مرحبا
اشحالكن ؟!
بنات ،، وين بقدر امتحن ielts هالشهر؟!
اقرب موعد حصلته في وولنغونغ بيكون 8/1/
وانا ابا امتحن امتحانين .. قبل الفصل الياي ..
عادي لو مب ف دبي ..
و شكرااا
للرفع
كلية التقنيه للبنين بالفجيره بتاريخ 1812
وفي امتحان بتاريخ 151
بآلنسبة للبرتس كونسل آقرب موعد بيكون 8/1 وف آلشآرجه . .
غير جي مآعندي فكره . . موفقه
اللـﮧ أڪبر اللـﮧ أڪبر لآ إلـﮧ إلا اللـﮧ و اللـﮧ اڪبر الله اڪبر ولله الحمد
شكرا فديتكن
بالنسبه لتقنية الفجيره ،، يمتحنون السبيكنج نفس اليوم ؟!
اڵسڵآم عڵيڪم
بنـآأت ,،
أنـآأ أبي أقدم عڵى امتحـآأن اڵآيلتس ,،
فـ يآاڵيت اڵڵي امتحنت ۈڵآ بتمتحن هآڵإمتحـآأن اتفيدنـآأ ,،
فۈين امتحنتي !
ۈهڵ ڪآان اڵمڪآأن مختلط ۈڵآ !
ۈالله يوفقنـآأ ڪڵنـآأ بهآڵإمتحـآأن 
موفجين
whenkoOm banaat !
انا امتحنت تاريخ 23 يناير
بالنسبة للاماكن عندج مكانين في ابوظبي
هم البرتش كاونسل..
و كلية طلاب ابوظبي التقنية
انا بالنسبة لي امتحنت في كلية الشباب.. لاني لقيت حجز اسرع,,,, البرتش كاونسل بسرعه يخلص حجز المواعيد..
مممم شو بعد
الاسعار 850 عامتحان
و في نوعين امتحان جنرال و اكاديميك…
اكاديميك مطلوب للدراسة اذا بتكملين دراستج او تبين تشتغلين مدرسة
و الجنرال للهجرة و الشغل…
اتمنى اكون افدتج..
تحياتي
انا بعد سمعت انه مختلط
والحين ماترومين اتيبين الشهاده من اي مكان لازم اماكن محدده ولازم تسالين قبل اذا بيقبلون هالشاده من برع ولا لانه صارت معا بنات عدنا يوم يايبن الشهاده قالولهن خلاااص غيرنا النظام ومايصير من برع اتييبينها لازم من الكولج نفسها بس عقب قبلوها بس اتاكدي ترى حرام تتعبين واخر شي مايقبلونها لج
بنات إلي ما تبا مكان مختلط تروح جامعة بوظبي لطالبات انا رحت بس امتحنت بعدني ويعطونج دوره إذا كان مستواج نازل إذا تبين من مش إجباري والامتحان هو نفسه إلي في برتش كونسل
السلام عليكم أخواتي .. بغيت استفسر عن مواعيد امتحانات الIELTS في كلية التقنية العليا براس الخيمه .. وكيف اقدر أحجز عندهم .. اذا حد عنه خلفية ممكن تفيدوني…….
السلاام عليكم
دشي هالموقع http://www.ielts.org/
واختاري من لست اي دولة تريدينها وبتطلع مواقيت الاختبارات
بالتووفيق لج
دعاتج لي
السلام عليكم والرحمه
بس بغيت منكم مساعده ابا نماذج حق امتحان الايلس جينرال بليييز امتحاني الشهر الياي وابا ادرب عطووني اسهل طرق اني اجتاز الامتحان
والسموحه منكم
الــســلام عليكــم
أنقل لكم بعض المواقع التي تخصص بامتحان الــ IELTS
IELTS On-line Practice Materials
وبالتوفيق للجميع ان شاء الله
..
للرفع
http://elc.polyu.edu.hk/ielts/
إن شالله يفيدج
ابا شي ايفيدني في اللسننج والريدنج
ولو شي كلمات ممكن اتساعدني في الامتحان
ويزاكم الله خير
مساء الغلا وحفظ الرب
مساء السعد وعطر الورد
مساء الماس لأحلى ناس
الغاليات بغيت أسال في امتحان الـ IELTS
انا مسجلة فتقنية دبي بتاريخ 4-2-
اللحين الـ SPEAKING بيكون مع البقية فنفس اليوم ولا قبله بيوم ؟
اتصلت بس محد يرد ..
اللي عندها خلفية في الموضوع ترد ..
