السلام عليكم ..
هلا خواتي عندي استفسارات بسيطة ياليت الي عندها علم ما تبخل علينا فيها ^_^
أول شي : بالنسبة للـ interior design حد جرب اتعامل مع شركة خاصة في التصميم الداخلي عند بناء البناء ؟ بغيت اعرف تقريبا كم بيكلف لو نتعامل مع شركة ؟
الشي الثاني :
بالنسبة للتكيف ، شو نصيحتكم هل التكييف المركزي بيكون أفضل للبيت؟ هل بيكون مكلف من ناحية صيانته ؟
و بس ^_^
أتريــا الإفـــادة من أهل الخبرة ^_^
آن شــُآلله آلبنــُآت يســُآعونــُج..~
مــوفقــُه عزيــُزتي ..|
صراحه انا اشوف ماله داعي لشركات الديكور لانه الحين النت ملياااااااااان افكار وصور
والواحد يقدر ياخذها ويسوي نفسها وحتى تركيب الالوان والتنسيق كل شي موجود
عني انا مااقدر اثق بذووق حد غيري ،، وخصوصا انه بيتي وانا اللي بعيش فيه ،،
والسعر يعتمد على مساحة بيتج …
انا اسمع من اهلي انه اسعار الشركات مايقل عن الـ ١٠٠ الف
+++
بخصوص المكيفات .. الدك اظن جي اسمه خخخ ،،المهم المركزي اللي يكون في الجبس هذا مكلف
وحتى يصرف في الكهربا ..
مع انه كان خاطري اركبه في بيتي بس المقاول مانصحنا فيه ،، لانه يوم يخترب يسكر عندج قسم كامل ،،
بس ك شكل هو احلى وارتب ،،،
أنا بعد نفسج محتارة بين شركات الديكور وحتى الحين ادور شركة سعرها حلو وانا اكون مرتاحة. بس هذا الموضوع تعبني ياليت اللي جربن الشركات يخبرنا تجربتهم حتى نستفيد
موفقة…للرفع…
مممممممممممم اذا عندج ميزانيه ممكن تجربين شركات الديكور لانهم بيفكوونج من الدواره والتنسيق وخصه اذا بيتج عود،،، اما اذا فيج حيل ممكن انج تستغنين عنهم ومثل ماقالو الخوات النت فيه كل شي وف النهايه ذوووقج مب ذوووق حد ،،،،
وبالنسبه للدك هو مكلف واااايد بس كشكل احلى طبعا 
،،، الاغلب يسوون الصالات بس
الشركة بتفيدج اكثر لان المشكله مب في التصميم الديكور
المشكله في كمية المواد المطلوبه لتنفيذ الفكرة وكوالتي الماده
وبنفس الوقت الشركة بتصمم لج وانتي بامكانج اتقررين وتختارين
وهم بينفذولج الفكرة بشكل مرتب ومنظم
اما عن المكيفات الدك أحلى