الوسم: الدرجه

ترجمه من الدرجه الاولى

واحد تعلم انجليزي و جلس يترجم لصاحبه بعض المصطلحات من العربية الى الانجليزية
( انشاءالله ماتكون ه)

أنا أدفع الحساب = ‎I push the mathematics

السلطة المطلقة = ‎ Divorced salad

جوز هند = ‎ Hinds Husband

جوزين جوارب= ‎ Two husbands of socks

حقك علي = ‎ Your price on me

خطر على بالي = ‎ Danger on my mind

خليها على حسابي = ‎ Keep it on my mathematics

دستور يا أهل الدار = ‎ Constitution home parents

راحت عليك = ‎ She went on you

سعيد كتب كتابه على فيفي = ‎ Happy wrote his book on In In

ظروف قاهرة= ‎ Cairo envelopes

قدر ظروفي = ‎ Evaluate my envelopes

كفيل = ‎ Like an elephant

لا يمت لي بصلة = ‎He does not die to me an onion

لم أهرب قط =‎ I never escaped a cat

معمول بالجوز= ‎ Made in husband

مكتب المراجعات = ‎ Vomit office

يتقبل = ‎ To be kissed

يستر على عرضك = ‎ Cover on your wide

ههههههههههههههههههههههههه

تسلمين اختي ……… هذي الترجمة والا بلا

تحياتي
كلـ دلع ـي

ههههههههههههههههههههه

تسلمين عالطرح الغاليه…..

hahahahahahhaha
thanx alote
أبدعتي بالترجمة..

تسلمين..

.. حـ الإمارات ـلا ..

موفقة ظحكتيني

الله يسعدك مدام وليد

هههههههههههههههه

و الله حلوة يسلموووو

Task 1 خطوه بخطوه و اضمن الدرجه بجيبك الجزء الثاني ^^

موضوع مفيد جدا حبيت أنقله لكم للإفادة .. وهو من تعب وجهد الأخت MiSs_Dr
اذا حبيتوا تنقلوه ياليت تذكرون اسمها ( للأمانه ) وبارك الله فيكم

Writing Task1

مطلووب هنا انكم تكتبوا 150 كلمه لمده 20 دقيقه ..

و لمن يرد طريقه شرح Writing Task2 بالتفصيل الممل ..

سيجده هنــــا ^^
http://forum.uaewomen.net/showthread.php?t=738584

بسم الله نبدأ

1) اول شي لازم نعرفه ان هناك اربع اشكال للرسومات البيانيه ..

الاعمده Bar chart
الخطوط Line graph
الدائره Pie chart
الجدول Table

2) طريقه الامتحان ..

مستحيل يجيبوا لكم رسمه وحده ..
يعني لازم تكون اثنين و نادراً لما يجيبوا ثلاثه ..
احياناً يكونوا اثنين مختلفين يعني ممكن يجيبوا الخطوط + الاعمده أو الاعمده + الدائره وهكذا
و احياناً اخرى يجيبوا اثنين زي بعض ..

بس حطوا ببالكم لازم تكوون هنااك علاااقه بينهم ..

اووكي

3) اول ما نشوف الموضووع نعرف انه لازم نكتب اربعه اجزاء رئيسيه يتكون منها الموضوع ككل ..

ا) المقدمه
ب) نظره عامة و شاملة
ج) الموضوع
د) الخاتمة

& المقدمه

1) طريقتها وااحده في جميع الانواع ..
2) يجب ان نكتب فيها كل شي موجود في الرسمه .. و لو كانت رسمتين نكتب ماا تحتويه الرسمتين ..

الان ما يجب كتابته ..

أ) لو كان عندنا الرسمتين زي بعض ..
مثال : عندنا إثنين Bar chart او اثنين Line graph

نبدأ هكذا ..
The two line graphs ( show , illustrate , provide ) information about …………

في الفراغ نكتب ما نجده فوق على الرسمتين و ندمجهم و نحاول نجعلها جمله مرتبه و واضحه ..

ب) لو كانت الرسمتين مختلفتين ..نفس الشي بس ما نحدد نوع الجراف ..
بمعنى لو جابوا لي bar + pie
اكتب ..

The two graphs ( show , illustrate , provide ) information about …………

بس المقصود هنا تحديد النوع لا أكثر ..

× × × × × × × ×× × ××

& النظره العامه

هذه مهمه جداً .. المقصود هنا تذكر مختصر عما تراه في الرسم البياني .. يعني لو كان في زياده او نقصان تذكره هنا بطريقه سريعه بدون الوقوف عليها .. انا هنا ما ابغاكم تكتبوا إلا سطر و نص او سطرين بالكثيـــر عشان تترك لك مجال بعدين تكتب و تتبحر بالموضوع ..

لازم تكتبوا هذه الكلمه ..

Overall , the

يتبــــع

& الموضوع ..

لما يكون عندنا رسمتين هينقسم الموضوع إلى جزئين الرسمه الاولى ، الرسمه الثانيه ..

الرسمه الاولى :

نتكلم عنها و نبدأ عادة لو كانت ( اعمده او خطوط ) بـ At the beginning the
اما هذه عامه للجميع ………………………. At the first we can see

و نتكلم عن ما توضحه الرسمه ..

* نبدا من البدايه و نشرح إذا كان في زياده او نقصان او في تذبذب في الرسمه و طبعاً لازم نذكر النسبه او الارقام إذا كانت موجوده لأنه ذكر الارقام و النسبه مهم جداً ..
* لا تكرر الكلمات المستخدمه و هوضح ماهي الكلمات ..
* اذا كانوا يتكلموا على فتره ماضيه يعني قديماً .. كل الكلمات إلي لازم تستخدمها لازم تكوون ماضي يعني تقلب الموضوع ماضي مثال : is ….. was \ play ….. played
و هكذا ..

