البياض الاكيد الاكيد ومجرب ومازلت مستمرة عليه

عزيزاتي عندي لكم خلطة روعه وصدق تفتح الجسم وتبيضه

وبالذات المنطقه الحساسه .. وانا ما زلت استخدمها .. الين اليوم

فعلاً فعلاً شي عجيب وما توقعت انها بتخوز السواد اللي بين الافخاذ ..

واليكم الخلطة ..

3 ملاعق سدر
3 ملاعق حليب بودرة
1 ملعقة كركم (للجسم)
ملعقة زيت اللوز (حق اللي تعاني من الجفاف)

اخلطهم بماي حار .. وعقب ما اتسبح امسح هالخلطة على جميع جسمي

من ويهي إلين ريلي .. واركز في الفرك على الفخذين .. والاربط

وكل الجسم طبعاً ..

وبعدها اييب ليفه المصريه الخشنه .. ابللها بماي حار عسب تلين ..

وعقبها اتم افرك جسمي فيها ..

واحس بالبياض صدق ..

وصارت هالخلطة جزء من حمامي اليومي وما اقدر استغني عنها ابدا

وان شاء الله تفيدكم مثل ما فادتني صدق ..

وبالتوفيج لكل وحده مستعده تستخدمها ..