خواتي انا انقطع عني الدم وانا نفاس في اليوم ال15 من بعد ماولدت / وخلال ما انا نفاس مرضت بالزكام وعندي نقص حديد فخبروني اكثر من عصير البرتقال لانه مفيد للزكام ويساعد على امتصاص الحديد / بس لاحظت من بعد ماشربت هالشي انقطع عني دم النفاس وبطني صارت كبيرة والحين في اخر نفستي ومايطلع الا سائل بني له رائحة كريهه عزكم الله / فقريت في النت انه الحوامض تجمد الدم والمشي عالبلاط بعد وانا بيتي كله سيراميك / ومرات انسى وامشي حافيه / الحين اريد مساعدة منكن اريد شي يشيل هالدم المتجمد ويخفف عني معاناتي واعرف شو الحل / هل فيه خلطة لاني جربت الزنجبيل والقرفه وشربتهن بس مافادني .. وماريد شي من عند العطارين / اذا اعشاب في البيت ومعروفه بسويها / او مشروب / اما اسماء اعشاب غريبة ماعرف شو تسوي فيني عقب دخيلكن شفولي الاسهل .. ومشكورات على وقتكن في قراءة طلبي .. رد علي ارجوكن
حبيبتي القرفة وايييييييد مفيدة بس ما اعرف ليش ما جابت نتيجة معاك يمكن صفيتي من الدم خلص مو شرط يقعد حتى تكملي الاربعين وهاد الدم البني عادي اما بالنسبة للرائحة لازم تغسلين كويس و تغيرين الفوط عدة مرات في اليوم وكمان نظفي المنطقة من الشعر وكمان انصحك تشربين يانسون لي هي بدرة البسباس كثير مفيد بيطلعلك الدم كله مثل القرفة هي بعد حلوة المداق وادا مافي تحسن احسن شي زوري طبيبة النساء
اختي الغالية شي طبيعي وعادي ينقطع دم النفاس بعد 14يوم من الولادة وتطهر الحرمة وتغتسل بسدر وتصلي وتصوم خاصة اذا نزل لها الطهور الابيض وهي عبارة عن افرازات بيضة وخاصة اذا كان المولود ولد والام ترضعه طبيعي
انا اول مولود لي كانت بنت ماطهرت حتى كملت الاربعين وثاني مولود لي ولد طهرت من 14يوم وكان رمضان وقالت لي امي اغتسلي وصلي وصومي وما نزلت علي الدورة بعد الربعين وتميت 9شهور مايتني الدوره ورحت اسوي
فحص دم عن الضعف قال الدكتور مبروك انتي حامل قلت كيف يادكتور انا ارضع ومايتني الدورة قال عادي عندج مناعة طبيعية من الرضاعة وختي بعد نفس الشي بس بعد ما كملت الاربعين نزلت لها الدورة عادي اختي البرتقال
ما يخصه وعن نقص الحديد ترى لا برتقال ولا غيره يعدله روحي عند الدكتور وطلبي ابرة الحديد انا ما عتعدل عندي الدم الا لما رحت مستشفي امبيريل وعطاني الدكتور ابر حديد وابر فيتامين دال ورتحت وحسيت بنشاط وتعدلت نفسيتي
ومزاجي وحسيت بخفة وراحة
بنسبة عن لو بقى شي من الوسخ في الرحم من الولادة الرحم هو بروح يطرد الاوساخ للخارج بس انتي شربي زعتر ومرمية ورشوة حبة الحمر وحسن من هذا كله للحرمة الوالدة الخبز مع العسل ودهن البقر يعني السمن العربي المحلي
واذا ماشي عسل خلي دبس التمر مع شوية فلفل اسود ينضف الرحم ويعطي قوة ونشاط وهذا سر الحريم الاوليات
شربي حلبه بعد زينه بس الله يعينج ع الريحه والقرفه بعد وايد يمدحونها
خذي مني هالشي نصيحه و نفذيه و بتدعيلي ..
فالخلاط حطي بقدونس و ماي .. اخلطي لين يصير عصير و اشربيه
اشربيه كل يوم مره الى 3 مرات ..
و اتمنى انه عقب ماتجربين (( استمري كم يوم )) تخبريني بالنتيجه .. ^^
مشكورات خواتي على الردود بس ماطلعت لي افرازات بيضاء لين الحين بس افرازات بنيه وريحتها كريهه وبالنسبه للنظافه اغسل بغسول خاص للنساء وابر الحديد اخذتهن وانا حامل لمده اسبوع اروح المستشفى واتم لمده 5 ساعات انتظار ويعطوني اياهن لين عروقي ماورمن .. واتبهدلت في هالحمل ياتني كتمه في النفس فجاه وعطوني 3 اكياس دواء وماعرفوا الدكاتره شو التشخيص بالضبط حد يقول حساسية وحد يقول ربو واخر شي شك الدكتور فيني سل / فاخذت ماي زمزم وتميت على الرقيه لين اختفت شويه اعراضها /لكن الولد طلع ضعيف وااايد وحجمه صغير/ وغير عن اخوانه / والله يعين كل حامل ومرضع ونفاس