الرسمه الثانيه :

اكتب فيها زي ما كتبت بالمقدمه ..
و تكتب فقط ما يوجد في الرسمه الثانيه و لا تنسوا تكتبوها بطريقه مرتبه و حاولوا تستخدموا كلمات اخرى لها نفس المعنى .

The second graph ( shows , illustrates , provides ) information about …………
The second chart ( shows , illustrates , provides ) information about …………

× × × × × × × ×

& الخاتمه

نوجد علاقه بين الرسمتين ، او نذكر انه الزياده او النقصان سيستمران ، او تذكر شي مميز حدث ..To sum up , …………………………………………..

ممكن تقولوا توجد علاقه طرديه بين ….. و …….
To sum up , there is a positive correlation between ……. and …………أ

و توجد علاقه عكسيه بين ……. و …….
To sum up, there is a negative correlation between ……. and …………

كذا نكون خلصنا شرح IELTS writing Task1

كلمااات مهمه جداً جداً جداً تستخدم في الموضوووووع

كلمات مهمه يجب استخدامها ..

Line graph

* اثناء زياده عاديه الخطوط ..
Increase / increased
Grow / grew
Rise / rose
Rise slightly / rose slightly

* زياده قويه جداً في فتره قصيره ..
Sharp increase / Sharp increased
Double / Doubled
Soar
Huge increase / Huge increased
Rise sharply / rose sharply
Recover strongly – slightly

* اثناء النقصان + النقصان القوي ..
Fell / fall
Drop / dropped
Decrease / decreased
Decline / declined

* عندما يبقى على نفس المستوى و لا يزيد و لا ينقص
Remain steady

* لو تغير تغير طفيف جداً
Barely change

* نظره عامه للرسم البياني إذا كان فيه تقلبات و عدم انتظام نكتب هذه الكلمه ..
Fluctuate

* كلمات نستخدمها بين كل جمله و جمله ..
Then
After that
Also
For example
According

*كلمات عندما يكون هناك مقارنه بين شيئين ..
While
However
On the other hand
Although
By contrast

*كلمات لو ابغى اقول وصل لنسبه هذه تقريباً يعني قبل ذكر الرقم
Around
Reach / reached
Approximately

ملاحظه : إلي باللون الاخضر هذه لما تيجوا تستخدموها بالماضي يعني لو كانت فتره ماضيه و زمان ..

Bar chart
Pie chart
Table

الكلمات المستخدمه هنا عاده تكون واحده وقريبه من بعضها ..

اهم شي نبدأ بالأعلى نسب … الاقل…. المتساوي

* الكلمات المستخدمه في الاعلى ..
The most
Most of
More than
Majority
The highest
More ….. prefer …. than …..

* في الاقل The least
Less
Minority
The lowest
Fewest
Fewer than
Less than

* المتساوي
A similar number of …
As many …. as ….

ملاحظات :

# لا تنسووووووووا ترك سطر بين براجراف و براجراف عشان الموضووع يكوون مرتب ^^

# ايه كمان لا تنسووا بدايه كل براجراف اترك مقدار كلمه او كلمتين هذا مهم و عليه برضوا درجات .

# اهم شي انكم تتطلعوا و تشوفوا نماذج و تحلوا عليها نفس الاسلوب هذا عشان تتقنوها ..

http://www.ielts-exam.net/index.php?…tpage&Itemid=1

هذا موقع مرره حلووو و مهم ..
طبعاً الناس إلي حلوا هنا كل واحد وله اسلوبه ..
انتوا فقط ما عليكم إلا تشوفوا طريقه الامتحان و تبدأوا تحلوا و تشوفوا الحل الموجود ..

و تطلعوا لو فيه شي مميز استخدم كلمه جديده ما تعرفوها عشان هذا الشي يزيد من مستوى الكلمات إلي عندكم ..

ولا تنسون تدعولي انجح في امتحان الايلس القادم

وموفقين يارب

قلبي يقرقع من الخؤؤف

يؤم السسبت آمتحآني

آلله يعين بس .~

يزآج الله خير اختي ع الطرح المفيد

وان شاء الله تنجحين فـ آمتحآنج وآتييبين الـ 7

موفقه =)

بالتوفيييييييييييييييييج اختييييييييييي

الشهاده والدرجه الوظيفيه !

السلام عليكم

بنات انا قدمت على وظيفه حاطين ثانويه كحد ادنى وانا جامعيه قلت علو عسى اتعين حتى ولو الراتب راتب ثانويه وبيعدلون وضعي عقب فتره مع ان الجهه مرموقه تدفع للجامعين راتب قوي بس مافي شواغر تناسبني عندهم والجهه مب ف امارتي يعني مواصلات ومصاريف اكثر بس بنفس الوقت مليت صارلي سنين ادور وظيفه تناسبني

لما اتصلت فيني سالتها انا جامعيه شو الوضع؟ قالت مادري وووو الراتب كذا وفي تدريب والخ من كلامها حسيت انهم ما بيحطوني عالرابعه مافي استثناء بس قلت بروح بجرب شو وراي، المهم سرت وسويت المقابله الاولى وباجي الثانيه وماتكلمنا ف موضوع الشهاده والدرجه ، محتاره مب عارفه شو اسوي هل ارضى فيها والا ارفض، اخاف اتعين ومايعدلون وضعي لسنين واندم وبنفس الوقت اقول برضى ومع الشهور بيعدلون ولا اضيع فرصه

محتاره شرايكم ؟ هل اقبل بدرجه اقل واتم مقهوره والا ارفض !

