مرحبا بنات اشحالكم…
عساكم بخير…
الحمد الله…اليوم وصلت للوزن الي اباه..وصلت لل 50 كيلو..
ابى الكل يشاركني فرحتي.. واتمنى من الي يبون يضعفون يشدون حيــــــــلهم
ويقوون ارادتهم .. لان احلى من هالشعور مافي..
قصتي..
يوم حملت بولدي كان وزني 70 وعقب ماربيت وصلت 63 وثبت مب طايع ينزل
وصراحه بتني حالات احس باكتئاب وودي اضعف والنفسيه دااااون ..واكيد كل وحده متينه ..
بتعرف هالشعور.. وياما حاولت اسوي رجيم بروحي .. ولا في فايده..
والحمدالله هذاك اليوم حجزت موعد عند اخصائيه تغذيه.. ربي يعافيها.. ما شاء الله عليها
وانتظمت على نظامها بالحرف الواحد.. والله لدرجة انها كل موعد كانت تنصدم من وزني وايد يكون نازل.. وذاك اليوم تمت تحلفني اني ما اكل حبوب مع نظامها؟؟
وحلفت لها اني ما اكل..ولا اسوي غير نظامها والرياضه… وبعد شهرين .. وصل وزني لل 50 كيلو..
والحمد الله… احس اني رشيقه و واثقه من عمري وووووايد واكثر عن قبل..الله يقويني واقدر احافظ على وزني الجديد..
لكل وحده تبى تضعف انصحها انها تحس بهالشعور…والله احساس حلو..
ولسموحه لاني طولت عليكم حبايبي..
عند اي دكتورة رحتي
والله يوفقج دنيا وآخرة
والف مبروك
الف مبروك
شو كان نوع نظامها
مبروووووووووووووووووووووك
يا ريت اتحطين لنا نظامها
ممكن نظامها
ومبروك ع النزول
مبروك الغلا النزول الله يهنيج فيه ياااا رب
وإن شاء الله يثبت وما يزيد
الله يبارك فيكـــــــــــــــــم …
عند الدكتوره سالي الاعور.. في ابوظبي..صراحه وايد متفهمه..ونظامها كان تخفيف الاكل ..يعني اكل كل الي خاطري فيه..بس هيه تلعب في السعرات الحراريه في نظامها وبس.