THANKS ^^
الغلا على حسب بيطرشون لج مسج يحدد الوقت بالضبط وبعد ايميل
البنات سيفيدوج ان شاء الله
الغاليات عندي امتحان تاريخ 20 مارس بس مش عارفة كيف نموذج الامتحان
أو شو الكتب إلي ممكن أذاكر منه
دخيلكم طالبه فزعتكم
انا بعد امتحاني 20/3 في بوظبي
وماعرف شي عن الامتحان
بس ان شالله البنات يساعدونا
نبا مواااااقع توب
مب كتب
الغالية أي شي بس المهم يكون يفيدنا
حبيبتي أنا امتحاني في دبي
لـلـــرفــــع
وانا بعد عندي امتحان بنفس هالتااااااااااااااريخ
اهىء والله خايفة واحااااااتي واااااااااايد
لاز ايب خمس وتدريباتي كلها زفت
ادعوووووووووووووووووووووووولي .. اللي عندها اي شي يساعد تحطه اهني وانا بدش بنزل لكم مواقع
انا امتحنت 12 12
وبعيد الامتحان الحين بعد فشهر 4 ..
علامتي اوكي .. بس في الريدنق رسووب ><
ابغي براكتس للريدنق
فدييييييييييييييييتكم لا تحاااتون
الامتحان سهل وايد
استمااع
وكتابة
وقراءة
محادثة
في مواضيع ف المنتدى الخواات منزلينهاا
انا استفدت منهاا وايد
الله يوفقكم ان شالله
بنات شورااايكم نستفيد من خبرات اللي امتحنوا الايلتس ^____^
يعني .. شو نصايحكم للمقبلات عـ الامتــحان ( الرايتنج – الريدنج – الليسننج – السبيكنج )
يعني شو انركز فيه اكثر كيف نقدر نتحكم بالوقت وكل امتحان نحله بوقته ؟
ان شاء الله الموضوع يفيدنا ويفيد كل وحده بتمتحن
يلاااااااااا نبا نشوف ردودكن بنات
المشاركة الأصلية كتبت بواسطة وين انت ؟ 
بنات شورااايكم نستفيد من خبرات اللي امتحنوا الايلتس ^____^
يعني .. شو نصايحكم للمقبلات عـ الامتــحان ( الرايتنج – الريدنج – الليسننج – السبيكنج )
يعني شو انركز فيه اكثر كيف نقدر نتحكم بالوقت وكل امتحان نحله بوقته ؟
ان شاء الله الموضوع يفيدنا ويفيد كل وحده بتمتحن
يلاااااااااا نبا نشوف ردودكن بنات
اليوم امتحنت الايلتس بس كان الامتحان سسسسسسسسم خص listening
طبعا في reading
مدته ساعه بس حاولي تخصصين كل سكشن 20 دقيقة مع انه ما يكفي و المدرسه قالت لنا حاولوا تركزون في السكشن 1 و 2 لانهم اسهل من 3 و اذا وصلتوا سكشن 3 و ما عنكم وقت و اذا في اسئلة عن صح و غلط حطوا كل صح
و امتحان writing
مدته ساعه بعد بس من الافضل تبدين من التااااسك 2 و عقب تااااااسك 1 لان 2 يحسبون عليه اكثر
و speaking
حاولوا تتدربون عليه و يوم يسالوكم حتى لو ما عرفتوا اجابته قولو اي شي بس اهم شي ترمسون
و نتايجنا بعد اسبوعين خخخخ
الله يعين
تسلمييييين الغلا ع الرد……………………….
وينكن بناااااااااااااااات؟؟.؟
للرفع..
انا عندي امتحان سبيكنج يوم السبت..
دعوواااتكم لي
موفقه اختي ان شاء الله
وين الردوووود؟؟؟؟؟؟
انا امتحنت واتريا النتايج ..
بالنسبة لي اصعب شي الريدينج ..
وعن طريقتي انا اول شي امر ع المواضيع ع السريع ، وبعدين اقرا الاسئلة
واحدد الكلمات المهمة او اترجم ع السريع .. وبعدين اقرا ..
بيكون عندج 3 مواضيع .. انتي مري مرور الكرام ع كل موضوع وشوفي
شو اللي تحسينه صعب .. خليه لآخر شي .. والاثنين اللي تحسينهم اوك ..
ابتدي فيهم ومن هالاثنين اختاري بعد احسن واحد وشوي ركزي عليه ..
هم يقولون كل موضوع حطيله 20 دقيقة بس انا مااقدر اسوي هالشي ..
يوم امتحنت ركزت ع الموضوع الاول لاني مريت ع كل المواضيع وشفت
انه اول موضوع اسهل شي بالنسبة لي فتميت عليه اكثر شي .. وحليته
عطيته اكثر وقت .. اممممم وبالنسبة للموضوع الثاني بعد عطيته وقت طويل ..
