الوسم: الولادة

حلمت بأني ولدت بنتين توأم واستغربت بأني ولدت بنتين لان قالولي انتي حامل بواحد و مب توأم وكنت اقول حق اثنين من قريباتي صدقوني انه قالولي بنت وحدة وانا الحين يبت توأم وكنت فرحانة
متزوجة ، محافظة على صلاتي ، لا اعمل

تمت الموافقه
خيرا نتلقاه و شرا نتوقاه
ان صدقت الرؤيا
تدل علي تجديد امور لك و زياده في الرزق و تدل علي رزقك بصبي
ان شاء الله و الله اعلم

كملت 4 شهور ونص من ربيت … معاااانااااة شعري شكثر يطيح

خذي فيتامينات من الصيدليه هذا اهم شي
واهتمي فشعرج زيتيه كل اسبوع مره قبل الغسيل بساعه على الاقل زيت الناريل زين ودابر املا بعد زين
واذا تقدرين تحنينه بعد حنيه وايد زين للتساقط وانبات الشعر

هذا شي طبيعي

و صدقيني شوي شوي بيطلع
اصلا انا بعد سنة من الولادة وقف شعري عن التساقط و هاي طبيعة عند كل الحريم

http://forum.uaewomen.net/showthread…ظٹ-ظ„طھط³ط§ظ‚ط·-ط§ظ„ط´ط¹ط±

غناتي ،،، شوفي موضوع الاخت راح ينفعج بإذن الله

سيِّدُ الاسْتِغْفار أَنْ يقُول الْعبْدُ : اللَّهُمَّ أَنْتَ رَبِّي ، لا إِلَه إِلاَّ أَنْتَ خَلَقْتَني وأَنَا عَبْدُكَ ، وأَنَا على عهْدِكَ ووعْدِكَ ما اسْتَطَعْتُ ، أَعُوذُ بِكَ مِنْ شَرِّ ما صنَعْتُ ، أَبوءُ لَكَ بِنِعْمتِكَ علَيَ ، وأَبُوءُ بذَنْبي فَاغْفِرْ لي ، فَإِنَّهُ لا يغْفِرُ الذُّنُوبِ إِلاَّ أَنْتَ .

هذا التساقط شي طبيعي ..بسبب تغير الهرمونات ..ويتم فترة مابين6 شهور الى سنة انتي اخذي فيتامينات وان شاء الله تنتظم عندج الهرمونات ويتوقف التساقط…. وعلى قولة الوالدة الله يحفظها ..هذي ضريبة الامومة….هههه

المشاركة الأصلية كتبت بواسطة غرووب 22

سيِّدُ الاسْتِغْفار أَنْ يقُول الْعبْدُ : اللَّهُمَّ أَنْتَ رَبِّي ، لا إِلَه إِلاَّ أَنْتَ خَلَقْتَني وأَنَا عَبْدُكَ ، وأَنَا على عهْدِكَ ووعْدِكَ ما اسْتَطَعْتُ ، أَعُوذُ بِكَ مِنْ شَرِّ ما صنَعْتُ ، أَبوءُ لَكَ بِنِعْمتِكَ علَيَ ، وأَبُوءُ بذَنْبي فَاغْفِرْ لي ، فَإِنَّهُ لا يغْفِرُ الذُّنُوبِ إِلاَّ أَنْتَ .

سيِّدُ الاسْتِغْفار أَنْ يقُول الْعبْدُ : اللَّهُمَّ أَنْتَ رَبِّي ، لا إِلَه إِلاَّ أَنْتَ خَلَقْتَني وأَنَا عَبْدُكَ ، وأَنَا على عهْدِكَ ووعْدِكَ ما اسْتَطَعْتُ ، أَعُوذُ بِكَ مِنْ شَرِّ ما صنَعْتُ ، أَبوءُ لَكَ بِنِعْمتِكَ علَيَ ، وأَبُوءُ بذَنْبي فَاغْفِرْ لي ، فَإِنَّهُ لا يغْفِرُ الذُّنُوبِ إِلاَّ أَنْتَ .