عادي مايعدلون وضعج مستقبلا

استخيري اختي

أستخيري ومهما كان سوف تستفيدي خبرة

والخبرة مطلوبة وأشوفها أهم من الشهادات ما أكثر الموظفين ولا يشتغلون بتخصصاتهم

اختي حسب راحتك

هذا الموضوع من زمان موضوع الشهاده الجامعيه والوظيفه والمستوى

الخبره في العمل هي اهم من الشهاده، الشهاده جواز دخول بس للوظيفه

العقل بيقول انك تجربين بدل قعدت البيت وعلى فكره اي عمل صعب وفي طلاب عندهم بس شهادة ثانوية بس جداً ممتازين في العمل يتفوقون على الجامعي

عشان بيئة العمل جداً عمليه وتحتاج شخصيه اكثر من عقليه وبس ماعدا طبعاً التخصصات التقنية والطب وغيره لازم جامعه

ولكن بشكل عام الخبره هي اساس يعني في ناس عندهم شهادات بس اشتغلوا تقريباً كل انواع العمل هههههههه من بيعات ومن خدمة عملاء ومن رد على تلفونات ومن تدريس ومن كل شي

وصار عندهم خبره بالناس وبالاعمال ويعرفون طبيعة شو

وهذا هم الناس المطلوبه اكثر من الناس الحامله بس لشهاده

فانا اختي عندي شهاة في الاي تي نظم المعلومات بكالوريوس بمعدل جيد جداً ولكن خبرتي تقول لي ان الحياه مب بس معدلات وشهاده في اشياء كثيره

وعوامل اخرى سبب لنجاح في العمل ولكن بشكل عام في المؤسسات الحكوميه ياخذون حسب الشهادات والمراتب

ولكن في الخاصه لا

ابتدائي ممكن يكون مدير عليكي عادي هههههههههههه!

فعلى راحتك فكري يالخبره او المستوى!

بس حسب الفرصه المتاحه لك تصرفي

وعلى فكره مرات بيضايقك موضوع المستوى يعني مثلا يكون عندك شهاده تؤهلك لشي اكبر ولكن مثلا تشتغلين استقبال في كثير ناس بيضربون بك المثل

ان كيف هي متعلمه بس استقبال مثلا تشتغل وبعد يمكن مستصعبه!!!!!!!

فانتي حسب احتمالك للمواضيع

مرات في المقابله بيسالونك شو سويتي خلال فترة وجودك في البيت وللاسف بيكون جوابك لا شيء استنى بس فرصه وهذا بعد غلط

بيفكرون ماعندك كثير نشاط يعني مفروض تاخذين في هاي الفتره كثير دورات وغيره في حال تدورين شي على مستواكي

بدل البقاء في البيت ولكن موضوع انك على الاقل حاولتي في وظيفه لو دون المستوى شي مقدر اي ويعلمك شو قدراتك في العمل

بعدين ممكن تستقيلين بحجة انك وجدتي وظيفه اخرى وخلاص واخذتي من عندهم الخبره!

بالتوفيق

المشاركة الأصلية كتبت بواسطة رورو الصغيرة
أستخيري ومهما كان سوف تستفيدي خبرة

والخبرة مطلوبة وأشوفها أهم من الشهادات ما أكثر الموظفين ولا يشتغلون بتخصصاتهم

الخبره مطلوبه صحيح لكن هذا قانون يسري على المؤسسات المحليه بالسلم الوظيفي حتى ولو بدون خبره يتعين الجامعي على ال 4 وبخبره على ال 3

ونفس ماقلت انا ماعندي مانع اتعين براتب ثانوي لكن بنفس الوقت اكد سنين عشان اكون بالدرجه الي انا المفروض اكون فيها اول ما اتعين !

المشاركة الأصلية كتبت بواسطة شعاع امل
اختي حسب راحتك

هذا الموضوع من زمان موضوع الشهاده الجامعيه والوظيفه والمستوى

الخبره في العمل هي اهم من الشهاده، الشهاده جواز دخول بس للوظيفه

العقل بيقول انك تجربين بدل قعدت البيت وعلى فكره اي عمل صعب وفي طلاب عندهم بس شهادة ثانوية بس جداً ممتازين في العمل يتفوقون على الجامعي

عشان بيئة العمل جداً عمليه وتحتاج شخصيه اكثر من عقليه وبس ماعدا طبعاً التخصصات التقنية والطب وغيره لازم جامعه

ولكن بشكل عام الخبره هي اساس يعني في ناس عندهم شهادات بس اشتغلوا تقريباً كل انواع العمل هههههههه من بيعات ومن خدمة عملاء ومن رد على تلفونات ومن تدريس ومن كل شي

وصار عندهم خبره بالناس وبالاعمال ويعرفون طبيعة شو

وهذا هم الناس المطلوبه اكثر من الناس الحامله بس لشهاده

فانا اختي عندي شهاة في الاي تي نظم المعلومات بكالوريوس بمعدل جيد جداً ولكن خبرتي تقول لي ان الحياه مب بس معدلات وشهاده في اشياء كثيره

وعوامل اخرى سبب لنجاح في العمل ولكن بشكل عام في المؤسسات الحكوميه ياخذون حسب الشهادات والمراتب

ولكن في الخاصه لا

ابتدائي ممكن يكون مدير عليكي عادي هههههههههههه!

فعلى راحتك فكري يالخبره او المستوى!

