الحمدلله*** ان بعد العسر يسر

حبيت اكتب موضوعي هذا للبنات اللي طلبوا مني اخبرهم شو بيصير وياي بعد ما نصحوني في موضوعي الاول
http://forum.uaewomen.net/showthread.php?t=574383

بصراحه اول شي احمد الله واشكره وثاني شي اشكر كل البنات والخوات اللي وقفوا وياي ونصحوني نصايح بصراحه كنت غافله عنها بس الحمدلله ان شي منتجى مثل هذا كل وحده تعطي الثانيه حلول واذا ما عندها حل ع الاقل تدعي لها دعوه حلوة

طبعا من بعد ما قمت باللي نصحوني فيه خواتي في المنتدى ولله الحمد حسيت بتغير الحمدلله قمت اقسى على قلبي وما اتصل له وايد بس والله احيانا اتصل له مب بايدي بس على طول اذكر كلامكم لي وايود عمري واقول ما بتصل المهم هو كلمني قال لي شو فيج متغيرة ليش ما تتصلين شرات قبل ليش ما تسألين عني ولا تنشدين عن اخباري ليش هاملتني تم يرمس شرات الياهل اللي يبغي شي من امه وامه حارمتنه والله ان قلبي عورني اكلمه وانا اصيح ونبرة صوتي تكسر الخاطر قلت له انت اللي تبا هالشي انت اللي تغيرت علي ووووالخ المهم هنيه انفتح بينا حوار المصارحه كل واحد منا يشكي للثاني ويقول اغلاط الثاني والاشيا اللي مب عايبتنه فيه هو يرمس وانا ارمس يقنعني بشي واقنعه بشي ثاني
كانت اطول مكامله بينا تقريبا من الساعه12 فليل لين الساعه 6 الصبح قبل ماروح الجامعه رحت الجامعه وانا مواصله بس الحمدلله هذا كله من الاستغفار والدعاء والصبر والنصايح اللي خذيتها منكم
صدق حسيت ان الله ما ينسى عباده وعشت الشي اللي عمري ما توقعت اعيشه انا اللي كنت دايما اتمصخر واسولف واضحك استويت وحده جاده والله من بعد سالفتي في الموضوع الاول
بعد هالمكالمه اتفقنا ان اييني البيت ونحل كل مشاااكلنا ونتفق وما يطلع من عندي الا ونحن متفاهمين على كل شي ويا اليوم الثاني ويا عندي في بيتنا ويلسنا ويا بعض وحلينا كل اللي بينا واعترف لي ان هو تغير علي بعد سالفة البلاك بيري بس كان هالشي مب بايده والله يا بنات اني يبت علبة البلاك بيري وكل الكفرات وكل شي يخصه وحطيته في الميلس قبل ما يدخل هو انصدم يوم شاف العلبه والاغراض قال لي كيف هانت عليج اول هدية اييبها لج وهو مدمع والله قلت له انا مابا البلاك بيري لانه سوالي مشاكل انا في غنى عنها ومثل ما قالت لي وحده من الخوات يزاها الله خير وكلامها في بالي للحين قلت له اذا في شي يهز ثقتك فيني انا ماباااه وانا اشر ع البلاك بيري طاح في حضني وتم يصيييح ويقول لي سامحيني ويرفع راسه فوق ويقول يا رب سامحني لني شكيت فيها ارجووك يا رب سامحني لاني شكيت في احسن بنت في العالم هنيه انا ما قدرت صحت وانا اطالعه يصيح والله لحظه لا يمكن انساها كل ما اتذكر هالموقف اتييني قشعريرة المهم تمينا نرمس واااايد والحمدلله كل شي بينا انحل ووعدني انه يتعامل معاي عساس اني حرمته ويحترمني ويقدرني ويصدقني وانا وعدته بنفس الشي الحمدلله الحمدلله الحمدلله الحمدلله والله اني واايد مرتاحه ودايما في بالي هالاية ** لا يغير الله ما بقوم حتى يغيروا ما بانفسهم **

والحمدلله الف مرة وشكرا لكل البنات اللي ساعدوني بنصايحهم الحلوة ادعو لي الله يتمم زواجي على خير ويوفق بيني وبين زوجي دوووم ولكم مثل ما دعيتوا ان شاء الله

الله يوفقج دووم مع ريلج

والله يرزقني بزووج صااالح مايحب البلاك بيري..

وربي يتمم زواجكم على خيـــــــر أختي ^_^