مرحبا فديتكن ، عساكن بخير يالغاليات ، أتمنى الكل يفيدني بالموضوع لأنه جدا مهم وكثير من الحريم متلعوزات فيه ، وهو كيف تحافظين ع رشاقه جسمج عقب الولاده لا تقولون لي طبيعت الجسم أو ألمشدات أو الكريمات أو الرياضه ، الرياضه تنفع بس مفعولها بطيء جدا ، أنا مجربه هذا كله في حملي الأول بس مافي فايده خاصه العضم إلي تحت الخصر نتيجة الحمل ما راح والخصر امتسح والله قبل الحمل جسمي روعه ما أمدح بس أوصف و كان وزني 60 مناسب لطولي و بعد ألولاده وزني 50 وجسمي مب زي أول، حاولت وحاولت إشياء كثيره أسويها و ما في فايده تميت أسوي رياضه لين ما كملت بنتي 5 شهور عقب حملت والحين جسمي عرض أكثر و ما عرف شو أسوي والحين أنا بالشهر الثامن بليئييز فيدوني و الله سألت حريم كثير جسمهم يهبل عقب ألولاده بس جوابهم الوحيد طبيعت الجسم أو من ربه ، أرجوكم هالأجوبه كرهتها و بليئيئييز إلي عندها أي خلفيه عن الليزر الأخضر تفيدني أو أي شيء يرد الجسم لطبيعته مثل ما كان قبل ألولاده ، أنا المعلومه إلي عندي أنه يرد الجسم والعضم مثل ما كان قبل ألولاده و أن ألجلسه ب3000 درهم ولازم 3 أو 4 جلسات بالكثير حسب الجسم بس أي عياده ما أعرف أو أي دكتوره ما أعرف أو إذا المعلومه صحيحه والله ما أعرف بليئيئيئيئييز بنات فيدوني مالي غير الله ثم انتم بليئيئييز تردون علي بسرعه ، وجزاكن الله ألف خير

موفقه الغاليه.. اختج @مبدعه@

أول مره اسمع عنه

اللي اعرفه انه الرضاعة الطبيعة تساعد الجسم على انه يرجع كما كان .. وهذا مجرب

الليزر الاخضر شوه بيكون مفعوله ؟؟
بيرد الصدر بعد الحمل والا بعد الرضاعة والا البطن و بيشد عضلات الظهر والا بيشيل كلف الحمل والا بيرفع عضلات الحوض ..ما دخل في مخي ليزر بيلم عظام الحوض ؟؟
أنا شفت المساج التايلندي بعد الولادة شكلة فنان وعليج بالرياضة صح بطيء
بس امشي على نظام صحي من عند دكتورة أفضل من أنج تتعرضين لأشعة ما تعرفين
سلبياتهافي المستقبل
و نظام يداتنا حق المرابي فنان .. سبحان الله لكل شيء ضريبة

مافيه غير الرياضة الرياضة تنسق القوام وتخصر وتشد

السلام عليكم خواتي:

انتظر ردودكم خواتي

شو سالفه هالمساج انا ربيت مرتين والمرخ الثانيه اتصلت في مركز الصيني اللي يسوون مساج قالتلي مايصير المربي تسوي مساج الا عقب ثلاث شهور من الولاده

انا في ولدي الاول ما سويت
و الحين الحمد الله حصلت وحدة باكستانية و سويت عندها واااااااااايد ارتحت
صدج كنت تعبانة و احس جسمي كله يعورني و الرحم كان نازل طبعا و هي رفعته
اذا حابة اعطيج رقمها طرشيلي رسالة لأني ما ارجع للمواضيع اللي ادخلها
هي من دبي

السلام عليكم بنات بغيت اخبركن ليش ماتنيمع ونيمع بيزات للي بتربي ونشترلها هدية ونوصلها للمستشفى-يعني اللي بتربي تخبرنا متى ربت وفي اي مستشفى واي قسم وغرفة رقم كم ؟وتوصلها الهدية وشو اسمها طبعا-يعني خلونا بنات المنتدى نيمع البيزات مع بعض حق اللي بيربون بشهر رمضان-شرايكم؟

34 قراءة ولا رد حرام عليكم

ولاتزعلين فكرة حلوة انا اولهم انا بتاسع وباقيلي كم يوم انشالله وبربي وبخبركم بعدين وين بربي ويالله اتريا هديتي هههههه

حلوة الفكرة

ان شاء الله احمل دعواتكم

اختي عندج بيزات اتصدقي فيها فديتج
يعني احس ما …….. بس غير!!!!!!

حلوه فكـــرتج ليش لا بس شكلهم البنات مب مشجعاااااااااااااااات … هيهيهيهيه….

بالعكس حلوه الفكره وجزاج الله خير وحتى هالفكره بتفرحين فيها انسانه
بس اشمعنى س في رمظان؟؟؟؟؟؟

موفقه اختي

السلام عليكم ورحمة الله وبركاته

والله حبيبتي بهلوله لازم الموضوع يشملنا احنا كمان اللي على وشك ولاده وما حان الموعد لانه اكتئاب رهيب رهيب رهيب …. والانتظار سئ جدا ….. عب وثقل ووجع وتكسير عظام … وكل عظمه صارت بجهه من الوجع …. خاصه عظم الحوض …..