بس حسب الفرصه المتاحه لك تصرفي

وعلى فكره مرات بيضايقك موضوع المستوى يعني مثلا يكون عندك شهاده تؤهلك لشي اكبر ولكن مثلا تشتغلين استقبال في كثير ناس بيضربون بك المثل

ان كيف هي متعلمه بس استقبال مثلا تشتغل وبعد يمكن مستصعبه!!!!!!!

فانتي حسب احتمالك للمواضيع

مرات في المقابله بيسالونك شو سويتي خلال فترة وجودك في البيت وللاسف بيكون جوابك لا شيء استنى بس فرصه وهذا بعد غلط

بيفكرون ماعندك كثير نشاط يعني مفروض تاخذين في هاي الفتره كثير دورات وغيره في حال تدورين شي على مستواكي

بدل البقاء في البيت ولكن موضوع انك على الاقل حاولتي في وظيفه لو دون المستوى شي مقدر اي ويعلمك شو قدراتك في العمل

بعدين ممكن تستقيلين بحجة انك وجدتي وظيفه اخرى وخلاص واخذتي من عندهم الخبره!

بالتوفيق

نفس ماقلت هذا قانون يسري وهي شركه محليه .. بغض النظر عن الخبره ولا لا .. مب مشكله نوع الوظيفه المهم انحط عالدرجه الي تعادل الجامعيه ! تلاقين موظفين ف جهات بنفس الوظيفه لكن الراتب يختلف لانهم على درجات مختلفه ..

وهي تتطلب لغه ومؤهلات انا عندي اياها وفيها تدريب الي ماعنده لغه او مؤهلات شخصيه وغيرها وانا عندي كل المطلوب فيها لكن المشكله بالشاغر ولاي مؤهل .. اوقات اقول بتعين شهور وبيعدلون وضعي واوقات اقول ممكن يضحكون عليه وبيسون لي طاف

بستخير والله يكتب الي فيه الخير

ماعليه اختي استخيري ابرك و احسن

معقوله البنات تفتحن لهالدرجه في الدوام؟؟

فيني غصه ..

كل ما افتح تلفون ريلي اشوف الرسايل(عشان اطرش لعمري الرسايل الحلوه..مب عشان اتجسس) اشوف مليون الف رساله وكلها ارقام غريبه يعني هو مو مخزنها.. ولما أساله رقم منو (من باب الفضول وليس الشك),,, يقول لي: شدراني.. يمكن من البنات اللي في الدوام …!!!!!!!!!!
وسألت ربيعتي (زوجها يداوم مع ريلي) .. قالت لي نفس الكلام ..

انها تحصل مسجات من بنات الدوام في تلفون ريلها بس هو مسجل اساميهن..
والمصيبه انها رمست وحده منهن وطلبت منها انها ماتطرش مسجات لريلها وردت عليها البنت (عادي مافيها شي) .. ولا بعد قالت لها انها متزوجه ..وام عيال…
صح ان المسجات مافيها شي… -مثلا مسجات الجمعه .. او اللي يصبحون فيها على بعض.. او للتهنئه بمناسبه وبدون مناسبه -.. بس بصراحه شي يقهر..
والمصيبه ريلي يقول ان اغلبية البنات يطرشن للرياييل اللي يداومون وياهم ..
انا مب شاكه في ريلي والحمدلله ..بس انقهر والله من هالسالفه ..
يعني ريال غريب عنج ومايقرب لج شي.. ليش تطرشين له مسج تهنينه بالعيد ..او تصبحين عليه ؟؟
بتقولون عادي زميل عمل..
اقول لكم لااااااااااا مب عادي ..
المفروض اللي بينهم يكون بس وقت الدوام الرسمي.. اما خارج وقت العمل… ماشي علاقه ..
مادري شو رايكم في الموضوع ..
طبعا انا ما اعمم .. شي بنات محترمات اعمارهن ماشاءالله وماعليهن كلام..
بس انا مقهوره من هذيل اللي فيهن جرأه زايده هالأيام

قصدج مقهوره من اللي فيهن وقاحه زياده هالايااام و ليس جرأه

ان لم تستحي فافعل ما تشاء

كلمة وحده (( قليلااااااااااااااااات أدب لا أكثر و لا أقل )) …

عافانا الله … الصراحة الله يعينا على ها الاشكال !!!!!!!!!

ربي يحفظج ان شاء الله من كل مكروه و سوء … و يحفظ لج ريلج و يحفظ ريلج من كل سوء ان شاء الله ..

دمتي بود

المشاركة الأصلية كتبت بواسطة شوق_العيون
قصدج مقهوره من اللي فيهن وقاحه زياده هالايااام و ليس جرأه

الجرأه في بعض الأحيان مطلوبه..

لكن بين الجرأه والوقاحه شعره..

اذا انقطعت انقلبت الجرأه الى وقاحه

المشاركة الأصلية كتبت بواسطة Briliance
ان لم تستحي فافعل ما تشاء

صدقتي اختي..

وصدق الرسول الكريم عندما قال

( ما كان الفحش في شئ إلا شانه ، ولا كان الحياء في شئ إلا زانه)

الحمد لله ماشي عندنا فالدوام هالشي

لهالدرجه فضح الانسااان صااار سهل ؟؟!!

