شخباركم حبيباتي , انشالله طيبين , بغيت مشورتكم في المشكله اللي انا فيها , انا متزوجه صار لي 11سنه وساكنه مع زوجي واهله ماشاالله عائله كبيره و صراحه تعبت وابي استقر ارغب في بيت مستقل وزوجي رافض مع انه يقدر ويقول بيوفر حق بنا الارض اللي حصل عليها من البلديه , وانتو تدرون القرض لما يشيب الراس بيطلع وخاطري اتمتع في بيتي وانا بعدني شباب , بس ابي ارائكم هل ازن عليه لما يسوي اللي انا ابيه والااصبر وهو طيب معاي ومو مقصر في شي معانا واهله بعد طيبين وجعدتهم حلوه بس من حقي استقر وارتاح . ارجوكم فيدوني
الغالية شوفي شو الي يريح زوجك ., يعني لو قادر يسوي لكم مستقل فهذا افضل لكن تناقشي معاه بحوار هادئ عن سبب عدم اقدامه على هالخطوة يمكن له اسبابه ., الرجال يفكرون اكثر منا بالاستقرار لكن الا ما يكون فيه سبب لتاخيره
ربي يوفقكم
استغفر الله
اصبري عليه اختي لو عنده مابيقصر معااج والله يفرج عليج ان شاءالله
احس انج لو طلعتي بتتعبين
يعني بتملين
بتشتاقين للحشرة والازعاج واللمة
^_^
انا احب العائلة الممتدة ^_^
احس الحياه غير و احلى و وناسه
أنا بنضري ناقشيه في الموضوع ليش لا
ان هذي رغبـة كبيرة عندج ناقشيه فيها
بس لا تزنين ^^!!
ناقشي بهدوء وطيبـة واشرحي له أسبابج
وإذا ما اقتنع تفهمي موقفه واحترميه
والله يرزقكم كل خير