بس اقل عن الاول لانه اصعب شوي .. اما الثالث حدث ولا حرج خخخخخخخ
حظ ونصيب لانه ماشي وقت وكان صعب يوم قريته .. الله يستر ههههه
بس الحمدلله انه كله اختيارات وجذه يعني يمكن الحظ بيلعب دور بالموضوع خخخ ..
السبيكينج
اهم شي حبيبتي تتكلمين ولا تسكتين .. الفي تأليف المهم تتكلمين ..
ولا تكررين كلمة اممممممممممم >> قولي بداله will
ترا هالكلمة وايد نكررها يوم بنبتدي نفكر بالجملة الياية ..
وبعد شوووو ، هيه اتذكرت ياويلج لو قلتي كلمات عربية خخخ عندج هالامثلة
مثل ، يعني ، مثلا ، والله ..
احس السبيكينج موضوعه سهل ويقولون هو اللي يرفعج .. وبسرعة تحصلين
فيه درجات .. ^^
الليسينيج
سهل بس ركزي فيه .. بيعطونج وقت تقرين فيهم الاسئلة
اقري ولا تضيعين وقتج .. وحطي خط تحت الاشيا المطلوبة .
وركزي عدل .. وبتضمنين درجات في الليسينج بكل سهولة
الرايتيج
تاسك ون .. لازم تدربين ع الديسكريبشن عدل .. وانتي وحظج يا اييبولج
لاين جراف او بار جراف او باي جارت .. وهذا عليه 20 %
وله تكنينك معين .. يعني اول شي برافريس للتايتل وبعدين تشوفين السوالف الثانية
ماادري اذا انتي بالكلية واللا ناوية تدخلين .. الجامعة ولازم تمتحنين
يعني دخلتي معهد ادربتي ع الامتحانات واللا لا .. امممم ماادري كيف وضعج ..
خبريني عشان اساعدج اكثر^^ ..
وتاسك تو اهم من تاسك ون ، بتقولين ليش لانه عليه 40 % .
وهو سهل يعني يكون رايتنج عادي عن موضوع معين .. اول شي الانتروداكشن
وبعدين 3 براجرافز او اكثر وآخر شي الكونكلوشين مااعرف كيف يكتبونه خخخخخ
لازم تقرين المطلوب وتجاوبين ع كل شي .. يعني مثلا يسألونج عن رايج . ويكتبون لج
شو الريزينس ، وبعدين يقولون عطينا اكزامبلز .. وانتي لازم تجاوبين ع السؤال كله
احسن لج لانه بيزيد لج الافكار وجذه ..
هيه وفي نقطة مهمة لاتنسين تحسبين كم كلمة كتبتي .. مثلا تاسك ون 150 كلمة ..
وتاسك تو 250 كلمة .. حاول ماتنقصين لاني اذكر المس قالت اذا نقصتي بعدد الكلمات
بتنقصين باند كامل اتخيلي ..
امممممم .. هذا اللي يا ع بالي اذا تبين اي مساعدة انا بالخدمة حبيبتي ..
ولا تنسين تدعيلي انجح واييب باند 6 وفوق مابا اقل >> طماعة ..
والله يستر ماادري متى النتايج خخخ ..
وبالتوفيج ^^ ..
ما عليج لا تخافين الايلس سهل بس ركزي في الريدنج اكثر وحاولي انج ما تقرين كل شي بس دوري على kay words وان شاء الله اتييبين البند اللي تبيه .. وبالتوفيج
الغاليات تعرفن مكان أقدر آخذ الدورة و أمتحن فيه IELTS لني الصراحة ما أعرف وين أروح
الملتقى فل و لازم أتريا لين السنة الياية
يا ليت تساعدوني
عندج جامعه الشباب الي هي المعهد الاسلامي
السلام عليكم ورحمة الله وبركاته
كيف حالكن بناات
بليييييز اللي تعرف مواقع اقدر امتحن عمري واحدد مستواي لامتحان الايلس ماباقي شي عالامتحااان (شهر بس ) 
يعطييكن االعااافيه وف ميزان حسنااااتكن
ردن عليه ضروووري
حبيبتي شوفي في قوقل بتحصلين واااايد
مشكوره يالغلا وماقصرتي
للرفع
السلام عليكم بنات
زوجي حاب يكمل دراسته وياخذ الماجستير
وطلبوا عليه لازم تكون عنده شهادةIeLTs ولازم اييب 5.5
علشان ينجح
ولظروفه الصحيه ما يقدر يحظر الحصص فالمعهد >>> ادعوله الله يعافيه
بغيت اسالكم يقدر ياخذ الكتب ويدرس فالبيت ويمتحن فالمعهد
وهل صعب بيكون عليه والا عادي
وممكن تقولولي اسامي معاهد فالعين يقدر يمتحن
وسلامتكم
مرحبا الغاليه
الله يعافيه ويشافيه ويبعد عنه كل شر ان شاء الله
الغاليه اهم شي تكون لغته ممتازه .. وثاني شي عادي ياخذ الكتب ويدرس فالبيت
ويشوف انظمة الاكتحان ويدرس عالنت .. واذا عنده ربع اجانب عالنت والا فالدوام يحاول يرمس وياهم
في بعض المواضيع اللي تخص الامتحان .. هذا بيفيده فالسبيكنغ ..