والله مقهوووورهـ لهالدرجه وصلنا من الاخلاق اللي ماتمد لدين بصله؟؟
لهالدرجه الستر صار شيء مايستاهل الواحد يسووويه واانك تفضح شخص من اسهل الامووور … لهالدرجه صاار تضيع سمعه بنات الناس سهله ..؟؟؟
حتى لو كانت غلطااانه
والله العظيم مقهووورهـ …احنا لووين وصلنا
وهالمووضوع قهرني اكثر

كل وااحد يبى يصير عفريت زمانه وانه اهوو يحمي الامه من االكذابين والدجالين ويشوووف الكل غلط وهووو الصح ..ويضر ناس غافله او يمكن جاهله ان تصرفهااا غلط …
ناس في حالهاا وماضرت حد ولا سووت شيء فجاااه اييهم مضره من شخص يشوف نفسه مصلح اجتماعي واي مصلح اجتماعي الا خراب سمعه المسلمين والبيووووت …

والله قهرر شيء مايرضى الله ورسوووله
يا بنات وهاي موجهه للفئه اللي تشوف عمرها مصلحه وتدافع عن الشعب واهي السبب الاساسي في فساد المجتمع وهتك الستر …
انتبهوووووا انتبهووووااا انتبهووووا …
والله انه الله يمهل لكنه مايهمل ..

ومره قريت قصه وحده اهنيه بروحها قايلتهاااا ..
وانها كانت تفضح البنات وكل شيء وبالاخير هالامر طاااااااح فيهااااا وصااارت اهي اللي يترمسون عنها الناس وندماانه الحين قد شعر راسهاا ..
ترى ربي يشووف عباادهـ وعارف بامووره والله مايغفل عن شيء سبحانه
لكن يهمل عبده ويشووووفه هل بيصلح الاموور ولابيفسدها اكثر
ومن ضيع سمعه انسان ضاعت سمعته وانهكت اعراضــــــه ….
ومن اللي فضح انسان ربي بيفضحه قدام الخلايق كلهاا في الدنيا والاخرررره

انتبهوا يا اخوواني……..

واتمنى ماينحذف الموضووع بسبب الرابط اللي حطيته او يغلق
لاني صج مقهوووووووورهــ من هالتصرفات الصبيانيه وعدم المخافه من الله سبحانه

والسمووحه

آلله يهدينآ ويهدي آلجمييع يآ رب . .

آآآآآآمين ياااارب
وتسلمين حبيبتي

لا حول ولا قوة إلا بالله العلي العظيم

السؤال:
ما حكم من يكتشف شخصاً ما على معصية ويستر عليه ويكتفي بنصحه رجاء صلاحه وهدايته؟ وهل يأثم لأنه لم يدل عليه الجهات المختصة؟

المفتي: عبدالله بن جبرين
الإجابة:

يجوز الستر عليه إذا لم يكن من أهل التهاون بالمعاصي ولم يعرف عنه كثرة اقتراف الذنوب وارتكاب المحرمات، ففي هذه الحالة ينصحه ويخوفه ويحذره من العودة إليها.

أما إن كان صاحب عادة وفسوق، فلا تبرأ ذِمَّته حتى يرفع بأمره إلى من يعاقبه بما ينزجر به.

أما إن كانت المعصية فيها حق لآدمي -كأن يراه يسرق من بيت أو دكان أو رآه يزني بامرأة فلان- فلا يجوز الستر عليه؛ لما فيه من إهدار حق الآدمي، وإفساد فراشه وخيانة المسلم. وكذا لو علم أنه القاتل، أو الجارح لمسلم، فلا يستره ويضيّع حق مسلم؛ بل يشهد عليه عند الجهات بأخذ الحقوق، والله أعلم.

كنـا نتمنـى نشوف عدم تستر في أخطاء ومعاصي كبيييييييرة تستوي وتستاهل ان الإنسان ما يسكت عليها

والتسامح في أشياء يقدر يغيرها الإنسان بالنصيحة والكلام الهادف

مثل المواقف العادية الي تمر على أي انسان في يومـه

مب ضروري كل شي بالقانون وسين وجيم ..

في أسلوب للنصيحـة فعال ويوصل المعلومـة ..

لكن ما نقول غير الله يهدي الجميع ويستر علينا ويهدينـا

الصراااااااااحه اشوووف انها بالغت الاخت فالرابط اللي حطيتيه … شو نحن في اي عصررر عايشييين وشو يخصها فالبنت تقول اللي بتقوله اهم شي مارمست عن هلها عشان تروووح تشتكي جد ناااس في تفكييير حجري ولقافه

وماله داعي تفضح البنت وصدق كلامج اعراض الناس مب لعبه ..

وثانكس عالموضوع

نسأل الله الستر والهداية
بجد زمان يخوف!

لهاي الدرجه البنات مايستحن ؟

السلام عليكم ورحمه الله
بدخل على طول في الموضوع وحده من الربع تحب تكشخ
ماقلنا شي ( الصدمــــــــه الكبيره) ,,
لابسه هلهوب شفاف و قميص صغير و عباه مفتوحــــــــــــــه و تتمشى
شو السالفــــــه يا نااااااااااااااااااااااااااااس …..؟؟؟
والله كان خاطري اصورها واحط صورتها عسب اشوفون المنظر بيعيونكم
وهيه ما شاء الله عليها دبدوبه مب ضعيفه والكــــــل يمشي و يطنز عليهااا
و من غير الهنود يالسين يطالعونهاا ..
يعني كل شي يبين كل شي .؟؟؟؟

اللة يستر علينا

الله يهدييهن ياربي

سبحان الله

ربي ان شاء الله بيهديها

( ولا تهدي من تحب إن الله يهدي من يشاء )

الله كريم الواحد بس يغظ البصر ويدعي لهم

عييل من شوو ريايلنا من قادرين يغضوون البصر .. والله من هالاشكال اللي ما وراها رقاابة \

