بين الدنيا والآخرة .!!!!!!

سلمكم الله في وحده اعرفها مطلقة لأسباب مالها ذنب فيها ،مع انها كانت تموت بزوجها وتحبه حب مو طبيعي فبعد الطلاق انصدمت ومرت بحالة نفسية ما يعلم فيها إلا رب العالمين ،لكن ولله الحمد بفظل الله تعالى ثم قوة ايمان هالبنت وثباتها على الدين قدرت تعدي هالمرحلة من حياتها،وماشاء الله عليها مو ناقصها شي مال وجمال ،البنت جامعية وتوها تتوظف، ومن تطلقت والخطاب عند بيتهم ،لكن سبحان الله رفظت لأنها مو قادرة تنسى الجرح الي عانت منه بسبب زوجها ، واللي قهرها أكثر إنه تزوج!!!!!
المهم :بعد ما تزوج طليقها فكرت بنفسها وقررت توافق على اول واحد يطق بابهم ، لكن سبحان الله كل ما تقدم واحد يكون فيه عيب،واللي يرفض ابوها (وصدقوني كان معاه حق مو مني والطريق )،ومثل ما قلت البنت فيها دين فكانت تدعي إن الله يرزقها بالزوج الصالح ، بعد مدة تقدم لها شخص جامعي وصغير يدرس بالشريعة ،والكل يمدحه ، لكن الأم رفظت لأنه متزوج وصار له اربع سنين ما جاب عيال ، وخافت إن العيب منه مو من زوجته ، طبعا هالبنت لا حول لها ولا قوة رفظت ، لكن والله يا بنات إنها تحسفت بعدين ، لأني مثل ما قلت كان خووووووش رجال ، تزوج من وحده ما تزوجت ،،(الله يهنيهم)

الحين تقدم لها واحد فيه خير والكل يمدحه ،والاهم إنه صالح(نحسبه والله حسيبه ولا نزكي على الله أحدا)،لكنه متزوج وعنده عيال وعمره30،البنت فرحت لما عرفت إنه طلب وحدة (ملتزمة)يعني ما اختار وظيفة ولا جمال مع إن مو ناقصها شي ، واللي عجبها أكثر إنه متمسك بزوجته وعياله ، وتقول اللي ما فيه خير لاهله ما فيه خير لغيرهم ،،،،،،،،،
لكن مع هذا مترددة ، خصوصا إنها صغيرة وجميلة ، ، وبنفس الوقت تخاف تتحسف عليه مثل اللي قبله ،لأنها فعلا حابة ترتبط بشخص معروف عنه الدين،

بالله عليكم شراااايكم ،انا عن نفسي ما ادري لما افكر بالدنيا ،،،،اقول (لا) ……ولما أفكر بالآخرة اقول توكلي على الله …….وجزاكم الله خير