العمه وما أدراك ما العمه ؟؟؟! !

السلام عليكم ورحمه الله وبركاته كيف حالكم يا بنات اتولهت عليكم وايد وعلى سوالفكم الحلوه ترى أنامن فتره بعيده ما دخلت المنتدى بسبب ظروف عائليه صعبه ومن هذا المنطلق بغيت أتناقش معاكم بموضوع يهمنى وايد ابى أعرف هل كل العمات واحد بها الاسلوب ولا هو يختلف من وحده للثانيه؟أنا صراحه تعبت حيل من عمتى الله يسامحها دوم أحسها اتسوى منافسه بينا نحن حريم عيالها السبع وأكتشفت بالمصادفه انها تستعمل نفس الاسلوب معانا كلنا يعنى مثلا يوم تكون معها وحده منا تيلس تقول حرمة ولدى فلان يابت لى ساعه وحرمه ولى فلان تقوم الفير وتسويلى ريوق وهكذا واحنا مصدقين اعمارنا كل وحده فينا تنافس عشان رضاها لكن في النهايه احس أنها نشرت بينا الكره والغيره خصوصا انها ما تشكر ولا تشجع الوحده في ويها بس اتسوى هاالاسلوب عشان انتم 24ساعه في خدمتها الحين كلنا أصابنا الملل والفتور وكل حد بعد ما أدرى خواتى شو رايكم في الموضوع وهل عماتكم مثلها الله يهدينا ويهديها

انا الحمد الله عمتي ابدا ما تقول شي
وفي حالها ويوم اهدياها تتم تدعيلي وتدعي لي ولدها
وانا عن نفسي في حالي و ما احب ادخل عمري في شي ما يخصني وهي بعد و بينا المحبه
بس يكون بي علمج انه العمه دايمن تغار من مرت ولدها لنها حاسه انها هذي خذت ولدها عنها

اتفقن امبينكن ^_^

خلوا القلوب صافيه

لو عمتى عايشة بخدمها من عيون بس يكفيها إنها يابت لى ريلى وربتة وتعبت عليه اللة يخلية لى ولعيالة واللة يرحمها ويدخلها جنات الخلود…

اما عني فالخبث كله في عمتي المتشببة جدامي بوجه وجدام حرمة ولدها الثانية بوجه ويوم اتشوف ريلي اونها اتحب اعيالي ومن وراه تروغهم اما اعيال ولدها الثانين اتموت فيهم كما انها اتحب حريم اعيالها الي هم بالاصل ما يحبونها لاسباب لا احب ذكرها والمصيبة الكبرى ان زوجات اولادها ينفقونها وانا ترتيبي الثالثة من زوجات اعيالها لكن ما اقول الا الله يسامحها

خالوه طيوووووووووووووووووووووووبه وما يخصها …

الله يحفظها

أنا عمتي مثل أمي.. ولو غلطت حرمة عوده و ماتبي إلا الحشيمة و إلي تحب ريلها لازم تحترم و تقدر عمتها