الحرمة تحب كلمة والريل يحب كلمة ( .)

مرحبا خواتي المعرسات / شحالكن ..

ممم قريت موضوع ف منتدى من المنتديات وعيبني وايد وحبيت اصيغه باسلوبي وان شاء الله تستفيدون ..

كلنا نحب نسمع كلمة احبج من ازواجنا ونكون ف قمة السعاده .. وماشي حرمة تتعب وتحاول ترضى ريلها لا لنها تبا ترضى ربها ف الاول وتسمع كلمات الحب والغزل من ريلها..

بس ماسئلتي نفسج ريلج شو يحب يسمع منج؟؟؟ / كلنا نعرف ان الريال بطبعه غير عاطفي مثل الانثى فكلمات الحب مب هي مطمعه !!! عيل شو يحب يسمع ..

صدقيني الريال يعشق كلمات التقدير والثناء من زوجته … وخصوصا يوم تشكره ع اي شي سواه حتى لو كان تافه … ابا بعطيج مثال :.

ريلج من واجبه يشوف طلبات العيال ويلبيها .. وانتي مب ملزومة تشكرينه لنه هذا واجبه .. بس تخيلي لو دخل عليج البيت وهو شال اكياس وفيها اغراض العيال .. وانتي قابلتيه بابتسامه وضمه وقلتيله (( مشكوووووووور الغالي هذا واااايد علينا يزاك الله خير)) تخلي الفرحة اللي بتسوفينها بعيونه كيف بتكون .. صدقيني الريال يموت ف الحرمه اللي تقدر مجهوده لو كان بسيييييييط .. والامثلة تطووول ..

وانا عن تجربة اقولكن ..ز

^.^ ودمتن بسعاده زوجية الله يخلي ريااييلكم لكم