الوسم: العـــيون

هذي طريقة تريح العيون وتخلي عيونك تلمع وكلها حيوية

سوي الخلطة التاليه:

اغلي شاي ورق (بدون سكر) …

ضعيه في الفريزر لحد ماتثلج الطبقه الي فوق….

اللي جوه( يعني تحت ) مايكون متجمد …

اضيفي ماء الورد .. مو بارد ولا حار ..

ولا حتى دافي لانه يخثر الورقة .. بل عادي الحرارة

أخذي قطنه وبلليها وحطيها على عيونك..

ومو مكشلة اذا دخل قطرات منه داخل العين .. لانه يعتبر مصفي ..

استرخي شوي وكل مرة كرري العمليه لحد ماتحسين ان عيونك ارتاحت

وروحي شوفي عيونك بالمرايه

تلمع وكلها حيويه

كل ما حسيتي انو عينج تعبانة وتوجعج او حتى حمرا .. سويها ..

وآني انصح انو اول ما تقعدين الصبح تسوين ..

وثاني يوم بالليل … يعني بالتبادل … ( يوم صبح ويوم بالليل )…

***************

ملاحظه:

الشاي بعد تثليجه يكون لونه كأن معاه حليب عادي لاتخافين…

شي عادي .. تغير لونها بسبب البرودة ..

استخدميها بالايام العادية .. لانها تضفي على وجهج حيوية واشراقة ..

وتذكرون المرة الماضية لمن اعطيتكم معلومات عن غسل الوجه بالشاي ..

وعده فوائد يضفيه للوجه .. فهذي ايضا فالطريقتان اذا اجتمعوا

تعطي تجعل الوجه كله اشراقة مميزة وهي طريقة طبيعية فما نخاف منها ..

واذا صارت لك مناسبة .. استعمليها قبل فترة مثل 4 ساعات حتى لا تختلط ويا الكحلة