السلام عليكم ورحمة الله وبركااته
انا نزلت هالموضووع لانى ابا منكن الدعااااااااااااء بس الدعاااااااااء سبحان الله يمكن ربي يستجاب لدعوات وحده منك وايكون سبب هدايتي هو دعائها ………..
انا مشكلتي مشكلة اغلب البنااات
واللى هي انى انا ارمس شبااب انا مب مرتبطه بحد ولاعندي علاقة حب او شي من هالخراابيط
بس جي
اي حد اتصل رديت عليييه وسولفت معاه
خاطري اودر هالشي
دايم اقول بوقف ومن هالكلااااام لكن ترجع حليمه لعادتها القديمه
والله هلي مب مقصرييييين ويااااااااااي والحمدالله كل شي اباه احصله
وماريد انزل راسهم بالقااااااااااااااع
صح انى وحيييده وما عندي حد
لكن الحمدالله مب قاصرني شي
وانا خااااااااطري والله اتووووووووووووووووووب
بس قلبي متقلب يوم يشتااااااااااااااااااااق لربي
ويووم منشغل بالمعاااااااصي
وقسم بالله اغلب الشبااااب اللى رمستهم ما همهم غير شهــوتهم
كل تفكيرهم شهوووه …؟؟
متى بشوفج …؟؟
طرشي صورتج …؟؟
صوري لي جزء من جسمج ..؟؟
شغلي الكاااااام ..؟؟
ابا اشوف جسمج …؟؟
نفس الكلااام نفس اللووعه ..؟؟
عوذ بالله من الشيطان الرجيم
وربي نفس عاااااااااااااافت
احااولت اتوووووووووووووب بس ارجع مره ثانيه
كم موقف استوالى لكن بعدني على حالتى
كم واحد هددني ..؟؟
وكم شي استوى لي ..؟؟
لكنى بعدي على سواااد ويهي
وربي لو الهدايه تنشرى لكااان اشتريها
لكن عجزززت اجاااااااااااااهد نفسي واقاااومهااا
مشكلتي وحيييييييييده واغلب وقتي فراااااااااااااااااااغ
وما عندي اسولف وياااااااااااااه او اشي
فاشغل نفسي بهذا الشي
اوقات اقول بعرس وبصلب وبتوووووووووب
لكنى انا ابا اتوووب مب عشااان العرس ولا عشان ريلي
ابا اتووووووووووووووووووووب عشاااني انا وعشاان ربي
لكن عجزززت من نفسي ومن قلبي
وربي ابا بس الدعااااااااااااااء
فديتج اكثري من الاستغفار والدعاء والصدقه بنيه ان ربي يعينج على ترك هالمعصيه لانها عظيمه وعقابها شديد جدا
اقري القران بعد صلاه الفجر لو صفحتين
الاستغفار الاستغفار الاستغفار
وربي يصلح بالج ويهديج لطريق المستقيم
لا حول ولا قوة الا بالله العلى العظيم
مب قادره استوعب كل هذا تسوينه بارادتج ..وبطووعج وتعرفينهم يتسلوون فيج ..وتعرفين انها معااصي وتردين تسوووينها ..يالله ما ارحمك على اللي يعصوونك ترحمهم وباب توبتك مفتووحه ويردوون للمعاصي ..
اختي شووفي ..التوووبه الصاادقه بينج وبيينن ربج ..وبعدها دائما خليج على وضوووء ..وكثري من قرأة القرآن ..وقيام الليل اوصيج ماتودريه ..وكل مابغيتي تسوي معصيه استغفري وتذكري ان الله يكتب كل صغيره وكبيره
وما ادري شو اقولج بعد انتبهي على عمرج اليوم انتي فووق الارض وبعد ثانية او اقل الله اعلم تحت الارض ..
وكثري من قوول ((يا حى يا قيوم برحمتك استغيث اصلح لى شانى كله و لا تكلنى الى نفسى طرفه عين
اللهم استرنا فوق الارض وتحت الارض ويوم العرض
اول شي الله يهديج ويصلح قلبج
ثاني شي اذا بغيتي تقدمين على هالعمل استغفري ربج وقومي بسرعه من المكان اللي كنتي فيه وحاولي تشغلين نفسج بأي شي انا عارفه قلبج نضيف بس الشيطان شاطر لاتخلين له فرصه . . . ومثل ماقالت اللي قبلي اكثري من الصدقه وأعمال الخير ..