وعن الامتحان الافضل انه ياخذه فالمجلس البريطاني او كليات التقنيه العليا .. ولا ياخذه من المعاهد
لانه اغلب المعاهد هب معترف فيها الشهاده عندهم ..
وان شاء الله من اول امتحان بينجح وبييب ال5.5 واذا لا سمح الله ما يابها من اول مره .. بيكون الامتحان الاول
كخبره له … وفالثاني اكيد بينجح ^_^
والكتب الممتازه بيحصلها فمكتبة جرير ..والنت بعد وايد مهم لكسب الخبره
الامتحان هب وايد صعب بس يباله تركيز وسرعة بديهه
والله يوفقه ان شاء الله
واي استفسار انا حاضره
يالغلا…
الله يعطيه العافية…
عن الامتحان.. اهم شيء القراءة صدقني.. خليه يقرا وااايد وااايد ويتعلم كلمات مفيدة..
احس النت واايد فيه دورس مهمة واوكي.. والكتب بعد اوكي..
بالصراحة انا اقول لج.. اذا زكز ان شاء الله بيحصل على 7مب 5.5 …
اهم شيء القراءة…
السموحة
السلام عليكم
اول شي يقوم ريلج بالسلامه ان شاءالله
ثاني شي انا صارلي ثلاث مرات اكتب الموضوع وتتسكر الصفحه مادري شفيها :@
المهم بختصر لاني عيزت وانا اكتب
اول شي لازم يسجل عشان ياخذ الامتحان من المعهد البريطاني لاني سمعت انه الشهاده الوحيده المعترف فيها
الي انا امتحنت فيه في بوظبثي واظن ماشي منه فالعين لا ياخذ الامتحان من معاهد لانه ماظن معترف فيها
وانا خذت الايلس من اول مره يبت 6 مع اني ميح فالانجليزي و امتحنت التوفل 5 مرات بس مايبت درجة الـ 500
درست الايلس فالمعهد البريطاني ننفسه لكن ماستفدت منه غير اني عرفت شكل االمتحان كيف
اهم شي انه يكون داخل الامتحان يعرف انه الامتحان ينقسم لـ 4 اقسام
يكون على يومين مختلفين ويمكن يكون بين هاليومين اسبوع تقريبا
اول شي يكون امتحان السبيجنج ( التحدث ) طبعا كل الموضوع ربع ساعه
بيدخل بيكون في وحده ولا واحد اجنبي بيساله اساله يجاوب عليها عشان يشوفون طلاقته باللغه الانجليزيه وهل يتردد يوم يتكلم ولا لا ( وخليييه يركز فالسبيكنج لانه ممكن ياخذ درجات عالية ويعوض اذا نزل في اي شي ثاني لانه سهل )
وبعدين بتقوله الحرمة اسم موضوع وبتقوله بعطيك من ددقيقه لدقيقتين تتكلم في هالموضوع وبتعطيه ورقه وقلم عشان يكتب رؤوس اقلام يذكر عن شو بيتكلم يعني الورقه بتكون جدامه وهو يتكلم مثلا بخبرج شو عطوني
انا سالتي الحرمه شو اخر مناسبه احتفلتي فيها مع اهلج
طبعا الي جدامج ماتعرف شي عنج فعادي لو اتالفين عليها قصص عشان الوقت لانه لازم يتكلم دقيقتين
وانا بديت الموضوع انه من يومين كان عندنا عيد ميلاد ولد اخوي وكل العايله اتيمعت واهلي من زمان ماشفتهم والعيد ميلاد شفتهم واتكلمت في تفاصيل صغير (لا طبعا ولا شي من ها استوا بس انا كتبت جي رؤووس اقلام واتكلمت في هالموضوع وزدت كلام من عندي وتفاصيل سخيفه لانه لازم اتكلم دقيقتين بدون توقف لين هي تسكتني )
عقب هالدقيقتين بترجع تسال كمن سؤال
واهم شي لازم لازم لازم ان سالته سؤال ومافهم مايقولها مافهمت السؤال لانه ها ينقصه من الدرجات اذا مافهم السؤال يقولها ماسمعت زين ممكن تعيدينه وهي بتعيده وهالشي بيخلييه يفكر بالاجابه اكثر حتى لو فهم بس يبا وقت يفكر يقولها ماسمعت وهي بتعيد السؤال نفسه لو قالها مافهمت هي بتعيد السؤال نفسه مابتغير فيه شي وبتنقصه وبس
وها كله بيكون مسجل في مسجل بينه وبينها وكل شي بيتسجل
وخل يدرب قبل الاسبيكنج عشان يكون عنده طلاقه فاللللغه ويرفع الدرجه
يتبع
اختي في معهد فالعين ما اذكر اسمه بس هو ورا كارفور واحد من اهلي راح عنده ودرس ونجح الحمدلله رغم انه كم من مره ما نجح فيه وكان يدرس في معاهد ثانيه والحمدلله ربي وفقة يوم راح عند هالمعهد ….. شي اسمه ICT شي جي
والامتحان سهل انشاء الله وربي يقومه بالسلامه انشاء الله…..
