بقع زيت وسمن وماتروح من الكنادير عندي الحل الاكيد

السلام عليكم ورحمة الله وبركاته
بنات اكيد انتوا مثلي كنادير العيال وابوهم الملونة وبقع الدهون فيها ماخليتوا طريقة ما جربتوها بلا فايدة واللي غسلت قبل كنادير مبقعة زيت تعرف ان اصعب شي هو الزيت مايروح ابد من الملابس
عندي طريقة مضمونة ومريحة لاماي حار ولا بودرة اطفال تحطينها ع البقعة وتكوينها ولا مزيد من التجارب الفاشلة والا شاعات

الآن وحصريا عندي الحل الاكيد والمضمون
شفتوا هذا اللي في الصورة ..اكيد تعرفونه

سماك ما غيره الاصفر اللي ننظف فيه الدهون في المطبخ ومكتوب عليه قاهر الشحوم
خذي الجزء المبقع من الكندورة وحطيه في الطش ورشي عليها ماي حار والسائل هذا كم بخة بس
وافركي بفرشاة الملابس والبسي القفاز يكون افضل وعقب اغسلي الكندورة بالطريقة المعتادة
صدقوني تجربتي ناجحة مئة في المئة وبتفتكون من المغاسل الخاصة والمخاسر
وعيالكم بياكلون الاكل اللي يحبونه بدون ماتخافين ان ثيابهم تبقع
ولدي عنده كندورة بنية راح فيها العمرة مع المدرسة ويوم رجع قال للشغالة اغسلي الكندورة ولا قال لي شي
وبعد كم شهر يسأل امي كندورتي وينها رحت ادورها قالت الشغالة ماتنفع ماراحت البقع راحت يبت سماك وغسلتها وطلعت نظيفة ماشاء الله
جربوا وادعولي

بصراحة ما قد شفته ينباع وين يبيعونه اللي اعرف عنه جف بجميع أنواعه

المشاركة الأصلية كتبت بواسطة ظبية_الإمارات

بصراحة ما قد شفته ينباع وين يبيعونه اللي اعرف عنه جف بجميع أنواعه

موجود في كل مكان وين الجف بتحصلينه قريب منه

تسلمييييييييين

[IMG]http://www.*******.org/images/gzddy9lja582f3t733cr.gif[/IMG]

بخبر امايه تعبت من كنادير الوالد والاولاد

تسلمين الغاليه بجربه لانى محتاجه عندى كم كندوره ما لقيت لها حل جزالك الله خير