ماقصرن الخوااات
لاترخصين بعمرج فكري فامج وابووج ….
اشغلي نفسج بشي عشان تلتهين عن هالسوالف
رمسي ربيعااتج…
سوي اي شي يلهيج عن هالمعااصي…
الله يهديج يااارب ويستر عليج دنيا واخره
اتذكري ان الموت مايدق الباب
الله يهديج يااااااارب
لاتقطعين عن الاستغفااار +قراءة القران+قيام الليل…..
آللهمُ آغفر ليَ ۆلۆآلديَ ۆلجْمُيَعَ آلمُسّلمُيَن ۆآلمُسّلمُآت ۆآلمُؤمُنيَن ۆآلمُؤمُنآت آلأحيَآء مُنهمُ ۆآلأمُۆآت
السلام عليكم ورحمه الله وبركاته
هلا اختيه
الحمد الله انج تعرفين اللي تسوينه غلط ونفس الوقت تحاولين انج تحاربين
الشيطان عسب خوفج من الله عز وجل..
قال تعالى في كتبه العزيز
(إن الله يحب التوابين ، ويحب المتطهرين ) يحب العبد اذا اذنب يتوب ويرجع
لربه ويدعيه ويخشى ..انتي انسانه طيبه وفيج خير كبييييير لدرجه انج حاسه
بغلطتج..اهم شي حبيبتي انج تنوين نيه صادقه وخالصه من قلبج انج تودرين
هالشي مب تين بعد كم يوم وتحنين لا قرري من داخلج انج ما تردين ابدا
ثانيا..
ابتعدي كثر ما تقدرين عن صديقات السوء الله يهديهن يااارب
ثالثا ..وااااظبي ع الصلاه قال تعالى (إن الصلاه تنهى عن الفحشاء والمنكر) وعند السجود
ادعي ربج ان ينور لج دربج وان يجعل القران ربيع قلبج ويرزقج الزوج الصالح وحسن الخاتمه
رابعا..استغفري ربج كل وقت وكل ثانيه والله ثم الله ان الاستغفار له اثر عجيييب ف النفس والله مجربه
وسحبان الله تبعدج نهايئا عن الوقوع ف الحرام بكل انواعه..واكثر من هالاستغفار دوامي عليه
مده اسبوع كل يوم 100 مره وبتشوفين التغير العجيب في حياتج
( استغفر الله الذي لا اله الا هو الحي القيوم واتوب اليه) احفظيه وكرري كل وقت والله اني مجربه
وكلنا مرينا بتجارب ومحاربه النفس والشيطان الله يستر علينا
خامسا..
صدقي باي شي عندج بنيه ان الله يهديج وان يبعدج عن هالامور عطي اي عندج الخدم في البيت
العمال اللي يشتغلون برع المحتاجين اي احد اهم النيه الصادقه
سادسا..اكثري من قران القران حتى لو 4 صفات في اليوم وعودي عمرج قبل ما ترقدين كل يوم سوره الملك
والصبح سوره يس اذا ما عندج وقت اسمعي قران خزنيه في فونج واسمعيه والله ان يريح القلب.
سابعا..
حاولي تسمعين محاضرات تتكلم عن اهوال يوم القيامه وعذاب جهم ( اللهم اجرنا منها يا رب)
وتذكرج بعذاب الله..
ثامنا..كل ما تفكرين ان شيطان بيقص عليج تذكري انج بتموتين في اي لحظه وانج ما بتستفيدين بشي
من هالخرابيط غير الذنوب استعيذي من الشيطان واستغفري ربج ونسي عمرج باي شي ..شوي
شوي الشيطان بيتعب وانت ان شاء الله بتبتعدين .
عسب ما اطول عليج واااايد حبيت اذكرج بقول الله عزوجل:-
(قل يا عبادي الذين أسرفوا على أنفسهم لا تقنطوا من رحمة الله إن الله يغفر الذنوب جميعا إنه هو الغفور ارحيم)
و
( و من يتق الله يجعل له مخرجا و يرزقه من حيث لا يحتسب )
والسموحه اختيه
الله يهدي الجميع..
الله يوفقج