السلام عليكم
عزيزاتي
ما شاء الله شفت الكل متكلم عن تجهيزات العرس من الكوشه والزهبه والمكياج والخ…
بس محد رمس عن توزيعات الاعراس..
فياليت كل وحده تخبرنا شو كانت توزيعات عرسها…او البنات الثانيات بعد شاركن ويانا…بذكر توزيعات اعراس اهاليكن او عرس رحتن له وعيبتكم التوزيعات …او حتى اللي عندها افكار تشارك
عشان نجمع الافكار ونستفيد
خاصة الحين موسم الاعراس….واكيد شي وايدات محتارات شو يسون في العرس سواء العروس نفسها او اي وحده تبا حق عرس اخوها او اختها والخ…..
شراتي عندنا عرس اخوي …وكل يوم افكر في شي…وما استقريت على شي….
والسموحة
حالي مثل حالتش جاري التفكير لشئ مميز…………………… 
انا بخبركم عن الاعراس الي حضرتها
كانت التوزيعات في احدى الاعراس ورد جوري اصفر وعليه بطاقه صغيره فيها دعاء
وفي مره كانت سي دي عليها صورة المعرس والي داخل السي دي القرأن كامل
وبعد مره كانت توزيعات حلاوة ام خماس
وطبعا في عرس اخوي انا سويت التوزيعات عباره عن مخمريه ربع توله
وفي عرس اخوي الثاني سويت الدخون على شكل ورد وخليناهم بسلات صغار على قد حبة الدخون ووزعناهم على الطاولات
وفي مره رحت عرس كان يوزعوا عطور صغار بخاخ مربوطات بشكل انيق وبسله
واذا اذكرت شي بخبركم
والله ياليت تع"وني افكار اكثر لان عرس اخوي ما باجي عليه شي
انا لعرسي ..كاكاو وادعيه ..وتحف
الغاليه احين راحت موضه التوزيعات
محد يوزع شي
العرس يصير ارقى جي
اهم شي الفواله تتوزع
شرات الجوكلت وغيرها
لا فديتج منو قال الموضة انتهت بس اهم شي التوزيعات تكون راقية ومميزة