بغيت أي معلومة أو نصيحة عن الطريق البري من الامارات إلى سوريا وإذا وحدة عنها خريطة للطريق أو أي شي يساعد ياريت تفيدونا لأنا نفكر السنة نسافر سوريا عن طريق البر .
اختي سيري نادي الامارات للسيارات بيفيدونكم وااايد
من حيث الضرايب والجمارك…
من حيث الرخصة الدولية..
ومن حيث الخرايط…
بس انا عن نفسي تووووووووبه اسافر بر هذاك الصوب… (السعودية والبحرين والكويت أو سوريا والأردن) خخ مسقط عادي…
شوارع السعودية كحيااااااااااااااااااااااااانة… يعني تكرهين حياتج بسبة الشارع….
اما من توصلين البحرين ترتاحين.. ومن توصلين الكويت ترتاحين..
لكن الطريج الأطول بيكون في السعودية…
نحن طلعنا من الامارات متجهين البحرين.. تمينا كم يوم في البحرين وعقب طلعنا الكويت… ونحن سايرين صوب الكويت شفنا المخرج اللي يودي على الأردن وسوريا … وتمينا بالكويت كم يوم وعقب رجعنا سيده الامارات… خخ الطريج طووييييل خخخ تميت اصيح… وامي قالت زين انه كان اقتراحج والا جان كلتينا ههههههه
الحين اخوي يوم يبا يلعوزني يقول يوم نسير البحرين بر… والا الكويت خخخ
اقوله ما عليه بس من عند الغويفات اظربوني ابره مخدر مدتها 7 ساعات لين نوصل الوجهة المطلوبة..
الله يعينكم ان شاءالله على الطريج وعلى محطات البترول الكحيانه وعلى الشوارع المتجلعة والحفر…
حاولوا كل ما تشوفون محطة تعبون بترول لأنه مب مكتوب عقب كم كيلو المحطة التاليه… مب مثل بلادنا…
تروحون وترجعون بالسلامة
ما انصح بالسفر بالبر لمسافات بعيدة ..
مشكورات خواتي على الرد…
بس انتن بهالطريقة خوفتني خاصة إني ماخذة وياي يهال!!!
شكلي بتعايز…
نصيحه لا تسافرين بالبر وخاصه لسوريا
بس اذا كنتي ملزمه ع السيره نصيحه الدرب ما منه امان
وبعدين وانتي سايره سوريا بليز خذو سكن يكون فيه امن وخاصة اذا كان وياج يهال وحااولو لا تبينون انكم من الامارات ولا بيذلونكم ع الاكراميه ما تمشين شوي الا وقالولج عطيني اكراميه ولا اطلعين البيزات جدامه لانهم يتحرون هالامارات شالين وياهم برميل بترول..الله يوفقج ويسهل امرج
وطمنينا عليج ….
للرفع
المشاركة الأصلية كتبت بواسطة رمش العين 
بس اذا كنتي ملزمه ع السيره نصيحه الدرب ما منه امان
وبعدين وانتي سايره سوريا بليز خذو سكن يكون فيه امن وخاصة اذا كان وياج يهال وحااولو لا تبينون انكم من الامارات ولا بيذلونكم ع الاكراميه ما تمشين شوي الا وقالولج عطيني اكراميه ولا اطلعين البيزات جدامه لانهم يتحرون هالامارات شالين وياهم برميل بترول..الله يوفقج ويسهل امرج
وطمنينا عليج ….
ههههههههههه صدقت الاخت و انا و ياها