التنافس مع الذات هو أفضل تنافس بالعالم

(( أعوذ بكلمات الله التامة من كل شيطان وهامة ، ومن كل عين لامة )).

السلام عليكم ورحمة الله

خواتي انا رجعت مع يومياتي ولله الحمد … بعد فترة مريت خلالها بأحباط وكسل وفترة دورة هالشهر اللي كانت جدا قاسية من حيث الاعراض

اول شي اهديكن هالمقولة اللي اخترتها تكون عنوان لموضوعي من كلمات الدكتور (إبراهيم الفقي)

التنافس مع الذات هو أفضل تنافس بالعالم ، فكلما تنافس الإنسان مع نفسه تطور ، بحيث يكون اليوم أفضل ما كان عليه بالأمس وغدا افضل مما كان عليه اليوم

طبعا يومياتي راح تبدأ معاكم من باجر ان شاء الله وباجر الصبح اول ماانش بوزن وبخبركم عن وزني حبيباتي وطبعا لو طلع زايد مابتفأجى لانه بيكون رابع يوم دورة بالنسبة لي

برجع لكم بيومي باجر حبيباتي الحين تصبحون على خير

صباح الخير خوااااااتي … انا مثل ماوعدتكم وزنت اليوم الصبح اول مانشيت والحمدالله وزني مو وايد متأثر باحتباس الماي بسبب الدورة الوزن :79.5 الطول :165

حمدت ربي وشكرته مليوووون مرة انه وزني مازاد اكثر لانه مرحلة الثمانين بالنسبة لي كانت كارثة ماابى ارجع لها مرة ثانية

عقب الوزن بديت يومي كالتالي :-

كوبين ماي العين 250 مل

ريوقي

نص كوب حليب قليل الدسم فيه شوية نسكافيه وظرف واحد محلى (كردينال) + شوية سبشل كي اتمزز فيهم وياكوفي

برجع لكم عقب اكمل يومي واتمنى القى تشجيع منكم خواتي

بحفظ الله ،،،