احس اني اول انسانه فيني هذا النوع من المرض , الغاليات مساعدتكن

وكلهم يقولولي هذي مضره .. لانه من 3 سنين يتني حاله غريبه فجاه تم قلب يدق بسرعه بسرعه وكنت اتعب سرعه وحالة اكتئاب شديده وماخليت افضل دكاتره قلب في دبي الا و رحتلهم
قالولي قلبج مافيه شي سليم ميه بالميه والحمدالله.وجميع فحوص الغدد بعد اوكي و الدم بعد تمام و.تميت على هذي الحال لمده سنتين تيني حالات يدق قلبي بسرعه ويرجع طبيعي رحت المطوع عطاني محو وزيت الزيتو وكثرت من سورة البقره يومين في اليوم اقراها ولله الحمد قلة المرات الي يدق فيها قلبي بسرعه .وتحسنت حالتي شوي..والمشكله . بعدني جهاز الضغط من يحطونه عليه ترتفع دقات قلبي ..

والله تعبت الدكتورة تستغرب عليه تتحراني فيه مرض في قلبي وخافت عليه لاني في الشهر الثامن و انا اقولها هذا شي نفسي مش مرض .وانا قلتلها دكتوره انا مافيه لا ضغط و لاشي بس بليز بليز لاتستخدميلي هدا الجهاز و ابعديه عني .ومن تبعده عني ترجع دقات قلبي طبيعيه !!!!!
والحين قربت ولادتي و خايفه يوم الولاده يستخدمولي الجهاز و اتلعوز .. والمشكله اخاف يوم يقيسولي ضغطي وبتبين عندهم سرعة دقات قلبي حزة الولاده يفكرون فيني شي و النيرسات مايعرفون هذ الشي نفسي ..وفي وقتها مابقدر اشرحلهن شفيني بالضبط

بليز خواتي ساعدني و ونصيحتكن الغاليات

اقسم بالله تعبت واريد مساعدتكن ..

ويبالج خطوة خطوة عشان يصير الشي عادي

اول شي المسيه

عقب لفيه عايد حد

جي يعني

فديتج كثري استغفااااااااااااااااااااااااااااااااار

صدقيني هذا احسن علاج وحل

وخلي ذكر الله ع لسانج طوووووول الوقت

وبتشوفين كل خير

فكري وقولي لنفسج

هذا الا جهاز ما يخوف ليش اخاف منه

الناس كلها عادية فانا بصير احسن عنهم

يعني خلي عندج قناعة ان هالجهاز ما يخوف وتمي استغفري وحصني نفسج بالرقية الشرعية وسورة البقرة

ولا تنسين اذكار الصباح والمساء

والحينه وقت ال ثلث الاخير من الليل والدعاء مستجاب