سامحيني عالتعابير بس متضااااااااااااااااااااااااايقه

المشاركة الأصلية كتبت بواسطة بنت الاقصى

والله حبيبتي بهلوله لازم الموضوع يشملنا احنا كمان اللي على وشك ولاده وما حان الموعد لانه اكتئاب رهيب رهيب رهيب …. والانتظار سئ جدا ….. عب وثقل ووجع وتكسير عظام … وكل عظمه صارت بجهه من الوجع …. خاصه عظم الحوض …..

سامحيني عالتعابير بس متضااااااااااااااااااااااااايقه

ممممممممممممم عيل اكيد هذا اول بيبي
لانج لاحقه على الاكتئاب الحقيقي

والله احس بهم بقلبي …الله يعينا ويعينج حبوبة وكلنا ماجورات يارب

الله يبعد عنكم الهموووم عليكم بالاذكااار,,,, والدعاااء
والله يحفظ لكم اعياالكم

المشاركة الأصلية كتبت بواسطة روزي حمرا

الله يبعد عنكم الهموووم عليكم بالاذكااار,,,, والدعاااء
والله يحفظ لكم اعياالكم

وعيالج الغالية

المشاركة الأصلية كتبت بواسطة بهلولة

ممممممممممممم عيل اكيد هذا اول بيبي
لانج لاحقه على الاكتئاب الحقيقي

والله احس بهم بقلبي …الله يعينا ويعينج حبوبة وكلنا ماجورات يارب

صحيح اول بيبي ….. لسه في اكتئاب غير هيك ؟؟؟

شو اسبابه هالاكتئاب ومين بقدر يساعدنا انا نتخلص منه او حتى ما يجينا … ؟؟؟

حبيباتي عليكم بتشغيل القرآن وخاصة سورة البقرة كل يوم في البيت وما تيلسين بروحج في البيت لازم يكون حد عندج عشان لا تتضايقين
وبالأذكار والاستغفار كل الهموم والاكتئاب ينزااح

شو أنواع تخفيف الألم اللي عرضوها عليكم.. لاني بعرف انه الايبيدورال بس لما يكون الدكتور مداوم غير هيك ما بيعطو؟
أفيدونا جزاكم الله خير.

ماعندي فكره ,,,,,ان شاء الله البنات مابيقصرن وياااج ,,,, والله اسهل عليج يااارب ^^

في مستشفى الكورنيش الدكتوره ما تحضر الولادة الا اذا فيه مشكله الموايف هي اللي تولد ومخففات الالم الاكسجين بس.

المشاركة الأصلية كتبت بواسطة سمو

في مستشفى الكورنيش الدكتوره ما تحضر الولادة الا اذا فيه مشكله الموايف هي اللي تولد ومخففات الالم الاكسجين بس.

صح كلام اختي …مرات تتواجد الميدوايف او وحده من النيرسات ..الدكتورة للحالات التعسر والحرجه فقطططططط…..والاكسجين هو مخفف الالم ….وما يعطونج اياه الا اذا كان فاتح الرحم عند 4 سانتي وفوق …..يعني اذافاتح بس 2سانتي وانتي مييييييته من الالم …مايعطونج اياه .

المشاركة الأصلية كتبت بواسطة مياسوه

ماعندي فكره ,,,,,ان شاء الله البنات مابيقصرن وياااج ,,,, والله اسهل عليج يااارب ^^

شكرا على الرفع أختي.

المشاركة الأصلية كتبت بواسطة سمو

في مستشفى الكورنيش الدكتوره ما تحضر الولادة الا اذا فيه مشكله الموايف هي اللي تولد ومخففات الالم الاكسجين بس.

أنا بتابع عند عيادة الميد وايف حاليا.. بس حابة أعرف شو أوبشنز التخفيف.. لانه حرام بصراحة يتركوا الوحدة تتعذب بحجة تشجيع الولادة الطبيعية و كل المستشفيات الخاصة تعرضها على المراجعات بسهولة.

المشاركة الأصلية كتبت بواسطة أم زايد 77

صح كلام اختي …مرات تتواجد الميدوايف او وحده من النيرسات ..الدكتورة للحالات التعسر والحرجه فقطططططط…..والاكسجين هو مخفف الالم ….وما يعطونج اياه الا اذا كان فاتح الرحم عند 4 سانتي وفوق …..يعني اذافاتح بس 2سانتي وانتي مييييييته من الالم …مايعطونج اياه .

قصدك بالأكسجين = المخدر (NO+اوكسجين) اللي بيجي بالكمامة صح؟
أنا حابة أعرف تجارب الاخوات اللي أخذو ابرة الظهر بالكرنيش.. لاني بحس اجراءاتهم بهالخصوص معقدة.للأسف.

السلام عليكم ::

اب اب اب….

قريت انه تحاميل الملح تلقينها عند الدكتورة زينب المعروفه في دبي

أنا من بوظبي مالي حد في دبي اييبهن !!

