيه خير لج ربج يسهله

أحسن المشتغله في الأردن عن الخليج لأن في الخليج يدلعون البشاكير لكن في الأردن يمشونهم بالمسطرة،،

انا خدامتي الاندونيسية يايبتنها مشتغله في الاردن صراحة وايد زينه ماشاء الله من ناحية النظافه و الاكل و العيال زينه و الرمسه اتعرف تتكلم اردني و اتسويلج اكلات اردنية مقلوبه منسف مجدرة فته … الخ و النظافه اتنظف زين و من الخاطر لان هناك يعلمونهن على النظافه السنعه حتر اليدار اتنظفه … و ما عندها كل يوم اريد اسوي تيلفون لاهلي لا بشكارتي ما اطيع يوم اعطيها الموبايل اقولها دقي لاهلج تقول مدام خسارة ما اريد بس بسوي مسج لهم و انا ما اخليها اقولها لا كلميهم ….
اتوكلي على الله و هاتيها احسهن احسن من المشتغلات عندنا او في الخليج هناك ايشدون عليهن اكثر

المشاركة الأصلية كتبت بواسطة الوظيحي

انا خدامتي الاندونيسية يايبتنها مشتغله في الاردن صراحة وايد زينه ماشاء الله من ناحية النظافه و الاكل و العيال زينه و الرمسه اتعرف تتكلم اردني و اتسويلج اكلات اردنية مقلوبه منسف مجدرة فته … الخ و النظافه اتنظف زين و من الخاطر لان هناك يعلمونهن على النظافه السنعه حتر اليدار اتنظفه … و ما عندها كل يوم اريد اسوي تيلفون لاهلي لا بشكارتي ما اطيع يوم اعطيها الموبايل اقولها دقي لاهلج تقول مدام خسارة ما اريد بس بسوي مسج لهم و انا ما اخليها اقولها لا كلميهم ….
اتوكلي على الله و هاتيها احسهن احسن من المشتغلات عندنا او في الخليج هناك ايشدون عليهن اكثر

أنا بعد بشكارة قوم خالي جذيه وتسويلهم اكلات اردنية ونظيفة لا وتعرف اتسوي اقنعة للويه للتبييض والتنعيم وغيره لان العايلة الاردنية الي اشتغلت عندهم معلمينها