السلام عليكم ورحمة الله وبركاته
اشحالم خواتي عساكم بخير ..
بنات منو حابة تتعلم تصميم ازياء +تحصل شهادة دبلوم عليها
والدراسه مجانيه ، فقط للمواطنات
في معهد الجزيره في بوظبي بين الجسرين يدرس هالتخصص
وانا حابه ادخله قالولي موجود التخصص بس ماشي طالبات لازم تكونون 9 طالبات ع الاقل عسب يتبطل الكلاس
بنات بوظبي اللي حابه هالمجال تشاركني ، ع الاقل نكون مجموعه ونسير ندرس هالتخصص .
دقيت ع معهد الخوارزمي عندهم هالتخصص دبلوم بعد بس كل شهر ع المادتين تدفعين 5000 درهم استخسرت المبلغ صراحه وايد مبالغين
اتريا ردودكم خواتي
حلو والله .. اتمنى لو ادخل بس انا قيوانية ..
اتمنى تحصلين حد .. بخبر اختي تنشر هالخبر بين اهلنا في ابوظبي وان شاء الله يكتمل العدد
انا حابه أدخل … بس الدراسه صباحيه والا مسائية؟ وكم مدة الدورة؟
والله حلو بس متى ؟صباحي ولا مسائي؟وكم ساعه؟
وينج الغاليه نتريا ردج علينا… اصراحه اندور مثل هاي الدورات من زمان … 
هاي مب دورة … دبلوم يعني اقل شيء سنتين…. انا درست وخذت الدبلوم في تصميم اﻻزياء… ممتع بس يباله اجتهاد …. بالتوفيق… خذته فالخوارزمي
انا بدخله وبجمع قروب بنات بس وينج بنتفق ويا مجموعه وندخل سوا