السلام عليكم والرحمه
شحالكم بنات ؟ عساكم مرتاحين ؟ هذي اول مشاركه لي في المنتدى .. الصراحه تشجيعكم وردودكم الحلوه اللي خلتني اتشجع واسجل في المنتدى و اطلب منكم المساعده واخذ آرآآكم 
وان شاء الله اكون عند حسن الظن
الموهم
بنات بغيت اتخبركم عن كاكاو الريجيم …اللي ينباع ف كارفور ..
شو تحسون به زين ؟ يعني عادي اذا كليته وانا تحت الريجيم .. لانه الصراحه انا موووتي وشي اسمه كاكاو وماقدر استغنى عنه
انا مش متينه وايد بس .. ابا اضعف لانه طولي ما يناسب وزني
طولي 153 ووزني 165
يعني الفرق 10 كيلو
الحمدلله من ها الاسبوع بديت الريجيم .. وخففت الاكل .. يعني الصبح اكل نص قطعة من خبر اسمر اوكورن فلكس والغدا طبعا ما تغدا .. لاني اكون ف الدوام وارد العصر .. وماشي وقت عسب اتغدا ونفسيتي تنسد
والعشا احيانا اكل مشاوي اوكورن فلكس اوخبز اسمر مع جبن
مع شرب جاي احمر بعد الفطور وبعد العشا ..والمشي نص ساعه
بس مشكلتي الحلويات اللي ما قدر ابتعد عنها .. واايد قالولي اذا بتبتعدين عن الحلويات وتمشين كل يوم .. بتضعفين .. بس انا ما قدر اصبر عن الكاكاو
اختي قالت لي .. سيري كارفور عند قسم الدايت .. وخذيلج كاكاو من هناك..احسن من الكاكاو اللي اكله دوم
وفعلا سرت كارفور وخذيت لي كاكاو .. وكلته واايد عيبني طعمه ..صح شويه مرر ..بس بعد لذيذ
بس انا اخااف .. اني اكل كاكاو الدايت ومن هناك ما ينقص وزني
وانا لازم اضعف قبل العيد .. ف بلييييز اللي عندها معلووومه عن ها الشي واللي جربت تاكل الكاكاو في وقت الريجيم ونزل وزن تخبرني وما تبخل علي ..
لانه فعلا خاطري اضعف 
اتريااا ردودكم .. وادعولي اني اضعف واوصل للوزن المناسب
اختكم
احلى خيماويه
اختى اكلى منة بس مش كثير لالا تكثرين مرة فى اليوم
ما عندي اي فكرة
ان شاء الله البنات يفيدونج
لا تاكلينه وايد يعني مرة أو مرتين في الأسبوع بس
انا مااحب الكاكاو وايد بس وقت الرجيم <<<<<خبرج وحامل الرجيم هههههه
كلي منه عادي مايزيد الوزن لان كنت اكله والحمد اله وزني كان ينزل عادي بس لاتكثرين
اهئ اهئ
ان شاء الله بحاول اتجنب الحلويات وما كثر منهم واااايد
اشكر كل من رد على موضوعي .. ويزاكم الله خير
حبيبتي انا كمان مثلك اموت بالشوكولاته
بس الي بكارفور فيه سعرات عالية
اقراي المعلومات الغذائية الي على العلبة بتقدري توكلي منه بس شوي لا تفكري ما بنصح