السلام عليكم ورحمه الله وبركاته
شحالكن
انا حامل بالشهر الثامن 
بس احس بألم شديد شديد شديد ، يمين البطن ممتد الى الظهر ( فقط جهه اليمين )
انا قلت غازات !! في البدايه وتم يزيد و يزيد
ما قدرت اتحمل وتميت اصارخ بالحجره من شده الالم 
طبعا محد درى بي 
بس والله جد جد ألم ما اتحملته
والحين خف عني بس ما رآآآآآح وعلى طول دشيت المنتدى أسألكم
بنات شو يعني . . يمكن شو هالالم يكون بالضبط
انا مستبعده إنه طلق او ولاده لانه مستحيل بس جهه وحده تعورني والله شو هالطلق 
بس سبحان الله شو هالشيء اللي صار لي فجأه ، اخاف شيء ماكله واتسمممت خخخخخ
لا ماعرف يمكن غازات
على فكره فيني إمساك 
مممممممممممممم ومادري بس
بليز ساعدوني انا بكر 
وماعرف شيء
إن شاء الله الأخوات يفيدونج
و الله يسهل عليج
بنات رجع الالم
جاووبوني بليززززز
الله يكون في عونج
انزين روحي المستشفى شو ترقبين
اذا الألم وايد عليج أحسن لج تروحين ولا ترقبين حد
وان شاء الله يخف الألم
ماعرف
اخاف ولاده مبكره وانا مابي هالشيء
يارب سترك
ادعولي بنات وايد أتألم شو الالم اللي صار لي فجأه
على الاغلب غازات
و تكون غازات قوية
تحسين من زود الوج ما ترومين تاخذين نفس و تتشنجين صح ؟
لانها صارتلي قبل يوم سويت عمليه وكنت فالمستشفى من صريخي سوولي تخطيط للقلب و اشعه مقطعيه يتحرون جلطه !
الله يكون ف عونجً ويسهل عليجً المفروض من ياج الألم تسيرين المستشفى شوفي شو السبب
وطمنينا عليجً الغاليهً
اللهم أسالك هون الطلق وحسن الخلق