السلام عليكم ورحمة الله وبركاته ..
انا بصراحه كاتبه هالموضوع من الغيض اللي فيني
بجد يعني مب حاله هذي …
تخيلوا رايحه اليوم انا وزوجي نسجل بناتي الثنتين في روضة الغدير في الشعيبه
kg2 وشو قالوا … سكرنا تسجيل الـ kg2 لا والله تونا ماقلنا بسم الله
ونحاول معاهم مافي اي امل ونتصل على الشعاع وبعد يقولون مسكرين التسجيل
الغدير قالوا خلاص شوفو المنطقه اذا بيعطونكم استثناء ؟؟ يا حظي استثناء على شو على شووووو
عشان ندخل بناتنا روضه حكوميه !!!
المهم راح زوجي وقالوا مافي مجال … زوجي عطاهم اوراق البنات وقال لهم سجلوهم في اي روضه
لها مواصلات لمنطقتنا شعبية الدفاع .. نحنا مارح نختار المكان اللي يناسبكم
تدرون شو قالوا … نحنا آسفين مافي مكان !!!!!!!
والله شي يموت ضحك ويبكي فنفس الوقت يعني وين نسجل عيالنا فالمريخ مثلاا
والله مب حاله هذي يكفي من العام بناتي متلعوزين مررره يعني نحنا من سكان شعبية الدفاع
وبناتي العام نفس الموال صار لهن وحاولنا حتى بالخاص مالقينا وبالنهايه وين سجلناهن
في اليحر الخاصه ….
تخيلوو مسااافه والله راحمتنهن وقلنا السنه الجايه بنريحهم حرام بنلحق عالتسجيل …
بس للأسف
ماادري من وين العله بالظبط
من المنطقه اللي مب قادرين يوفرون صفوف زياده ولا مدارس زياده ولا من وين ماادري
والحين ماندري شو مصيرهن ….
للرفع
كلمي رئيس مجلس أبوظبي للتعليم
وين بالله عليج اوصله هذا بعد >_<
لو الامور بهالبساطه يليت
للرفع
هلا حبيبتي آهات،
قريت تعليقج والله هميتيني،
وانا اليوم كارخة التلفون في ويه وحدة في التسجيل في مدرسة من المدارس المحترمة في دبي،
تخيلي بسسسس معشمتني من متى وتقولي اتريي واتريي و دوم تؤجل واخر شي بكل برود تقول: لي سوري كتيييييير .gif "12 (93)")
التسجيل فل للسنه الجايه….
والله من حرتي بس بندت التلفون في ويهها والله يسامحهم بهدلوني
بس الواحد ما يقول الا عسى ان تكرهوا شيئاً وهو خير لكم………
.gif "12 (19)")
الله المستعان …