خبيرات الخياطة دشن بليييييز ؟!!

خبيرات الخياطة ,, عندي بعض الاستفسارات في الخياطة ؟!!

1- هل ممكن اتعلم الخياطة بالتعليم الذاتي , يعني عن طريق البحث في النت او في الكتب ؟؟
ولا لازم دورة خياطة ؟!!

واذا ممكن اتعلم عن طريق النت او الكتب : شو أفضل موقع للتعلم ؟؟ وأفضل كتاب ولو كان بالانجليزي ؟ شو أسم الكتاب ووين ممكن احصله ؟

2- بالنسبة للذيل : دائما مشكلتي فيه انه ما اضبطه بنفس الطول ؟ فشو الطريقة او الاداة اللي ممكن اضبط فيها طول الذيل بشكل متساوي ؟

3- هل ضروري اني اشتري ماكينة السرفلة ؟ ولو كنت مبتدئة ؟ ولا لازم احترف وعقب اخذها ؟

4- هل توجد طرق ثانية لتشطيب حردة الرقبة والكم غير البيييه ؟ وهل ممكن اصنع البيييه بدون الاداة ؟؟

وبس ,,

ويزاها الله خير اللي بترد علي ,, ^^ ,,

خبيرات الخياطة ,, عندي بعض الاستفسارات في الخياطة ؟!!

1- هل ممكن اتعلم الخياطة بالتعليم الذاتي , يعني عن طريق البحث في النت او في الكتب ؟؟
ولا لازم دورة خياطة ؟!!
والله ممكن عن طريق النت تتعلمين الاساسيات وممكن تحترفين لان الدروس واضحة لكن اهم من ها كله ان يكون عندج صبر وعشق للخياطة لان كثير يبون يتعلمون لكن يوم يشوفون الخياطة تبالها جهد نوعا ما يهونون هذيل عادة ما يكون عندهم عشق وحب الخياطة

واذا ممكن اتعلم عن طريق النت او الكتب : شو أفضل موقع للتعلم ؟؟ وأفضل كتاب ولو كان بالانجليزي ؟ شو أسم الكتاب ووين ممكن احصله ؟
المواقع كثيرة، لكن تعلم الخياطة مرات ما اييج مرة واحدة او كامل، يعني حددي اللي تنبيه مثلا تريدين تخيطين تنورة مبدئيا، تكتبين في القوقل خطوات خياطة تنورة، خياطة تنورة بالخطوات، او بالانجليزي skirt tutorials، انا اقول مثلا…
انا عندي كتابين مهمين بالنسبة لي ولازم افتحهم وقت اقعد اخيط واحد عربي والثاني انجليزي، بس الانجليزي اشمل

موسوعه سنجر للخياطة المصورة اشتريته من مجرودي واذا ماشي اطلبيه اييبونه لج وشي منه نسخة انجليزية

وهذا والكتاب الثاني واهم من الاولي لانه اشمل ومثل الموسوعه وروعة خذته من مكتبة كوناكينيا في دبي مول وعندهم كتب ومجلات باترونات حلوة صوب المجلات اليابانية

من ناحية المواقع احب احدد بالضبط اللي بابه مثلا وقفت عند خياطة الكم البف وتركبيه اكتب في القوقل puff sleeves tutorials
وبعدين تطلعلج خيارات كثيرة اختاري الانسب نفس هالرابط
http://www.dana-made-it.com//07/…d-sleeves.html

2- بالنسبة للذيل : دائما مشكلتي فيه انه ما اضبطه بنفس الطول ؟ فشو الطريقة او الاداة اللي ممكن اضبط فيها طول الذيل بشكل متساوي ؟
انا عادة اخيط الفستان كامل وبعدين اشوف من تحت متساوي ولا لا اذا مو متساوي اساويه بالقص بعدين مثل ما بينت في الدرس السابق اطوي نص سم واخيط وارد اطوي سم واخيط يطلع كله متساوي باذن الله، بس قبل كل ها لاوم يوم تقصين القماش يكون متساوي في القياس الجزء الخلفي والجزء الامامي من ناحية الطول

3- هل ضروري اني اشتري ماكينة السرفلة ؟ ولو كنت مبتدئة ؟ ولا لازم احترف وعقب اخذها ؟
مكينة السرفلة ضرورية في حالة كنت اتحسين نفسج مبتدأة ولكن باتخيطين بكثرة لان عادة مكاين السرفلة اتكون غالية، لكن بالامكان اتدورين مكاين مثل اللي عندي خذتها ب400 وعادة هالسعر نادر ما تلقين فيه مكينة سرفلة

4- هل توجد طرق ثانية لتشطيب حردة الرقبة والكم غير البيييه ؟ وهل ممكن اصنع البيييه بدون الاداة ؟؟
هيه عزيزتي ممكن عن طريق السجاف، او facing اكتبيهم في النت بتطلعلج الطرق

بس عادة البيية انظف وافضل خصوصا للمبتدئات وهو له اكثر من طريقة وانا تعجبني هذي الطريقة
http://suchtreasures.com//06/14/…es-as-binding/

وبس ,,

ويزاها الله خير اللي بترد علي ,, ^^ ,,