.gif "12 (98)")
بليييييييييييييييييييييييييييييييييييييييييييييييي يييييييييييييييييييييييييييييييييييييييييييييييييي ييييييييييييييييز
يابنات أنا جان سويت موضوع عسبة مشكلة شعري إلي طهقني
ويتني رسائل وايدة عالخاص حد يمدحلي فكراتين الكاكاو وحد يقول يربي كراتين الكريستال
وحد ثاني ينصحني فكراتين الفيتامينات المغذية
لكن البارحة واليوم ياتني رسائل تقلي ماعليج فالكراتين البرازيلي إلي يذكروه لج هاذا كله غالي
لازمن تيربين ماسك الكراتين اليلسة الوحدة ب300 درهم بس
والحينة يابنات خلاااااااااااااص مابعارفة إيش الأحسن أو عالقليلة حد يشرحلي إيش الفرق بين الإثنينا
حبيبتي أنا صارلي مدة قاعدة دور صالون شاطر فسالفة علاج الشعر بالكراتين
وسمحيلي ماب قادرة أفيدج شي لني لين الحينة مايربت لا الكراتين ولا الماسك
إنشاءالله البنات يفيدونج .gif "12 (33)")
انا مجربه كيراتين الكاكاو ووايد حدو مسويتنه في البحرين والحين انا هني ادور صالون شاطر يسوي لي اياه ومب عارفه وين اسير اللي تعرف تنصحني وين بالشارقه
تقبلي مر،ري
حبيبتي أستغربت من سؤالج هاذا وايد
الكراتين إلي كلنا قاعدين نترمسن عنه يختلف عن الماسك
أنا يوم سويت الكراتين البرازيلي فالفيتامينات المغذية الخبيرة جان عطتني الشامبو والبلسم والماسك مالته وقالتلي كل أسبوع تغسلين شعرج زين وتحطين الماسك فشعرج مدة ساعة كاملة وعقب تغسلينه بالماي وتحطين الإمبولات المثبتة للكراتين
يعني الإختلاف واضح بين الإثنينا .gif "12 (58)")
اول شي لازم تسوين كيراتين و عقب تسوين ماسك الكيراتين او حمام زيت الكيراتين كل إسبوع مرة
عسب الماسك يحافظ على الكيرتين إللي بشعرج لمدة اطول
لأن الكيراتين العلاجي مدته قصيرة بالشعر بالكثير ثلاث شهور ويرد الشعر لطبيعته وترد النفشة
بس الماسك بروحه ما بيعالج نفشة الشعر لمدة 3 شهور قولي اسبوع ويمكن اقل بعد
وليش الماسك ب300 درهم الجلسة إلا ماسك ترا !! انا ماخذة العلبة من نزيه ب50 درهم وعلبتين ب75
لو تشترين الكيراتين على حسابج من نزيه او شركة النسائم لمواد التجميل ب600 درهم وتودينه الصالون وتعطينهم شغل يدهم بس بيكون أوفر لج
أهم شي لما تختارين نوع الكيراتين إنه يكون خالي من مادة الفورمالدهايد ويكون علاجي مب تمليس و إستخيري وتوكلي على الله
نصيحة مني حبيبتي
لاتيربي أي شي يخص الكراتين من عند نزيه لنه أنا متأكدة إنه صنع لبناني ماب برازيلي أصلي
والمعروف إنه اللبناني أو أي شي غير البرازيلي بيكون مقلد
سيري خبيرة توثقين بها خلها توريج غرشة الكراتين وتأكدي إنه برازيلي ومادة الفورمالهيد
فيه لاتزيد عن 2%
وعقب تاخذين الماسك المناسب للكراتين إلي كد سويتيه فشعرج عسبة يثبته
وتبين الصدج الماسك الأصلي بيكون سعره أقل شي 150درهم على حسب حجمه ونوعه
عن روحي
أنا جان سرت لخبيرة كراتين فاهمة وتأكدت من كلشي حتى السعر سألت فأكثر من مكان
وسوتلي الكراتين البرازيلي وخذيت الشامبو والبلسم والماسك مالته مع الإمبولات المثبتة
والله يوفقج حبيبتي انشاءالله
ياحلوين انا سويت الكيراتين
هي عباره عن جلسه سويتها بمركز تجميل والحمد لله روووووعه شعري الكل تخبل عليه
مايحتاج استشوره بس انشفه بهواء استشوار ومرات اخليه بالفوطه ملفوف
والجلسه عند الفلبينيه هاي يلست على شعري 4 ساعات تقريبا . . تعبت شوي
بس كانت تقولي انا ادقيقه بشغلي عسب جي اخذ وقت
وكانت 3 مراحل وأخرها حطت ماسك مثبت
وبعد ماخلصت الجلسه يسمونها جلسه علاج عطتني شامبو وماسك وبلسم اغسل شعري فيه
كل اسبوع واحط الماسك ساعه او ساعه ونص واغسله
وسويت عندها اشتراك كل شهر اسير مره
اسوي ماسك من عندهم تحت الاستيمر (البخار)
وبس
الحمد لله شعري وايد تحسن عن قبل