المقادير …
كوبين طحين ( محمر ,مشفشف , محمص ) اكثر من تسميه له بس اهم شي يكون لونه فاتح
مب غامق …
كوب سكر ( يعادل 5 فناجين سكر ) لاتقولون وايد لانها تحتاج سكر ولا بتطلع ماصخه
الماء ( عباره عن 6 اكواب ماء )
ملعقه كبيره زعفران منقعه بفنجان ماي ورد , ملعقه هيل مطحون
دهن او سمن مب زيت ..حلاته مع الدهن القطري يمي يمي
الطريقه :
نحمر السكر على النار لين يصير لونه عسلي اهم شي لايحترق
نضيف عليه كوبين ماء فقط ..ونخليهم يطبخون لين يذوب السكر تماما
طبعا الطحين جاهز ومشفشف … انخليه عشان الكتل تروح منه وضيفي عليه 3 اكواب
ماء وحركيه وخليه على جنب
اول مايطبخ السكر والماء عدل ضيفي ماء الورد والزعفران والهيل
…ومن ثم ضيفي الطحين ( الي خلطيته بالماء ) ضيفيه كامل مع الماي حقه
طبعا اول ماتضيفينه بتلقينه يغلظ حركيه ..وزيديه كوب ماء ( هذا اخر كوب )
وقعدي حركيه ..وخليه على نار هاديه ..وحطي الدهن عليه تقريبا مقدار ملعقتين طعام
او اكثر على حسب الرغبه … اذا حسيته يحتاج سكر زيديه لان حلاته بالسكر
وبعد 5 او 10 دقايق سكري النار وقدميه وهو حــااااااااااااااار ولو بغيتي حطي علي الوجه
شوي دهن ….وتمتعي بالطعم الرهييييييييييييييييب ..
منقووووووووووووول للاخت pasta
مشكككورة اختي
يعطيج العافية إختي على العصيدة اللذيذة
تسلمين ..بس من وين أييب السمن القطري.
الله يسامحج عاد ما بغيتي الا اليوم
امسوية ريجيم قاسي وشهيتيني أسوي العصيدة بهالليل
بس بقاوم والله يصبرني
أطلع من المنتدى وايد أحسن
تسلم يديج ..
شوقتينا للعصيده ..
لازم أسويها ..
يزاج الله خيير
الصور ما تفتح