الغاليه بتلقينهن في الصيدليه .. والافضل لو ترووحين لدكتورة تعطيج المطهر الي يناسبج … لانه حرييم يناسبهن الملح وحد لااا .. ان شااء الله اكون افدتج

اممممممم ام عبدالله بس تحاميل الملح معروفة لبعد الولادة انها اتوضق واطهر المكاااااان

للرفع وين التاجرات اكيييد عندهم هالشغلات

هلا خواتي منو جرب فيكم الولادة في المستشفى الأمريكي في دبي؟

مممم انا ماجربت بس سمعت يمدحونه ….

الله يسهل عليج

السلام عليكم
خواتي انت والدة من سنة طبيعي
و من بعد النفاس لاحظت ان البراز ينزل مني عالخفيف وماقدر اتحكم فالغازات .. علما انهم قصولي و سوولي خياطه

الله يشافيج فديتج يمكن الولادة كانت صعبة او انتي كنتي ادزين فوقت بعدها التقلصات مال الولادة ما كانت وايد انا ياني بواسير والله يعنى بعونته يارب حاولي فديتج تمشي وتسوي تمارين الحوض او القرفصاء .
شوفي ها الرابط يمكن يفيدج
http://www.feedo.net/MedicalEncyclop…ntinence.htm#3

الدكتور خبرني ان مافي فايدة من التمارين لان صار تمزق يعني ماقدر امسك البراز.. صارت العضلة ضعيفه و لازم عملية
منو الغلطان ؟؟ الي قصو لي و لا من الخياطة ولا منو
علما ان ظليت يوم فالمستشفى و كنت تعبانه و يوم عطوني مخدر عشان ارتاح على طول جتني الولاده .. و ظليت ساعه في غرفة الولادة كل شوي انام لين ماقصولي و طلع البيبي

الله يعافيج يااارب شق العجان يختلف لان العجان هو قناة عبور البيبي .. من رايي خذي راي اكثر عن طبيب وعقب اختاري الراي اللي يناسبج وعليج بالدعاء والصدقة والله يشفيج

اخذت راي اكثر عن دكتور و قالو كلهم عملية
منو الغلطان ؟؟؟
دورت فالنت مكتوب بسبب الولادة المتعسره
هل الغلط من الي قصو يعني هم قصوا وايد و لا من الخياطه ولا من شو

سلامتج يالغالية ماتشوفين شر
الظاهر محد غلطان يختي لان ا لبيبي يوم يطلع ايضا يضغط على عضلات الخروج وانتي بكرامة فيأثر ممكن يسبب مشاكل فيها ترا هالاعضاء كلها حذال بعض
بس تسوين عملية و تتحكمين بالخروج افضل من ان ماتقدرين تتحكمين بالخروج
ولاتخافين من العملية القيصرية بس اول الايام تعب وبعدين عادي يمكن لو جربتيها تقولين ياليتني من البداية ربيت قيصرية بالعكس القيصرية بتنقذش من اخطار الولادة الطبيعية
صلي استخارة وتوكلي دام انج تقولين خذتي رأي اكثر من دكتور

المشاركة الأصلية كتبت بواسطة Honey Mona

سلامتج يالغالية ماتشوفين شر
الظاهر محد غلطان يختي لان ا لبيبي يوم يطلع ايضا يضغط على عضلات الخروج وانتي بكرامة فيأثر ممكن يسبب مشاكل فيها ترا هالاعضاء كلها حذال بعض
بس تسوين عملية و تتحكمين بالخروج افضل من ان ماتقدرين تتحكمين بالخروج
ولاتخافين من العملية القيصرية بس اول الايام تعب وبعدين عادي يمكن لو جربتيها تقولين ياليتني من البداية ربيت قيصرية بالعكس القيصرية بتنقذش من اخطار الولادة الطبيعية
صلي استخارة وتوكلي دام انج تقولين خذتي رأي اكثر من دكتور

استغربت قولج اخطار الوﻻده الطبيعيه سبحان الله ربي ما سوا ها الطريقة الا لحكمه وهي خير
يا اختي الاطباء ﻻ ينصحون بالوﻻده القيصريه الا للحاﻻت المستعصيه والضروريه الاطباء هذيل الي دارسين وفاهمين اكثر منا وحبيبتي الوﻻده القصيريه اخطارها اضعاف الطبيعيه ﻻنها غير طبيعيه ولها اثار جانبيه بعيده يعني ﻻ تستهينون بها وبعد في حريم ووايد جربن طبيعي وبعدها قيصري وقالوا الطبيعي ارحم !
حبيبتي راعية الموضوع يمكن نحن مانفيدج ﻻن ماعندنا الخبره او المعلومات الطبيب هو بيعرف حالتج ومنو الغلطان وكيف استوا الامر بس اوﻻ استخيري لما هو خير لج والله بيسره عمليه او ﻻ والله ييسر لج الخير