ربي يهديهن ويصلح بالهن ويرشدهن لعين الصوااب

الله يستر علينا وعلى جميييييع بنااااااات المسلميين

اللـــــــــــــه واكبـــــــــــر عليـــــــــها

الله يهديهاااااااا ويصلح بالهاااا

يابنات ادعولها بالهداية ,,

الله يهداها

ضعف شخصيتي هي مشكلتي وصيااحه بالدرجه الاولى :(

السلام عليكم

اشحالكم بنات انا قبل اسبوع تقريبا نزلت موضوع عن مشكلتي في ضعف شخصيتي وعن خجلي في التحدث مع البنات اللي عندي بالدوام ..وهذا رابط الموضوع
http://forum.uaewomen.net/showthread.php?t=454880

والحمدلله احين صارت علااقتي معاهم طيبه وبديت اندمج معاهم شوي شوي
لكن اليوم صاار لي موقف معاهم والله اني تظاايقت من نفسي فييه واايد

يا خواتي انا مطلقة ..واليوم كنا قااعدين انا والبنات نتريق ونسوولف ونضحك وعقب وحده قالت لي لي
انتي مطلقه صح..ما تحنين للريل؟؟؟
وانا رديت عليها وقلت لها لأأ ويلست اضحك ولكن الدموع يت بعييني

انا تظايقت من اسلووبها بالكلام معاي مع انا ادري بانها ما تقصد شي.. وعقب شليت عمري ورحت بعييد عنهم وانا مب قادره ايود عمري وويهي صار احمر والدموع في عيييني والله اني احااول اشد على رووحي لكن مب قادره ..وبنفس الوقت استحيت من البنات والله من الحركه اللي صاارت بأن عيووني دمعت ..والله ياخوااتي انا اباا اصير قويه ما ابا شي يهزني وما ابا اصييح على اي شي
وما اعرف كيف ارووح باجر الدوام واشووفهم واذا سألتني وحده عن الموقف اللي صار ما عرف بشوو ارد عليهم

والله مظاايجه

عادي غناتي قوليلهم انا طبيعتي يوم اضحك وايد ومن خاطري تدمع اعيوني
ولأني انحرجت سرت بعيد عنكم
الله يخلي لج بنوتتج لازم شخصيتج اتكون اقوى من جذيه
غناتي تمر على الانسان لحظات ضعف وساعات اتكون صعبه
بس لازم نتغلب عليها ونتأقلم مع الواقع الجديد

هذي بعد ماعندها سالفه الي سالتج هالسؤال يعني الصراحه في ناس ماتعرف تقدر و تعق الرمسه من غير ما يثمنونها
ماعليج حبيبتي كوني قويه لاتخلين كلام الناس يأثر عليج وبعدين شو فيها مطلقه ياخي كل انسان احيانا يمر بتجارب ويفشل مب عيب الواحد يفشل العيب ان يخلي الفشل هذا يأثر على طموحاته وحياته و أمله

لاتشلين هم الغاليه انتي ما شاء الله عليج فاهمه وعاقله احيان المشاعر تغلب وانا لو في موقفج بسوي نفس ماسويتي بس برجع وبنسى .. ان نشدوج قوليلهم الصراحه السؤال اثر فيني شو فيها مب عيب الواحد يعبر عن مشاعره ولا عيب اذا الواحد تأثر بكلام غيره
لاتجذبين ولا شي قوليلها سؤالج عور لي قلبي لكن مايهم انا حساسه شوي وانتهى الموضوع عشان مره ثانيه تحاسب الاخت يوم بتقول شي


ليش شخصيتج ضعيفه ؟؟……لانج مب واثقه فنفسج ..

تقبلي شخصيتج مثل ماهي وخلي عندج ثقه كبيره …

ولا تتاثرين بسالفه طلاقج .. لانج مب اول وحده ولا اخر وحده

مرااااااااحب فديتج…..


حبيبتي انتي مب اول ولاا آآآآآآآآخر وحده تكون مطلقه بمجتمعناااا…أنااا معاج ان نظرت الناس للمطلقت تكون غير حتى الناس يتعاملون معاها بشكل غير…بس هذااا مب معناته انج تحزنين عمرج ولاتقدرين بخاطرج على سبت اان وحده سألتج انتي صدق مطلقت ولا لاااااء….خلاااص الحينه اللي صار صار ومحد يقدر يغير باللي جرى اللي صار هو ماضي والحينه انتي حرررره ماعندج حد يأمرج بدنيااج غير أهلج…ولاتعورين قلبج كثير لم حد يسالج شرات هالاسئله ترى الناس كلامهم كثيييييييير ومايخلص والله ان الخلق يدورون السوالف من تحت الارض عشان يتونسون بالحديث عن أعراض الناس مايعرفون ان السكوت من ذهب وأرحم من الكلام اللي ماله داعي واذاا سألج حد انتي مطلقه مره ثانيه لاتاااخذين بخاطرج ولاااااااااااااااااهم يحزنوووون أبداّ سكتيهم بكلاااااااامج وخلي اسلوبج يكون منطقي وعقلاني قوليلهم((((هيه أنااااا مطلقه وماصااار نصيب ربي ماكتب لنا نستمر مع بعض طول العمر آآآرآآآءنا مختلفت اسلوبنا ممختلف تفكيرنا غير تعاملنا مع بعض مضارب نمط معيشتي غيييييييييير ومختلف عن نمط معيشته كل هالاشيااااااء خلتناااا مانتفق وننفصل لأن الانفصاااااااال به راحه لي وله….ونحن فكرنا كثير قبل الطلااااااااااق وشفنااا اذاا باجر يووولنا عيال مانريدهم ينظلمون معاهاااا ونحن أبداً مش متفقين بشي…. اختيه لو كنتي اتااابعين النجار بلون حيااتك اسمعي كلااااامه أذكر مره قال لعرسان توهم متزوجين وكله ضراابه وخناااقات على أتفه الاشيااااااااء تعرفين ليش لان كلن منهم شخصيته غير وماتنططبق على الثاني قال اذااا مااااقدرتو تتفقون بأموركم فالحل هو الطلااااااق الحينه قبل لا اتييبون عيال وينظلمون معاكم…………..حبيبتي خليج قويه وردي على اللي يسألج بهالرد ووالله العظيم انهم بعدين بيصخون ولا حتى بيفكرون يردون ويسالونج مثل هالأسئله واللي تقولج حنيتي لريلج ولا انتي ماتحنين قوليلها كل واحد يعيش ولو فتره قصيره مع الثاني وهو الزوج أكيد بيحن له وأاناا بالاخير مب معدومه المشاعر ولا قاسيه القلب…………قوي من شخصيتج فديتج ولاتضعفين جدام الناااااااااااس على سبت انج مطلقه ترااااااااااه عادي لو الوحده كانت مطلقه هذا قدرها بهالدنيا ماتقدر تغيره وان شااااااء الله ربي يوفقج ويرزقج بولد الحلااال اللي يصونج اللهم آآآآآآآآآآآآىمين…………

