السلام عليكم .. اشحالكم ياحوامل واشحال البيبات 
بخبركم مشكلتي واتمني حد ينصحني لاني صدق محتاره
أنا من فتره اعرف انه ماااء البيبي نااقص وكل مااراجع
نفس الكلام وكانوا عاطيني تاريخ 11 – 11 موعد للطلق
بس استخرت وحسيت اني خايفه مااعرف ليش المهم
انا الحين فالاسبووع 36 يعني اليوم دااشه التااسع بس
وخايفه من الطلق الصناعي فيتني فكره اني اشرب زيت
الخرووع بس بعد زغت كله زاايغه
خايفه ع البيبي وطول الوقت افكر فيه حرام تعب
تسع شهور يرووح .. شو اسوي ياليت اللي عندها تجربه
مشابه تفيدني يزاها الله الف خير
مدام كملتي 8 شهور لا تخافين ع البيبي ^_^
اشربي حبة الحمرا
و فوري ماي مع جرفه و مراميه وحطي شكر شوي عشان الطعم
و كلي تمر واشربي زعتر
و ان شاء الله الله يسهل عليج و تربين بالسلامه
احيد خالي قالوولها نفس الشي وكانت في اول التاسع وولدوها بطلق صناعي تعبت وايد من االاام الطلق ><
بس البيبي الحمد الله مافيه شي وهو اصغر من بنتي باسبوع ^_^
انا سويت كل هالاشياء بس ماشي ياب لي الطلق …حلبه ..حبه حمره..جرفه.. اناناس … ميرميه.. زعتر .. زنجبيل ..
انصحج تسوين صناعي ,,,والله يسهل علينا جميعا
الغالية انا جربت الخروع…من قبل…كانت اتييني آلام بس ما اربي..لان الرحم ما يفتح عندي بسرعة….
بس اختي ماشاء الله ..يفيدها الخروع ويسرع الطلق عندها…
الغالية لا تخافين من الخروع..لانه ماشي منه مضرة…بس انصحج تاكلين تمر يوميا ..وتمشين يوميا بعدمب اقل عن كيلو…ومن يبدا عندج الطلق..اخلطي 3 ملاعق عسل اصلي ويا اي مشروب حار…لانه بيسرع لج الطلق باذن الله….
واقري كل يوم سورة يس ..وادعي عقبها..بانج تربين طبيعي…لانه انا استوالي شراتج…فبنتي..وكانوا بيسولي طلق لاني طوفت الموعد…وقبل التاريخ اللي حددوه حقي بيوم..قريت سورة الكهف لانه كان يوم جمعة..وعقبها قريت يس ودعيت من قلبي انه اييني الم طبيعي….وسبحان الله…توني اقوم من مكاني بسير بحط المصحف..الا وتييني آلام الطلق…الله اييسر عليج غناتي….
بس في شي مهم…لازم تنتبهين له…وهي حركة البيبي…لانه الماي عندج ناقص..اذا البيبي يتحرك..معناه كل شي اوكي…بس اذا تميتي فترة تحسين لبيبي ما يتحرك لازم تسيرين على طول تجيكين لانه ممكن يكون خطر عليه…
اتمنى اني اكون فدتج….واذا محتاااجة اي شي انا فالخدمة….^_^
نسيت اقولج شي مهم…اذا بغيتي تشربي الخروع…اخلطيه ويا بيبسي ….وموووول ما بتحسين بطعمه….
اشربيه وتوكلي على الله….
انا اجوف زيت الخروع ابرك بوايد من الطلق الصناعي الله يبعدج عنه
وانا شربته قبل ويع الولاده من بعدها سهل بطني كم مره وبعدها بيومين ياني الويع
بس كانت اسهل ولاده في اعيالي كلهم
انا بجر وما اقدر افيدج حبووبة
ومنكم نستفيد حبووباتي
والله يسهل على الكل باذن الله