ثاني جزء الي يكون الاسبوع الي عقبه بيكون الامتحان من ثلاث اقسام واهم شي في هالامتحان يكون مسيطر عالوقت
اول شي اللسننج
راح يكون يسمع شي وجدامه ورقه كلها اسأله وهو يملي الفراغات
واهم شي يعرفه فالسنج السبنج ( الاملاء يكون صح ) والحروف يوم تنكتب كبيرة ولا صغيره مثلا اسم الشهر
ماينكتب جي june
لانه بيعطونه صفر
لازم يكتبها جي June
ونفس الشي للايام والأسامي
والشي السهل الي يكون على استعداد فيه
هو
يعرف طريقة كتابة
اسامي الأشهر الأيام وبعد الكلمات البيسك السهله
ممممممممم شو بعد
هيه مثلا ممكن ايبلوه ورقه يعبي بيانات ويكون يسمع مثلا اتصال بين اثنين واحد متصل في الثاني وياخذ منه بيانات وارقام يعني فراغات ويمليها
الاسم
وين ساكن
كم رقم البيت
رقم الشارع
رقم الحساب
اي بنك
.. الخ … مب كلها يعبيها البعض منها والبعض منها مكتوبه
كبعا الارقام تنكتب ارقام بس مايكون ناقص رقم
وثاني شي ممكن ايبونه فاللسنج وها صعب شوي
جدول ويعبي البيانات ( وعلى سبيل المثال من الي انا يابولي ايااه .. جدول كيره وفيه فراغات ولازم اركز فاللسنج لانها تعطي مواصفات كل غرفه من غرف الجامعه يعني ومع الاسعار مع الاشيا المتوفره ومن هالاشيااء )
وها الللسنج
وبعدين القسم الي عقب بيكون
الريدنج
ايبون فقرات ولازم يجاب على اساله واهني لازم يتلاحق على الوقت
انا بديت من اخر فقره لاول فقره بالعكس اتوقعت انه يكون اسهل جي بس انا سويت جي مع انهم كلهم صعبات
وهو ان ماعرف جواب يشوف الكلمه ويدور كلمة متشابه فالفقره
والاسئله اتيي مرتبه ( يعني مثلا السؤال الثاني اذا جاوبه من الفقره من السطر الـ 5 مثلا يعني اجابة السؤال الثالث اتيي من عقب السطر الـ 5 ما يقرا من قبل )
واهني بيضيع منه وقت لانه شوي فقراتهم صعبه
ثلاث شي ريدنج
وها يعتمد هل ريلج بيمتحن امتحان اكادمك ولا جينيرال
وانا امتحنت اكادمك يعني اذا بيمتحن نفس امتحاني ممكن اقوله شو ياني
وكل شي موجود فالكتب والكتب يبيعونها في اي مكان والرايتنج بالذات انا كنت ادرسه من النت يعني اذا هو اكادمك بعطيج المواقع اليي كنت ادرس منها وبعطيج الجدول الي سويتله لنفسي وسهل علي وايد ^_^
وان شاءاللله اكون فدتج
والله يقوملج اياه بالسلامه ويوفقه فالامتحان
اذا في اي سؤال انا حاظره بس يمكن ماعرف ارجع لهالموضوع راسليني عالخاص اذا عندج اي سؤال ^_^