السلام عليكم يا بنات
اليوم راح نبدأ سلسلة يديدة من دروس المناكير
الدرس الأول بيكون لوك جريء نوعاً ما…. اتمنى يعيبكم
نبدا
اول خطوة تنظفين الظفر وتحددين الطول الي تبينه
هذا الشكل الي اخترته مربع بزاويا مبردة وطويل
الظفر الحقيقي ابدي بكوت بيس أول عشان المناكير ما يأذي ظفرج
هنا بديت على طول بالمناكير
استخدمت مناكير شفاف بلمعة تعكس على أزرق
المناكير من سيفورا
وكنت محتارة بين اللون الاخضر التركواز الي يعكس على ذهبي ولون الازرق الغامج
بس اخترت هاللون
تسوين حرف في V على الظفر بهالشكل
وعقب
بالفرشاة الضعيفة هذي
تسوين خطوط متداخله بهالشكل
الي تحب الشغل الناعم ممكن توقف هنا وتحط كوت شفاف على الظفر ويكون اللوك مخلص لكن انا احب الشغل ^_^ فكملت
يبت مناكير فيه قلتر ذهبي وحطيته على الظفر من فوق بس
وعقب تسوين نقش على ذوقج على طرف الظفر بهالشكل
وهني ممكن تحطين خرز او فصوص على ذوقج انا حطيت شوي من مناكير الكافيار على النقش بهالشكل
تابع
وهني اللوك النهائي
الصور مب لهناك واضحة
هني بالفلاش لون المناكير روعه يبين انعكاس الذهبي الي بالاخضر
اتمنى ينال اعجابكم ^_^
الي حابة تنقل الموضوع بليز بذكر المصدر
دعواتكم بالتوفيق والصلاح تكفيني
ماشاء الله فنانه
واايد عيبني حبيته
ان بغيت اسوب بقدر اضبط ايد وحده انزين منو يضبط لي الثانيه
شغلج وايد حلو بس يبالج تصوير فنان عشان يطلع الموضوع شي خطير
المشاركة الأصلية كتبت بواسطة سمية عبدالله 
واايد عيبني حبيته
عيونج وردج الأروع حبيبتي
المشاركة الأصلية كتبت بواسطة ملكة الاحاسيس تعلمي شوي شوي بروحج بتضبطين اليد الثانية ^_^
المشاركة الأصلية كتبت بواسطة 3yoon Ba3’dad يبالي صح
حتى انا انقهرت من التصوير مول مب شي مضيع شكل الديزاين بس هذا الموجود حالياً ^_^
^_______^