الوسم: المجلة

طبعا أنا مب منتظمة في الخياطة بس متى ما دق في راسي خذت القطعة وما أهدها إلا يوم أخلصها.وهذي بعض الأشياء الي خلصتها.
خذت هذي المجلة اليابانية من دبي مول … عندهم في المكتبة اليابانية مجموعة حلوة من مجلات الخياطة مع بتروناتها… طبعا ما أعرف ياباني بس أقارن رقم الموديل مع الصورة وكل موديل فيه شرح مبسط وتشريح أجزاء البترون … وإنشاء تعجبكم.

وهذا موديل قبعة الطبخ مع المريول وبنتي كانت مصرة على هذا الموديل.

تشريح الموديل وفيه القياسات حسب الطول

وهذا البترون وبتحصلين الموديل ورقم تشريح البترون …. يعني كل موديل مكتوب رقمه على أطراف البترون.

القبعة مطبوعة على البترون باللون الوردي للسهولة

هذا عقب ما شفيت البترون وحطيته على القماش وقصيته

في علامات على البترون إتحدد مكان الشسفات فتقدرين إتحطين دبابيس أو تشسفين وإنتي تخيطيين

وهذا باترون دائر القبعة وفيه مكان اللزقات

وبعد ما تقصينها تحطين عليها ورق الفازلين المقوى وتكوينها

وبعد ما نشبك القبعة مع الدائر نحط اللزقات ونخيطهن

وهذي القبعة عقب ما جهزت

وهذا فستان ثاني بس ما صورت الخطوات

وهذا الإسكارف من قريب

بعدين ركبت الرقبة

وداير الفستان من أسفل بالدبابيس

بعدين خيطته من داخل ومن فوق عشان يترتب

وهذا شكله من جدام

ومن ورا