سلام عليكم
اشحالكـــــــــــــــــــن خواتي؟
ابصراحة عندي موضوع وابغي اتناقش فيه؟؟
شو رايكن بالزواج عن طــــــــــريق الجات؟ او الفون ؟
هل هو مضمون ؟
خاصة ان الريال صادق معج؟ وصدق صدق يحبج ويبغيج بالحلال؟
حتى بيكلم اهله وبيدخل خواته؟
ماا اؤمن فيه وضـــــــده
واذا طلب رقمج اعطيه رقم الوالده او واحد من خوانج اذا يصدق يبيج بالحلال ..احس سوالف المواقع وغيره تنجح ويا الاجانب اكثر..
هذا رايي والله يوفقج الغلااا
الله يجدم اللي فيه الخير
ماحب هالطريقه 
الله يعلم ولد حلال ولا لا
ماتدرين شو بنفوس الشباب
لا والف لا … اختي هذا درب بليس وهو قاعد يزين للبنات علشان ينخدعن
البنت المفروض ما تخون اهلها وتكسر الثقة اللي عطوها لها
إذا يباها موب لازم يطول ولا يظل يرمسها أيي يخطبها وبس
وإذا تحجج بأشياء ثانيه فهذا شي ثاني وصار معروف
والمفروض تقطع العلاقة ومن دون تردد …
قال الله تعالى " و لا تتبعوا خطوات الشيطان"
ربي يستر علينا جميعاً
الي يبغـى الحلال
يي وهو رافع الراس يدق الباب
مافي شي اسمه ما عندي بيزات أو أتريا دراستي
الخطوبـة ماتحتاج منه شي غير انه يكون ريال وقد مشاعره وكلمته ويي يكلم أهل البنت
أما الجات والفون والغرام الضايع
مجرد اقنعـة ويوم تسقط ما تضرر إلا البنية
الله يصلح الجميع
ومن ترك شيء لله عوضه بخير منه
انتي وحظج ممكن يكون نتيجته زواج حلو وسعيد وحياة حلوة وتفاهم اكبر وصراحه بين الطرفين بالخصوص ان اكيد تكلمتو في وايد اشيا وكسرتو حاجز الخجل ويابعض يعني ممكن يكون بيرفكت
او حياة تعيسه وخداع بخداع يكون ريلج حرامي جاتات او زير نساء والخ