الله يعينج

ما عليه حبيبتي خلي روحج رياضيه ودايما الي يرمس عن حياتج الشخصيه وقفيها عند حدها وقوليلها شي شخصي ماله داعي اقوله خلج واثقه من عمرج ترا والله انا الدنيا ما تسوى تزعلين وتضايقين استغفري ربج عشان ترتاحين وتجنبي هالاشكال بالدوام

مسويه عمليه ازالة خلايا متغيره من عنق الرحم من الدرجه الاولى

وبعد اسبوعين نزلت علي الدوره والحين من 10 ايام وما نظفت منها

اول مره تقدم اسبوع قبل موعدها

فيه حد مر في مثل حالتي

ارجو الافاده

وينكم يابنات

Task 1 خطوه بخطوه و اضمن الدرجه بجيبك الجزء الثاني ^^

بسم الله الرحمن الرحيم ..

هذا الموضوع لطريقه حل .. Writing Task1
إلي هو عباره عن الرسومات البيانيه ..

مطلووب هنا انكم تكتبوا 150 كلمه لمده 20 دقيقه ..


كل اللي أطلبه منكم تدعولي بالتوفيق في حيــااااتي ^.^

يتبعـــ ،،

بسم الله نبدأ

1) اول شي لازم نعرفه ان هناك اربع اشكال للرسومات البيانيه ..

الاعمده Bar chart
الخطوط **** graph
الدائره Pie chart
الجدول Table

2) طريقه الامتحان ..

مستحيل يجيبوا لكم رسمه وحده ..
يعني لازم تكون اثنين و نادراً لما يجيبوا ثلاثه ..
احياناً يكونوا اثنين مختلفين يعني ممكن يجيبوا الخطوط + الاعمده أو الاعمده + الدائره وهكذا
و احياناً اخرى يجيبوا اثنين زي بعض ..

بس حطوا ببالكم لازم تكوون هنااك علاااقه بينهم ..

3) اول ما نشوف الموضووع نعرف انه لازم نكتب اربعه اجزاء رئيسيه يتكون منها الموضوع ككل ..

ا) المقدمه
ب) نظره عامة و شاملة
ج) الموضوع
د) الخاتمة

& المقدمه

1) طريقتها وااحده في جميع الانواع ..
2) يجب ان نكتب فيها كل شي موجود في الرسمه .. و لو كانت رسمتين نكتب ماا تحتويه الرسمتين ..

الان ما يجب كتابته ..

أ) لو كان عندنا الرسمتين زي بعض ..
مثال : عندنا إثنين Bar chart او اثنين **** graph

نبدأ هكذا ..
The two **** graphs ( show , illustrate , provide ) information about …………

في الفراغ نكتب ما نجده فوق على الرسمتين و ندمجهم و نحاول نجعلها جمله مرتبه و واضحه ..

ب) لو كانت الرسمتين مختلفتين ..
نفس الشي بس ما نحدد نوع الجراف ..
بمعنى لو جابوا لي bar + pie
اكتب ..

The two graphs ( show , illustrate , provide ) information about …………

بس المقصود هنا تحديد النوع لا أكثر ..

× × × × × × × ×× × ××

& النظره العامه

هذه مهمه جداً .. المقصود هنا تذكر مختصر عما تراه في الرسم البياني .. يعني لو كان في زياده او نقصان تذكره هنا بطريقه سريعه بدون الوقوف عليها .. انا هنا ما ابغاكم تكتبوا إلا سطر و نص او سطرين بالكثيـــر عشان تترك لك مجال بعدين تكتب و تتبحر بالموضوع ..

لازم تكتبوا هذه الكلمه ..

Overall , the

& الموضوع ..

لما يكون عندنا رسمتين هينقسم الموضوع إلى جزئين الرسمه الاولى ، الرسمه الثانيه ..

الرسمه الاولى :

نتكلم عنها و نبدأ عادة لو كانت ( اعمده او خطوط ) بـ At the beginning the
اما هذه عامه للجميع ………………………. At the first we can see

و نتكلم عن ما توضحه الرسمه ..

* نبدا من البدايه و نشرح إذا كان في زياده او نقصان او في تذبذب في الرسمه و طبعاً لازم نذكر النسبه او الارقام إذا كانت موجوده لأنه ذكر الارقام و النسبه مهم جداً ..
* لا تكرر الكلمات المستخدمه و هوضح ماهي الكلمات ..
* اذا كانوا يتكلموا على فتره ماضيه يعني قديماً .. كل الكلمات إلي لازم تستخدمها لازم تكوون ماضي يعني تقلب الموضوع ماضي مثال : is ….. was \ play ….. played
و هكذا ..

الرسمه الثانيه :

اكتب فيها زي ما كتبت بالمقدمه ..
و تكتب فقط ما يوجد في الرسمه الثانيه و لا تنسوا تكتبوها بطريقه مرتبه و حاولوا تستخدموا كلمات اخرى لها نفس المعنى .

The second graph ( shows , illustrates , provides ) information about …………
The second chart ( shows , illustrates , provides ) information about …………× × × × × × × ×

& الخاتمه

نوجد علاقه بين الرسمتين ، او نذكر انه الزياده او النقصان سيستمران ، او تذكر شي مميز حدث ..
To sum up , …………………………………………..

ممكن تقولوا توجد علاقه طرديه بين ….. و …….

To sum up , there is a positive correlation between ……. and …………

أو توجد علاقه عكسيه بين ……. و …….
To sum up, there is a negative correlation between ……. and …………


كذا نكون خلصنا شرح IELTS writing Task1

مشكوووووووووووره فديتج ربي يعطيج الف عافيه

انا الحين يالسه الجراف ادرسه امتحاني جرب احس اذا كانو جرافين صعب بس اذا جراف واحد سهل واايد

دعواتكم خايفه من الامتحان

ماعليه الغاليه ان شاء الله اقدر اساعدج
انتي شو امتحانج جنرل ولا اكدمك ؟؟؟

يزااااج الله خير وفي ميزان حسناتج ان شاء الله
ولا تحرمينا من مثل هالمواضيع المفيدة

أنا امتحااني أكاديميك ^^

كيف تصبحين جذابه من الدرجه الاولى

بسم الله الرحمن الرحيم //

\صباح .. مساء /الوررررد ..

الجاذبية ليست جاذبية الملامح أو الشكل ولكنها جاذبية التصرفات وهي
مجموعة الصفات التي تظهر على هيئة تصرفات في المواقف المختلفة‏…
ومن أهم هذه الصفات التي تكسبك جاذبية‏ رشاقة الحركة‏‏ .. وطريقة المشي‏‏ .. والجلوس‏ .. وطريقة تناولك للطعام‏‏ .. وطريقة
الكلام‏ .. والصوت الهادئ‏ .. والثقة بالنفس‏ ‏.. والإبتعاد عن كل مايقلل من
جاذبيتك….‏ فإذا اكتملت لك هذه الصفات تستطيعين أن تكوني إمرأة جذابة
دائماً…

والآن تعالي لنتعرف سوياً على وسائل الجاذبية التي تجعل منك
إمرأة مثالية :
*رشاقة الحركة: من العوامل التي تزيد وتوضح جمالك‏ ، فالحركة الرشيقة التي
تشتمل على طريقة المشي‏ حيث يجب أن تمشي مستقيمة الظهر وكتفاك
مسترخيتان معتدلة الرأس‏ ويكون نظرك للأمام وألا تبتعد القدمان عن بعضهما
وعدم ثني الركبتين أثناء المشي‏….
*‏ طريقة الجلوس: يراعى عند الجلوس استقامة الظهر وتلاصق القدمين مع
الركبتين في اتجاه جانب المقعد‏.‏
‏*‏ الضحك ‏:‏ ضحك المرأة له قواعده كأن تهتمي أن تكون أسنانك ناصعة
البياض‏‏ وتكوني مهتمة بجماك شفتيك‏‏ وكذلك أن يكون ضحكك بعيداً عن
التكلف‏. وابتعدي أيضاً عن الضحك بينك وبين نفسك في وجود آخرين فقد
يعتقدون إنك تسخرين منهم وهذه من أكبر الأشياء التي تفقدك جاذبيتك‏…‏
‏*‏ تحريك يديك أثناء الحديث تقلل من جاذبيتك‏.‏
‏*‏ عدم مداومة تنظيم شعرك بيديك أثناء وجودك مع آخرين‏.‏
‏*‏ عدم وضع أصابعك في فمك كدليل للتفكير مثلاً أو قضم الأظافر‏.
‏‏*‏ من الأشياء التي تقلل من جاذبيتك النقر بأصابعك على أي شيء أو مداومة اللعب في السلسلة في رقبتك‏ أو الإستلقاء للأمام أو الخلف
أثناء الضحك‏‏ والحديث بصوت مرتفع..‏.‏
وأخيراً لكي تستطيعي القيام بما يوضح جاذبيك يجب ان تكوني واثقة في
نفسك هادئة غير مرتبكة لذا تذكري دائما استبعاد فكرة ان كل من حولك
يرقبون تصرفاتك واحرصي علي التنفس بطريقة عميقة فهذا يساعد علي
تخفيف الضغط العصبي مع ضرورة الاسترخاء عن الابتعاد القلق…

منقول لعيون الصبايا

مشكووورة

تشرفت بمرورج العطر

الله يعطيج العافيه الغاليه ع الموضوع الرائع

يزااااااااااااااج الله الف خير

زين اني انتبهت لهالاشياء ^ . ^

يعطيج العافية عزيزتي .

روووعه
مشكوره الغاليه

يسلمووو ع الموضوع يالغاليه